Сергейцево (Владимир облаҫӗ)
Сергейцево — Владимир облаҫӗн Ковров районӗнчи ял, Малыгино ял тӑрӑхне кӗрет.
Географи
Ял тӑрӑхӗн центрӗ шутланакан Ручей ялӗнчен кӑнтӑр-хӗвеланӑҫнелле 6 ҫухрӑмра тата район центрӗ шутланакан Ковров хуларан 10 ҫухрӑм хӗвеланӑҫнелле вырнаҫнӑ. Ял патӗнче Владимир—Ковров чукун ҫул ҫинче Сергейцево ятлӑ чарӑну вырӑнӗ пур.
Историйӗ
XIX ӗмӗр вӗҫӗнче — XX ӗмӗр пуҫламӑшӗнче ял Ковров уесӗн Эдемски вулӑсне кӗнӗ. 1859 ҫулта ялта 75 кил шутланнӑ, 1905 ҫулта — 73 кил пулнӑ, 1926 ҫулта — 118 кил.
1929 ҫултанпа ял Ковров районӗнчи Сергейцево ял канашне кӗнӗ, унӑн центрӗ шутланнӑ. 1940 ҫултанпа Малышев ял канашӗн шутӗнче, 1972 ҫултанпа — Ручей ял канашӗ шутӗнче. 2005 ҫултанпа Малыгино ял тӑрӑхне кӗрет.
