Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Смолина Людмила Валериановна

Людмила Валериановна Смолина (ҫур. 1962 ҫулхи кӑрлачӑн 21-мӗшӗ, Ярхунушкăнь, Элĕк районĕ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР) — чӑваш сӑвӑҫи, журналист тата куҫаруҫи. Раҫҫей Журналисчӗсен пӗрлешӗвӗн пайташӗ (1992), Раҫҫей Ҫыравҫисен пӗрлешӗвӗн пайташӗ (1997). С. В. Эльгер ячӗллӗ журналистика премийӗн (1998) тата Мархви Трубина ячӗллӗ литература премийӗн (1993) лауреачӗ[1].

Пурнӑҫӗпе ӗҫӗ-хӗлӗ

1962 ҫулхи кӑрлач уйӑхӗн 21-мӗшӗнче Чӑваш АССР-н Элӗк районӗнчи Ярхуньушкӑнь ялӗнче ҫуралнӑ. И. Н. Ульянов ячӗллӗ Чӑваш патшалӑх университечӗнчен вӗренсе тухнӑ[1][2].

Чӑваш АССР Министрсен Советӗ ҫумӗнчи пичетри патшалӑх вӑрттӑнлӑхӗсене сыхлакан управленире инспектор пулса ӗҫленӗ. 1992—2002 ҫулсенче «Ҫилҫунат» ача-пӑча тата ҫамрӑксен журналӗнче ҫырусемпе наци хушшинчи ҫыхӑнусен пайӗн пуҫлӑхӗ, литературапа искусство пайӗн редакторӗ, каярахпа тӗп редактор пулнӑ[1].

2003—2019 ҫулсенче Чӑваш Республикин «Хурӑнташ» Ҫыравҫисен пӗрлешӗвӗн правленийӗн председателӗн ҫумӗ тата литература консультанчӗ пулса ӗҫленӗ[1].

Пултарулӑхӗ

Людмила Смолина студент чухне сӑвӑ ҫырма пуҫланӑ. Унӑн пултарулӑхӗ пысӑк ҫынсемпе ачасем валли поэзие тата вырӑс поэзине чӑваш чӗлхине куҫарас ӗҫе пӗрлештерет. Унӑн сӑввисем ҫине вуншар юрӑ хайланӑ[1].

Смолина Александр Блокӑн, Алексей Плещеевӑн, Елизавета Трутневан, Иван Елисеевӑн тата ытти вырӑс поэчӗсен хайлавӗсене чӑваш чӗлхине куҫарнӑ[1].

«Чӑваш Ен» сӑвви 2020 ҫулта тухнӑ «Ҫӗршывӑмҫӑм, Чӑваш ҫӗршывӗ» поэзи пуххине кӗнӗ[3].

Кӗнекисем

  • «Хӗр ӗмӗрӗ — хӑналӑх» (1993);
  • «Асамлӑ ҫулталӑк» (1996);
  • «Асамлӑ кӑлтӑрмач» (1998)[1];
  • «Натали» (2017)[4];
  • «Шӑпӑрлан. Пострелёнок» (2022)[5].

Хисепӗсем

  • Мархва Трубина ячӗллӗ литература премийӗн лауреачӗ (1993);
  • С. В. Эльгер ячӗллӗ журналистика премийӗн лауреачӗ (1998);
  • А. П. Чехов медалӗ;
  • Раҫҫей Ҫыравҫисен пӗрлешӗвӗн Хисеп хучӗ;
  • Раҫҫей Журналисчӗсен пӗрлешӗвӗн Хисеп хучӗ[1].

«Натали» кӗнеки 2017 ҫулта, «Шӑпӑрлан. Постреленок» кӗнеки 2022 ҫулта «Литературная Чувашия: самая читаемая книга года» республика конкурсӗнче ҫӗнтернӗ[1].

Ҫемье

  • Упӑшки — Анатолий Семёнович Смолин (1957—2012), чӑваш сӑвӑҫи, куҫаруҫи тата культура ӗҫченӗ[6].
  • Евгений Анатольевич Смолин — Анатолийпа Людмила Смолинсен ывӑлӗ, истори ӑслӑлӑхӗсен кандидачӗ[7].

Ӑнлантарусем

  1. ^ 1, 2, 3, 4, 5, 6, 7, 8, 9 Смолина Людмила Валериановна (выр.). Литературная карта Чувашии. Национальная библиотека Чувашской Республики. Пӑхнӑ кун: 2026 ҫулхи авӑнӑн 16-мӗшӗ.
  2. ^ Смолина Людмила Валериановна (выр.). Чувашская энциклопедия. Чувашский государственный институт гуманитарных наук. Пӑхнӑ кун: 2026 ҫулхи авӑнӑн 16-мӗшӗ.
  3. ^ Смолина Людмила. Чӑваш Ен. Наследие Чувашии. Национальная библиотека Чувашской Республики. Пӑхнӑ кун: 2026 ҫулхи авӑнӑн 16-мӗшӗ.
  4. ^ Натали: сӑвӑсем (выр.). Электронный каталог Российской национальной библиотеки. Российская национальная библиотека. Пӑхнӑ кун: 2026 ҫулхи авӑнӑн 16-мӗшӗ.
  5. ^ Издана книжка-вырубка Людмилы Смолиной (выр.). Министерство цифрового развития, информационной политики и массовых коммуникаций Чувашской Республики (29 ҫӗртмен 2022). Пӑхнӑ кун: 2026 ҫулхи авӑнӑн 16-мӗшӗ.
  6. ^ Смолин Анатолий Семенович (выр.). Литературная карта Чувашии. Национальная библиотека Чувашской Республики. Пӑхнӑ кун: 2026 ҫулхи авӑнӑн 16-мӗшӗ.
  7. ^ Анатолию Смолину — 60 лет! (выр.). Семенчино (3 акан 2017). Пӑхнӑ кун: 2026 ҫулхи авӑнӑн 16-мӗшӗ.

Вуламалли

  • Артемьев, А. Людмила Смолина. — Тӑван Атӑл. — 1996. — С. 52.
  • Ефимов, Г. Людмила Смолина. — Ҫил ҫунат. — 1998. — С. 15.
  • Афанасьев, Пётр. Писатели Чувашии. — Чувашское книжное издательство, 2006. — С. 383.
  • Ефимов, Леонид Алексеевич. Смолина Людмила Валерьевна. — Аликовская энциклопедия. — 2009. — С. 484—485.
  • Родионов, Владимир Григорьевич. Смолина Людмила Валерьевна. — Чувашская энциклопедия. — 2011. — Т. 4. — С. 52.
  • Энциклопедия чувашской журналистики и печати. — 2014. — С. 402.

Ялгир, Пётр. Литературный мир Чувашии. — 2005. — С. 107.

Каҫӑсем

Категорисем