Столяров Сергей Дмитриевич

Сергей Дмитриевич Столяров 1911 ҫулхи утӑн 17-мӗшӗнче Тула кӗпӗрнинчи Беззубово ялӗнче ҫуралнӑ. Ашшӗ Пӗрремӗш тӗнче вӑрҫинче вилнӗ. Граждан вӑрҫи вӑхӑтӗнче ача ҫуртне лекнӗ, унта вӑл драма кружокне ҫӳреме пуҫланӑ.

Кайран Мускава куҫнӑ, училищере слесарьпе машинист ӑсталӑхне алла илнӗ. Ӗҫленӗ хушӑрах театр студийӗнче вӗреннӗ.

1931 ҫулта Пролеткультӑн театр шкулне вӗренсе пӗтернӗ. Тӗрлӗ ҫулсенче МХАТра, Хӗрлӗ Ҫарӑн тӗп театрӗнче, Моссовет ячӗллӗ театрта тата Киноактёрсен театр-студийӗнче вылянӑ. 1958 ҫултанпа — КПСС пайташӗ.

1935 ҫулта «Аэроград» фильмра лётчик ролӗпе палӑрнӑ. Ун хыҫҫӑн ӑна тӳрех «Цирк» (1936) фильма тӗп роле (Иван Мартынова выляма) илнӗ. Ҫак фильм хыҫҫӑн Столяров СССР шайӗнче паллӑ пулса тӑнӑ. Шӑпах унӑн сӑн-сӑпатне тӗпе хурса Вера Мухина «Рабочипе колхозница» палӑка хатӗрленӗ^[2][3].

1938—1944 ҫулсенче вӑл юмах-фильмсенче («Руслан тата Людмила», «Василиса Прекрасная», «Кащей Бессмертный») вылянӑ, вырӑс паттӑрӗсен сӑнне ӳкернӗ. Тӑван Ҫӗршывӑн Аслӑ вӑрҫи пуҫлансан Алма-Ата хулине эвакуациленнӗ, унта спектакльсем лартнӑ, пуҫтарнӑ укҫапа танк тума пулӑшнӑ.

А. Л. Птушко ӳкернӗ «Садко» фильмри тӗп роль актёра тӗнче шайӗнче чапа кӑларнӑ. Фильма Венецири кинофестивальте «Кӗмӗл арӑслан» призпа чысланӑ^[4]. Ҫавӑн пекех вӑл «Икӗ океан вӑрттӑнлӑхӗ», «Илья Муромец» фильмсенче вылянӑ. Юлашки ӗҫӗ — «Андромеда тӗтрелӗхӗ» (1967) фантастика фильмӗнчи Дар Ветер ролӗ.

1960-мӗш ҫулсен вӗҫӗнче хӑйӗн сценарийӗ тӑрӑх фильм ӳкерме пуҫланӑ, анчах йывӑр чирлесе ӳкнӗ пирки вӗҫлеймен.

1969 ҫулхи раштавӑн 9-мӗшӗнче вилнӗ. Мускаври Ваганьково масарӗнче пытарнӑ.

Арӑмӗ — Ольга Борисовна Константинова, купса ҫемйинчен тухнӑскер. Ывӑлӗ — Кирилл Столяров (1937—2012), паллӑ актёр пулса тӑнӑ. Мӑнукӗ те, Сергей Столяров, актёр тата телевидени режиссёрӗ профессине суйласа илнӗ.

• Пӗрремӗш степеньлӗ Сталин премийӗ (1951);
• РСФСР тава тивӗҫлӗ артисчӗ (1957);
• РСФСР халӑх артисчӗ (1969);
• Ӗҫлӗх Хӗрлӗ Ялав орденӗ;
• «Хисеп Палли» орден (1950)^[5];
• Медальсем.
• 2009 ҫулта Серебряные Пруды хулин тӗп лапамӗнче актёра палӑк лартнӑ.

• 1935 — Космический рейс — начальник старта (нет в титрах)
• 1935 — Любовь и ненависть — сын шахтера
• 1935 — Аэроград — Владимир Глушак, летчик, сын тигрятника
• 1936 — Цирк — Иван Петрович Мартынов
• 1938 — Руслан и Людмила — Руслан
• 1939 — Моряки — Александр Беляев, капитан-лейтенант, командир подлодки
• 1939 — Василиса Прекрасная — Иван, младший сын
• 1940 — Гибель «Орла» — Фёдор Фёдорович Чистяков, водолаз, сын капитана «Орла»
• 1942 — Боевой киносборник «Наши девушки» — Василий Степанович Павлов, капитан
• 1944 — Кащей Бессмертный — Никита Кожемяка
• 1944 — Иван Грозный — Иван Телепнев-Оболенский (в сохранившемся, но не попавшем в фильм материале)
• 1946 — Старинный водевиль — денщик Фаддей
• 1947 — Голубые дороги — старшина первой статьи Разговоров
• 1950 — Далеко от Москвы — Александр Иванович Рогов, начальник стройучастка
• 1952 — Садко — Садко
• 1956 — Илья Муромец — Алёша Попович
• 1956 — Тайна двух океанов — капитан I ранга Николай Борисович Воронцов
• 1957 — Повесть о первой любви — Егор Петрович Бородин, отец Мити
• 1957 — Лично известен — Василий Никитич, революционер
• 1959 — Человек меняет кожу — Владимир Иванович Синицын
• 1960 — Им было девятнадцать — отец Анатолия Бескова, летчик-испытатель
• 1964 — По газонам не ходить — Клюев
• 1964 — Спроси своё сердце — Коржавин-старший
• 1965 — Год как жизнь — Гелен, акционер
• 1965 — Они не пройдут — Алексей Якимов
• 1967 — Туманность Андромеды — Дар Ветер