Талиев Даниил Иванович
Талиев Даниил Иванович (1784-7.4.1837) — çар тухтăрĕ тата патша çарĕн медицина генералĕ. Хальхи Чăваш Республикине кĕрекен Муркаш районӗнчи Тутарань ялĕнче çуралса ÿснĕ. Талиев Петр Ивановичăн (1778-1832) шăллĕ.
Пурнăçĕ
Ăçта вĕренни
- 1788-мĕш çултанпа — Хусанти çĕнĕ крешшĕнсен шкулĕнче
- Хусанти тĕн академийĕнче.
- Санкт-Петербургри медицина-хирурги академийĕ (1806-1809)
Ăçта ĕçлени
- 1809-1812, — гренадерсен полкĕнчи сиплевçĕ.
- 1812-1813, — аслă сиплевçĕ.
- 1813-мĕш çул пуçламăшĕнчен — 1-мĕш класлă аслă сиплевçĕ, унтан тухтăр-хирург.
- 1815-мĕш çулхи январĕн 1-мĕшĕнче çар министрĕн приказĕпе Санкт-Петербургри çар-артиллери госпитальне лекнĕ, çав вăхăтрах Çар министăрлăхĕн медицина департаменчĕн сĕтел пуçлăхĕ пулса тăнă.
- 1818-мĕш çултан дивизион тухтăрĕ.
- 1831-мĕш çулхи сентябрьтен Çар министăрлăхĕн медицина департаменчĕн Пĕрремĕш уйрăмĕн пуçлăхĕ.
- 1836-мĕш çулта отставкăна тухать те округри медицина генералĕн тивĕçĕсене пурнăçлать.
Вилнĕ хыççăн ăна Санкт-Петербургри Митрофаний масарĕнче пытарнă[1].
Чыславсемпе хисепсем
- 1813-мĕш çулхи февралĕн 21-мĕшĕнче М.Кутузов фельдмаршал палăртнă хыççăн Пĕрремĕш Александр патша Д.И.Талиева дворян ятне парать.
- Апостолпа тан Сăваплă Владимир кнеçĕн 4-мĕш капашри орденĕпе наградăланă.
- Сăваплă Аннан 2-мĕш капашри орденĕ
Тата тепĕр виçĕ орденпа наградаланă (вĕсен ячĕсем паллă мар). Çапла вара мĕнпурĕ 5 (пилĕк) орден.
Вуламалли
- Симулин А.М. Талиев Даниил Иванович — Электронла чăваш энциклопедири статья.
Асăрхавсем
- ^ Захоронения Митрофаниевского Православного кладбища (по книге В. И. Саитова) — Санкт Петербургри Митрофаний перлешĕвĕ. (унăн титулне кунта "статский советник" тесе палăртнă.
Каçăсем
- Медики - участники войны 1812 года.( ӗҫлемен каҫӑ)
- В.Д.Димитриев. Н.Я. Бичурин и Чувашия — Файловый архив студентов. 1083 вуза, 2516 предмета