Тимофеев Анатолий Артемьевич

1938 ҫулхи чӳк уйӑхӗн 11-мӗшӗнче Тутар АССРӗнчи Пӑва районӗнчи Раккасси ялӗнче ҫуралнӑ.Пӑва районӗнчи Элшелти 7 класлӑ шкул вӗренсе пӗтернӗ хыҫҫӑн Хусан чукун ҫулӗн Бурундуки станцийӗнче тӗрлӗ ӗҫ пурнӑҫлакан пулса ӗҫленӗ. Ҫавӑн пекех колхозра, Пермь тата Вологда облаҫӗсенче вӑрман тата торф хатӗрленӗ ҫӗрте вӑй хунӑ. Пӑвари ӗҫлекен ҫамрӑксен каҫхи шкулӗнче вӑтам пӗлӳ илнӗ хыҫҫӑн куҫӑм мар мелпе Ленинградри издательствӑпа полиграфи техникумне (1964), В. И. Ульянов-Ленин ячӗллӗ Хусан патшалӑх университечӗн журналистика факультетне (1969) вӗренсе пӗтернӗ. 1960—1962 ҫулсенче Чӗмпӗр облаҫӗнчи Пухтел районӗн «Пӗрлешӳллӗ ӗҫ» (Коллективный труд) хаҫатӗнче яваплӑ секретарь, 1962—1965 ҫулсенче Пӑва районӗн «Ялав» хаҫатӗнче корректор тата куҫаруҫӑ пулнӑ. 1965 ҫултанпа пурнӑҫне Чӑваш АССРӗнчи Елчӗк районӗпе ҫыхӑнтарнӑ: Елчӗк районӗн «Колхоз ялавӗ» хаҫатӗнче ялхуҫалӑх пайӗн пуҫлӑхӗ, яваплӑ секретарь, тӗп редактор ҫумӗ (1965—1971), КПСС Елчӗк райкомӗн инструкторӗ, политпросвещени пӳлӗмӗн пуҫлӑхӗ, пропагандӑпа агитаци пайӗн пуҫлӑхӗ (1972—1986), «Колхоз ялавӗ» хаҫатӑн тӗп редакторӗ (1986—1989), «Советская Чувашия» тата «Хыпар» хаҫатсен кӑнтӑр районсемпе ӗҫлекен харпӑр корреспондент (1989—2012) пулса вӑй хунӑ.

1991—1994 ҫулсенче Чӑваш обществӑпа культура центрӗ никӗсленӗ «Самана» хаҫатӑн издателӗ тата тӗп редакторӗ пулнӑ. «Самана» — кӑнтӑр районсенче тухса тӑнӑ чӑваш хаҫачӗ.

Тимофеев А. А. Елчӗк районӗн тата Чӑваш Республикин обществӑпа политика пурнӑҫне хастар хутшӑннӑ:

• Пӗтӗм Союзри Историпе культура палӑкӗсене сыхлакан обществӑн районти уйрӑмне ертсе пынӑ,
• Пӗтӗм Союзри «Пӗлӳ» обществӑн районти уйрӑмне ертсе пынӑ,
• КПСС Елчӗк районӗн бюровӗн членӗ пулнӑ,
• Елчӗк районӗн депутатсен Канашӗн депутатне суйланнӑ,
• Чӑваш наци конгресӗн Мӑн Канашӗн пайташӗ пулнӑ,
• Тутарстанри чӑвашсен «Пӑлхар» ентешлӗхӗн хастар пайташӗ.

Тимофеев А. А. 20 кӗнеке авторӗ, вӗсен шутенче:

• «Ырӑ йӗр» (1971),
• «Хуратул пирӗн уй-хирте» (1971),
• «Хуҫалӑх расчёчӗ мӗн парать?» (1972),
• «Колхозри кайӑк-кӗшӗк фабрики» (1973),
• «Лар, тӑванӑм, ҫума» (1994),
• Тимофеев, А. А. Фатуна хыв, пикеҫӗм… : [калавсем, сӑвӑсем] / Анатолий Тимофеев (Сӑрнай). — Патӑрьел : [б. и.], 1995. — 80 с. : портр.,
• Тимофеев, А. А. Пурнӑҫа юратса : [очерксем] / Анатолий Тимофеев (Сӑрнай). — Шупашкар : Сувар-спорт, 2008. — 99 с., [6] л. ил. : ил., портр.,
• «Пурнӑҫ иккӗ килмест»,
• Тимофеев, А. А. Савнӑ, хаклӑ ялӑм Раккасси — аса илӳсен сӑпки / Анатолий Тимофеев (Сӑрнай). — Шупашкар : Ҫӗнӗ Вӑхӑт, 2019. — 148 с., [8] л. ил. с.,
• Тимофеев, А. А. Суйласа илнисем : [очерксем, калавсем, публицист шухӑшӗ, сӑвӑсем, сан ҫинчен, ман ҫинчен] / Анатолий Тимофеев-Сӑрнай ; [Иван Иноходов умсӑмахӗ]. — Шупашкар : Ҫӗнӗ Вӑхӑт, 2018. — 126, [1] с., [6] л. ил. : портр., ӳкерчӗксем,
• Тимофеев, А. А. Тамӑкра туптаннӑ юрату. Чукун пиҫиххиллӗ хурӑн : (ҫӗнетнӗ хушма кӑларӑм) / Анатолий Тимофеев-Сӑрнай]. — Шупашкар : Ҫӗнӗ Вӑхӑт, 2015. — 175 с.,
• Тимофеев, А. А. Ырӑ ят — хӑватлӑ ҫунат : [статьясем, асаилӳсем] / Анатолий Тимофеев-Сӑрнай ; [Ф. П. Петрянкин умсӑмахӗ ; М. А. Михайловский хыҫсӑмахӗ ; Д. В. Литаврин ӳнерҫӗ]. — Шупашкар : Чӑваш кӗнеке издательстви, 2015. — 150 с., [38] л. ил. : ил., цв. ил., портр.,
• «Суйласа илнисем» (2018)

• «Хастар ӗҫленӗшӗн. В. И. Ленин ҫуралнӑранпа 100 ҫул ҫитнине халалласа» медаль (1970);
• КПСС Тӗп Комитечӗн сӗтелҫи медалӗ (1982);
• «Ӗҫ ветеранӗ» медаль (1986);
• Чӑваш Республикин тава тивӗҫлӗ культура ӗҫченӗ^[1] (1999);
• Раҫҫей Журналисчӗсен союзӗн Хисеп грамоти (1998);
• СССР журналисчӗсен союзӗн Хисеп грамоти;
• Чӑваш Республикин Патшалӑх Канашӗн Хисеп грамоти (2013);
• Валентин Урташ ячӗллӗ преми лауреачӗ;
• Чӑваш Республикин Пуҫлӑхӗн Тав ҫырӑвӗ;
• Раккасси ялӗн Хисеплӗ ҫынни.