Тинӗс пехотин кунӗ

Раҫҫей тинӗс пехотин историйӗ XVIII ӗмӗр пуҫламӑшӗнче пуҫланать пулин те, унӑн кун-ҫулӗ виҫӗ ӗмӗр ытла тӑсӑлсан та, «Раҫҫей Федерациийӗн тинӗс пехотин кунӗ» ҫамрӑк уяв шутланать. Пӗрремӗш Пётр патша Раҫҫейре пӗрремӗш «тинӗс салтакӗсен полкне» туса хурасси ҫинчен Хушу кӑларнӑ. Ку ӗҫ 1705 ҫулхи чӳкӗн 27-мӗшӗнче пулса иртнӗ^[2].

Шӑп та лӑп Вырӑс патшалӑхӗн патши ҫак Хушӑва кӑларнӑ кун, «Раҫҫей тинӗс пехотин кунне» палӑртма сӗннӗ те. Ҫакна Раҫҫей Федерацийӗн Тинӗс Ҫар Флочӗн Тӗп ҫарпуҫӗ Феликс Николаевич Громов флот адмиралӗ 1996 ҫулхи утӑн 15-мӗшӗнчи 253 №-лӗ хушӑвӗпе килӗшӳллӗн йышӑннӑ^[3].

• Хура беретсемпе нашивкӑсем ҫине ыттисенчен уйӑрса илмешкӗн карап якӑрне ӳкернӗ, вӑл Раҫҫей тинӗс пехотин символӗ шутланать.
• Морпехсен подразделенине кура тӗрлӗ талисмансем пур: хура пантера, грифон, шурӑ упа тата дельфин^[4].
• Раҫҫейре «Тинӗс пехоти» тесе ҫырнӑ пӗр тенкӗ номинал хаклӑ укҫа кӑларнӑ. Пӗрисем ҫинче тинӗс пехотин салтакӗсене ӳкернӗ, теприсем ҫинче — I Петӗр патшана. Унта 7,78 грамм кӗмӗл^[5][6].