Тихонов Пётр Тихонович
Тихонов Петр Тихонович (1936 ҫулхи нарӑсӑн 23-мӗшӗ, Карӑклӑ, Канаш районӗ, Чӑваш АССР) — Раҫҫей Федерацийӗн тава тивӗҫлӗ вӑрманҫи, Чӑваш АССРӗн тава тивӗҫлӗ вӑрманҫи.
Пурнӑҫӗпе ӗҫӗ-хӗлӗ
1936 ҫулхи нарӑс уйӑхӗн 23-мӗшӗнче Чӑваш АССРӗнчи Канаш районӗнчи Караклӑ ялӗнче ҫуралнӑ. Йошкар-Олари Атӑлҫи вӑрман институтӗнче (1959) вӗреннӗ. Институт хыҫҫӑн Улатӑрти химлесхозра вӑрман химийӗн ӑсти пулса ӗҫлеме тытӑннӑ, 1961 ҫултанпа — Улатӑр районӗнчи вӑрмана хӳтӗлекен станцин инженер-лесопатологӗ. 1965—1971 ҫулсенче – Киря вӑрман комбиначӗн лесничийӗ, 1971—1976 ҫулсенче – Канаш мехлесхозӗн Комсомольски лесничествин лесничийӗ, 1977—1986 ҫулсенче — Шӑмӑршӑ мехлесхозӗн директорӗ, 1986—1994 ҫулсенче – Чӑваш АССР (Чӑваш Республикин) вӑрман хуҫалӑхӗн министрӗн ҫумӗ, 1994—1996 ҫулсенче Чӑваш Республикин вӑрман хуҫалӑхӗн комитечӗн председателӗ, 2002—2008 ҫулсенче — И. Н. Ульянов ячӗллӗ Чӑваш патшалӑх университечӗн истори факультечӗн доценчӗ.
Вӑл ертсе пынипе паха йывӑҫсен (юман, хыр, лиственница тата ытти те) лаптӑкӗсене юсаса ҫӗнетнӗ, эрозие хирӗҫле вӑрман лартнӑ, вӑрман хуҫалӑх производствин вуншар объектне тунӑ, Раҫҫейре малтисен шутӗнче вӑрман хуҫалӑхӗнче хуҫалӑх расчёчӗпе усӑ курма пуҫланӑ.
Ӗҫӗсем
Истори ӑслӑлӑхӗсен кандидачӗ. Вӑрман хуҫалӑхӗн историйӗпе 30 кӗнеке, 40 яхӑн ӑслӑлӑх статйи авторӗ тата соавторӗ. Шӑмӑршӑ мехлесхозӗнче Чӑваш Республикинчи вӑрман хуҫалӑхӗпе ҫыхӑннӑ пӗрремӗш музей йӗркеленӗ.
Кӗнекисем
- Тихонов, Петр Тихонович. Лесоводы Чувашии. XX век [Текст] : [биогр. справ. Кн. 2 / П. Т. Тихонов, Д. А. Николаев. — Чебоксары, 2007. — 179 с.
- Корабельные дубравы Чувашии [Текст] : история и современное состояние / А.С. Яковлев, Г.И. Редько, И.А. Яковлев, П.Т. Тихонов. — Чебоксары, 1997. — 64 с.
- Тихонов, Петр Тихонович. Андрей Васильевич Фадеев : полвека в лесном хозяйстве [Текст] / П. Т. Тихонов. — Чебоксары, 2003. — 33 с., [4] л. ил.
Хисепӗсем
- Ӗҫлӗх Хӗрлӗ Ялав орденӗ;
- Чӑваш АССРӗн тава тивӗҫлӗ вӑрманҫи (1976);
- Раҫҫей Федерацийӗн тава тивӗҫлӗ вӑрманҫи (1996).
Вуламалли
- Ачча, В. Вуласа пӗлмелли нумай / В. Ачча // Канаш ен. — 2009. — 27 чӳк. — С. 1.
- Ачча, В. Шкулта тӗл пулчӗҫ вӗсем / В. Ачча ; автор сӑн ӳкерчӗкӗ // Канаш ен. — 2012. — 15 ҫурла. — С. 1.
- 3. Прокопьев, В. П. Пултаруллӑ ертӳҫӗ, тӗплӗ тӗпчевҫӗ / В. П. Прокопьев // Канаш ен. — 2016. — 19 нарӑс. — С. 3 : сӑн ӳкерчӗк.
- 4. Романова, М. Ҫемьен ӗҫ стажӗ — 200 ҫул / М. Романова // Ял пурнӑҫӗ (Красноармейски районӗ). — 2022. — 15 авӑн/сентябрь (№ 36). — С. 1, 4 : сӑн ӳкерчӗк.
- 5. Тихонов, П. Т. Вӑрманӑн вӑхӑчӗ вӑрах / П. Т. Тихонов ; В. Энтип ҫырса илнӗ // Ялав. — 1996. — № 12. — С. 6-12.
- 6. Тихонов, П. Т. Петр Тихонов: «Вӑрмана чунпа юратӑр» / П. Т. Тихонов ; Л. Алексеев ҫырса илнӗ // Хыпар. — 2004. — 13 кӑрлач.
- 7. Бойко, И. Исследователь лесного хозяйства : к 80-летию лесовода-ученого Петра Тихонова / И. Бойко, В. Харитонова // Республика. — 2016. — 17 февр. (№ 6). — С. 9 : фот. ; Шӑмӑршӑ хыпарӗ. — 2016. — 20 февраль. — С. 5 : фот.
- 8. Бойко, И. И. Талантливый организатор лесного хозяйства Чувашии : (к 80-летию со дня рождения П. Т. Тихонова) / И. И. Бойко, В. Г. Харитонова // Чӑваш халӑх ӑс-хакӑлӗпе ӳнер академийӗн хыпарӗсем = Вестник Чувашской народной академии наук и искусств. — 2016. — № 1. — С. 170-173 : фот.
- 9. Бойко, И. И. Тихонов Петр Тихонович / И. И. Бойко // Чувашская энциклопедия. — Чебоксары, 2011. — Т. 4 : Си-Я. — С. 233.. — См. текст
- 10. Бойко, И. И. Тихонов Петр Тихонович : (к 80-летию со дня рождения) / И. И. Бойко, А. П. Долгова, В. Г. Харитонова // Чувашский гуманитарный вестник. — 2016. — № 11. — С. 235-237.
- 11. Тихонов, П. Т. Будущее наших лесов / П. Т. Тихонов ; записал С. Бухаринов // Кладовая природы. — 1995. — Окт (№ 12).
- 12. Тихонов, П. Т. Кадры лесхоза / П. Т. Тихонов // Канашский лесхоз : исторический очерк / П. Т. Тихонов, А. И. Абужаров. — Чебоксары, 2002. — Из содерж.: с. 78.
- 13. Тихонов, П. Т. Петр Тихонов: «Лес — могучий целитель души человека» / П. Т. Тихонов ; записал Ю. Плотников // Чӑваш ен. — 1994. — 4-11 июня (№ 23). — С. 2.
- 14. Тихонов Петр Тихонович // Лесное хозяйство Чувашии. 1798-1998. — Чебоксары, 1998. — С. 339.
- 15. Тихонов Петр Тихонович // Чувашские народные академики. — Чебоксары, 2005. — С. 119-120.
- Юнусов Д.Р., Петрова Т.Г., Николаев В. Д. По труду и честь. — Новое время, 2023. — С. 77. — 168 с.