Усанов Владимир Иванович

1952 ҫулхи чӳк уйӑхӗн 19-мӗшӗнче Чӑваш АССРӗнчи Елчӗк районӗнчи Шӑмалак ялӗнче ҫуралнӑ. Шӑмалак вӑтам шкулне, Шупашкарти пир-авӑр техникумне вӗренсе пӗтернӗ. 1967 ҫулхи ака уйӑхӗнчен пуҫласа 1970 ҫулхи чӳк уйӑхӗччен Шупашкар пир-авӑр комбиначӗн арлакан 1-мӗш фабрикинче мастер пулӑшуҫи пулса ӗҫленӗ. 1967—1968 ҫулсенче Совет Ҫарӗн ретӗнче хӗсметре тӑнӑ. 1970—1973 ҫулсенче «Чӑвашкабель» заводӑн 2-мӗш цехӗнче слесарь-юсавҫӑ, инженер-технолог пулса вӑй хунӑ. 1973 ҫулта Шупашкарти промышленнӑҫ тракторӗсен заводне куҫнӑ: 1973—1980 ҫулсенче инженер-технолог, ОТК техника тӗрӗслевӗн бюровӗн пуҫлӑхӗ, 1980—1987 ҫулсенче тӗрлӗ цехсенче ертсе пыракан должнӑҫсенче, 1988—1991 ҫулсенче механообработка производствин директорӗнче, 1991—1996 ҫулсенче (1993 ҫултанпа — «Промтрактор» акционерсен уҫӑ обществи) механосборка производствин директорӗнче ӗҫленӗ. 1996—2001 ҫулсенче «Промтрактор» акционерсен уҫӑ обществин тӗп директорӗ. 2001—2002 ҫулсенче — «Контур» акционерсен уҫӑ обществин тӗп директорӗн ҫумӗ. 2002—2012 ҫулсенче «Шупашкар администрацийӗн «Ҫӗр управлениӗ» муниципалитет учрежденийӗн пуҫлӑхӗ.

Чӑваш Республикин 2-мӗш суйлаври Патшалӑх Канашӗн депутачӗ пулнӑ (1998—2002).

• «Хисеп Палли» орден кавалерӗ (1986);
• Чӑваш АССРӗн тава тивӗҫлӗ машиностроителӗ (1990);
• Техника ӑслӑлӑхӗсенчи ӗҫсемшӗн паракан Чӑваш Республикин Патшалӑх премийӗн лауреачӗ (2000);
• Раҫҫей Федерацийӗн хисеплӗ машиностроителӗ (2000);
• Шӑмалак ялӗн хисеплӗ ҫынни (2018).