Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Фёдоров Александр Александрович (художник)

Disambig gray.svg Фёдоров хушаматлă урăх çынсем çинчен РУВИКИ-ре статьясем пур.
Disambig gray.svg Фёдоров Александр хушаматлă урăх çынсем çинчен РУВИКИ-ре статьясем пур.
Disambig gray.svg Фёдоров Александр Александрович хушаматлă урăх çынсем çинчен РУВИКИ-ре статьясем пур.

 

Фёдоров Александр Александрович (1977 ҫулхи ҫурлан 1-мӗшӗ, Энтриел, Йӗпреҫ районӗ, Чӑваш АССР — 2024 ҫулхи пушӑн 3-мӗшӗ, Ятарлӑ ҫар операцийӗ) — живописец, график, реставратор, педагог, Питӗрти ӳнерҫӗсен пӗрлешӗвӗн правлени членӗ, живопись секцийӗн бюровӗн пайташӗ, Раҫҫей Художникӗсен союзӗн членӗ.

Пурнӑҫӗпе ӗҫӗ-хӗлӗ

1977 ҫулхи ҫурла уйӑхӗн 1-мӗшӗнче Чӑваш АССРӗн Йӗпреҫ районӗнчи Андреевка (Энтриел) ялӗнче ҫуралнӑ. Шупашкарти ӳнер училищине (2000), Питӗрти И. Е. Репин ячӗллӗ живопись, скульптура тата архитектура институчӗн живопись факультетне (2006, Соколов В. В. мастерскойӗ) вӗренсе пӗтернӗ. 2016 ҫултан Илья Репин ячӗллӗ Ӳнер академийӗнче ӳкерчӗк кафедринче студентсене вӗрентнӗ, ҫавӑн пекех скульптура енӗпе занятисем ирттернӗ.

2024 ҫулхи пуш уйӑхӗн 3-мӗшӗнче ятарлӑ ҫар операцийӗ вӑхӑтӗнче пуҫ хунӑ. Питӗрти Васильевск утравӗнчи Смоленск православи масарӗнче пытарнӑ[1].

Тӗп ӗҫӗсем

  • «Мӑнастир аллеи»,
  • «Атте сӑнарӗ»,
  • «Каҫ. Изборск»,
  • «Мӑшӑрӑн вӗҫленмен портречӗ»,
  • «Юлашки шевлесем»,
  • «Свирь ҫинче»,
  • «Кивӗ Ладогари авӑн уйӑхӗ»,
  • «Ман Эллада»
  • тата ыттисем те

Хисепӗсем

Куравсем

Питӗрти художниксен союзӗ тата Чӑваш Республикинчи художниксен союзӗ ирттернӗ куравсене, ҫавӑн пекех регионсен тата Раҫҫей шайӗнчи куравсене хутшӑннӑ.

  • Пӗтӗм Раҫҫейри XIV «Раҫҫей» курав (2024, Мускав, Ҫӗнӗ Третьяковка),
  • «Халь эпир пӗрле...» (Мускав, Раҫҫей Федерацийӗн Президенчӗн Администрацийӗ, 2024).

Харпӑр куравсем

  • «Тикӗс мар почеркпа: вырӑнсем тӑванрах, ҫынсем ҫывӑхрах» (2015, Питӗр) ,
  • «Фёдоров таббурӗсем» (2016, Питӗр, Кронштадт),
  • «Ҫулсем-йӗрсем» (2012, Кивӗ Ладога),
  • «Эпизодсем» (2013, Кивӗ Ладога)[2],
  • Питӗрти художниксен союзӗн Шурӑ залӗнчи курав (2011—2012, Питӗр).

Музей пухӑвӗсем

Ҫавӑн пекех Раҫҫейри, Англири, Испанири тата Китайри уйрӑм ҫынсен коллекцийӗсенче тата патшалӑх музейӗсенче упранаҫҫӗ.

Кӑсӑк самантсем

  • А. Фёдоров ятарлӑ ҫар операцине 2023 ҫулхи раштав уйӑхӗнче хӑй ирӗкӗпе кайнӑ. «Невский» отрядра ҫапӑҫнӑ. Унӑн ҫарти чӗнӗвӗ «Зодчий» пулнӑ.
  • 2024 ҫулхи нарӑс уйӑхӗнче унӑн ӗҫӗсене Мускавра Ҫӗнӗ Третьяковкӑра иртнӗ Пӗтӗм Раҫҫейри XIV «Раҫҫей» куравра кӑтартнӑ. Ятарлӑ ҫар операцийӗнче курнине, сӑнанине ӳкернисем. Донбаспа ятарлӑ ҫар операцине халалланӑ ӗҫсене пухса кайран урӑх курав йӗркеленӗ — «Халь эпир пӗрле...» Пуҫласа ку курава Раҫҫей Федерацийӗн Президенчӗн Администрацийӗнче уҫнӑ. Анчах та ӑна А. Фёдоров хӑй курса ӗлкӗреймен.
  • Александр хӑй ирӗкӗпе кайма шут тытнӑ чухне ятарлӑ ҫар операцийӗнче унӑн икӗ шӑллӗ ҫапӑҫнӑ. 2024 ҫулхи юпа уйӑхӗн 8-мӗшӗнче ятарлӑ ҫар операцийӗнче кӗҫӗн шӑллӗ Фёдоров Дмитрий Александрович (04.01.1980) пуҫ хунӑ[3].

Ӑнлантарусем

Вуламалли

  • В зоне СВО погиб петербургский художник Александр Федоров, родившийся в Чувашии. — Текст : электронный // Cheb.ru/ — 2024. — 13 марта. — URL: (дата обращения: 13.03.2024).
  • Художник, учитель, воин : памяти Александра Федорова. — Текст : электронный // Союз Художников России : [сайт]. — 2024. — 2024. — 12 марта. — URL: (дата обращения: 13.03.2024).
  • Петров, В. Наш земляк — участник Острогожского пленэра / В. Петров // Чӑваш тӗнчи = Чувашский мир. — 2020. — 27 юпа/октябрь (№ 9). — С. 6 : фот.
  • Федоров Александр Александрович. — Текст : электронный // Библиотека изобразительных искусств : [сайт]. — URL: (дата обращения: 13.03.2024).

Каҫӑсем

Категорисем