Фёдоров Афанасий Фёдорович
Фёдоров Афанасий Фёдорович (1923 ҫулхи юпан 1-мӗшӗ, Хӗрлӗ Ҫыр (Шупашкар районӗ)|Хӗрлӗ Ҫыр, Шупашкар уесӗ — 2010 ҫулхи утӑн 31-мӗшӗ) — Тӑван Ҫӗршывӑн Аслӑ Вӑрҫине хутшӑннӑ ҫын[1].
Кун-ҫулӗ
Афанасий Фёдорович хресчен кил-йышӗнче ҫуралнӑ. 9 ҫулта ашшӗ-амӑшсӑр тӑрса юлнӑ. Ӑна тӑван мар аппӑшӗ Степанида (аппӑшӗн аҫа ҫури патӗнче) ӳстернӗ[2].
1938 ҫулта Ҫатра-Лапсарти 7 класс вӗренмелли шкулта пӗлӳ пухнӑ. Ун хыҫҫӑн Шупашкарти коопераци техникумне вӗренме кӗнӗ. Кунта вӑл 1939–1940-мӗш ҫулсенче вӗреннӗ, анчах та кил-йышра укҫа-тенкӗ енчен йывӑрлӑх сиксе тухсан тӑван колхоза таврӑннӑ. 1941 ҫулхи раштав уйӑхӗнче ӑна ҫара чӗнсе иличчен вӑл унта тӑрӑшнӑ[3].
Хӗсмете чӗнсе илсен вӗсене Кӳкеҫре пухнӑ, Шоркка ялӗ патӗнче ҫар ӑсталӑхне вӗрентме пуҫланӑ. 5–6 кунтан вӑл чирлесе ӳкнӗ те ӑна ҫуна ҫине хурса Шупашкар район пульницине ҫитернӗ. Унта вал 1942 ҫулхи кӑрлач уйӑхӗччен сипленнӗ. Вӑл чирленӗ хушӑра унӑн ҫар чаҫӗ фронталла тухса кайма ӗлкӗрнӗ, ҫавна май ака уйӑхӗнче ӑна саппасри полк тӑракан Ҫӗрпӗве янӑ[2].
Ҫара лексен ӑна 45-мӗш миномет командине вырнаҫтарнӑ, кунта вӑл кӗҫӗн командирсен курсӗнче вӗреннӗ. Анчах туллин вӗренсе пӗтерме май килмен, 1942 ҫулхи ака уйӑхӗн вӗҫӗнче ӑна ыттисемпе перле Воронежа хӳтӗлемешкӗн фронта янӑ. Юпа уйӑхӗн вӗҫӗнче ӑна стрелоксен 24-мӗш дивизине минометчик пек куҫарнӑ[2].
Пӗр ҫапӑҫура, Киев хулин Васильевски районӗнче, аманнӑ. Сипленсе чаҫе таврӑнсан ӑна «Хастарлӑхшӑн» медальне наградӑлани пирки пӗлтернӗ[2].
Вӑрҫӑ вӗҫленнӗ тӗле, 1945 ҫулхи ҫу уйӑхӗн 12-мӗшӗнче, вӑл аслӑ сержант званире пулнӑ, миномет батарейин управление пайӗн командирӗ пулнӑ[2].
Хисепӗсем
- «Хастарлӑхшӑн» медаль;
- Тӑван Ҫӗршыв вӑрҫин орденӗ;
- «Хӗрлӗ Ҫалтӑр» орден (1945, ҫу, 9[4]);
Ӑнлантарусем
- ^ http://энциклопедии.наследиечувашии.рф/a/article/3343.html
- ^ 1, 2, 3, 4, 5 https://ecokygesi.ru/images/vouna/lapsar/fedorov.html
- ^ Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 407. — 505 с.
- ^ https://pamyat-naroda.ru/heroes/podvig-chelovek_nagrazhdenie42116289/
Вуламалли
- Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 407. — 505 с.
- Память – Астăвăм : чуваш. респ. книга памяти: В 2 ч. / Российская Федерация. Чувашская Республика. – Чебоксары : Чувашское книжное издательство, 1995 – Ч. 2, т. 4 : [Уроженцы и жители Аликовского, Канашского, Красноармейского, Мариинско-Посадского, Цивильского, Чебоксарского р-нов, г. Новочебоксарск, вернувшихся с Вел. Отеч. в-ны] : возвратившимся с войны победителям посвящается, Т. 4 / [ред.-сост. Н. В. Пыркин и др.] ; ред., сост. Н. В. Пыркин, ред., сост. С. А. Карягин, ред., сост. В. А. Жебит. – 2006. – 591 с. : портр., вкл. л. + [18] л. ил.
Каҫӑсем
- Федоров Афанасий Федорович («Энциклопедии» сайтри страница) (выр.)