Шалмас
Шалмас — Чӑваш Республикин тӗп хулинчи юханшыв, Кӑкшӑм юханшывӗн сылтӑм юппи. Тӑршшӗ 14 ҫухрӑм. Шыв пуҫтаракан лаптӑкӗ 45 км².
Юханшыв пуҫламӑшӗ Шупашкар районӗнчи Лапсар ялӗнчен тухӑҫ еннерех, тинӗс шайӗнчен 156 м ҫӳллӗшӗнче вырнаҫнӑ. Шупашкар витӗр Алькеш тата Кӑнтӑр микрорайонсем хушшипе юхать. Юханшыв Кӑкшӑм юханшывӑн сылтӑм енчен вӑрринчен 14 ҫухрӑм маларах юхса кӗрет.
Юханшыва юхса кӗрекен пӗчӗк шывсем Алькеш тата Ворошилов ҫырмисем.
Ячӗ
Ячӗн этимологине туллин тӗпчемен, сӑмах тымарӗнче «мас» (морд.) — «мучи», «ватӑ», е «мес» (перм.) — «шыв тӗлӗ», «ҫӑлкуҫ» пулма пултарать тесе шутлаҫҫӗ (Галкин И. С. Тайны Марийской топонимики. — Йошкар-Ола, 1991.)
Экологи
Шалмас юханшывӗ Шупашкарти ытти пӗчӗк юханшывсем пекех хӑйне тимлӗх уйӑрасса — шывне тасатасса, ҫыранӗсене тирпейлессе — кӗтет. Ку телӗшпе экологсем, симӗс активистсем, ку тӑрӑхра пурӑнакансем ҫулсерен субботниксем ирттереҫҫӗ.
Вуламалли
- Дубанов И. С. Озера, реки, родники Чувашии. — Чебоксары, 2008.
- Дубанов И. С. Географические названия Чувашской Республики. — Чебоксары, 2013.
- Корнилов Г. Е. Продолжение пробных статей этимологического словаря собственных имён Поволжья // Диалекты и топонимия Поволжья. — Чебоксары, 1976.