Абрамов Анатолий Серафимович

	Ҫын пирки
	Абрамов Анатолий Серафимович
Çуралнă вăхăт	1960 ҫулхи утӑн 8-мӗшӗ (64 ҫулта)
Çуралнă вырăн	Кĕлĕмкасси, Йĕпреç районĕ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР;
Гражданлăх	СССР; Раҫҫей Федерацийӗ;
Альма-матер	И. Н. Ульянов ячӗллӗ Чӑваш патшалӑх университечӗ;

Абрамов Анатолий Серафимович (1960 ҫулхи утӑн 8-мӗшӗ(19600708), Кӗлӗмкасси, Йӗпреҫ районӗ, Чӑваш АССР) — журналист, Раҫҫей Журналистсен союзӗн пайташӗ (1986), Чӑваш Республикин Журналистсен союзӗн Ҫемен Элкер ячӗллӗ премийӗн лауреачӗ (1999).

Пурнӑҫӗпе ӗҫӗ-хӗлӗ

1960 ҫулхи утӑ уйӑхӗн 8-мӗшӗнче Чӑваш АССРӗнчи Йӗпреҫ районӗнчи Кӗлӗмкасси ялӗнче ҫуралнӑ. Йӗпреҫ районӗнчи Туҫа вӑтам шкулӗнчен (1977), И. Н. Ульянов ячӗллӗ Чӑваш патшалӑх университечӗн историпе филологи факультетӗнчен (1986) вӗренсе тухнӑ. 1978—1980 ҫулсенче Совет Ҫарӗнче хӗсметре тӑнӑ. 1977—1978, 1980—1981 ҫулсенче Йӗпреҫ районӗн «Ҫӗнтерӳшӗн» хаҫатӗнче парти пурнӑҫӗн пайӗн корреспондентӗнче, фотокорреспондентӗнче вӑй хунӑ, 1989—2009 ҫулсенче И. Н. Ульянов ячӗллӗ Чӑваш патшалӑх университетӗнче преподаватель, журналистикӑпа стилистика кафедрин аслӑ преподавателӗ пулса ӗҫленӗ. «Ульяновец», «Хыпар», «Тантӑш» хаҫатсен, «Халӑх шкулӗ» журналӑн фотокорреспонденчӗ пулнӑ.

2010—2016 ҫулсенче Шупашкарти Н. В. Никольский ячӗллӗ професси колледжӗнче преподаватель пулса вӑй хунӑ, «Реклама сӑнӳкерчӗкӗн техники тата технологийӗ» дисциплинӑна вӗрентнӗ^[1]. Университетра, колледжра ӗҫленӗ чухне ҫамрӑксене фотоӳнерпе паллаштарас тесе нумай вӑй хунӑ, унсӑр пуҫне Шупашкарти, республикари шкулсене ^[2], библиотекӑсене^[3] тухса ҫӳресе телпулусем ирттернӗ.

Пултарулӑх ӗҫӗнче усӑ куракан хушма ячӗ: Анатолий Абансер.

Ҫемье^[4]

Машарӗ — Абрамова Галина Васильевна (10.6.1963 — 16.1.2024) — Шупашкарти 59-мӗш шкулта ӗҫленӗ, вырӑс чӗлхипе вӗрентекен шкулсенче чӑваш чӗлхине вӗрентмелли (1—9 классем валли) учебниксемпе методика кӑтартӑвӗсен, вӗренӳ комплекчӗсен авторӗ.

Хӗрӗ — Разумова (Абрамова) Светлана Анатольевна — Шупашкарти 1-мӗш шкулта чӑваш чӗлхипе литературине вӗрентет.

Ывӑлӗ — Абрамов Владимир Анатольевич — Раҫҫей Журналисчӗсен союзӗн пайташӗ (2005).

Кинӗ — Абрамова Светлана Вячеславна — Шупашкарти 29-мӗш шкулта ӗҫлет.

Ӗҫӗсем

Фотокорреспондент ӗҫӗсем Раҫҫейри, республикӑри чылай хаҫат-журналта пичетленнӗ, ҫав шутра:

«Чӑваш Республикин Президенчӗн библиотеки» кӗнеке ярӑмӗнче,
«Чӑваш Енӗн паллӑ ҫыннисем» ярӑмра,
«Чӑваш Республики. Ырӑ сунса кӗтетпӗр» ярӑмра,
«Астӑвӑм. Память» кӗнекере,
Чӑваш энциклопедийӗнче,
чӑваш чӗлхи, Чӑваш Ен историйӗпе культури учебникӗсенче тата методика кӑтартӑвӗсенче.

Хисепӗсем

Чӑваш Республикин Журналистсен союзӗн Ҫемен Элкер ячӗллӗ премийӗн лауреачӗ (1999);
«Раҫҫей профсоюзӗсене 100 ҫул» юбилей медалӗ (2004);
Раҫҫей Журналистсен союзӗн Хисеп грамоти (2010);
Чӑваш Республикинчи Журналистсен союзӗн Хисеп грамоти (1999, 2001);
Чӑваш Республикин Ҫамрӑксен политикин патшалӑх комитечӗн Хисеп грамоти (2002);
Чӑваш Республикин Пичетпе информаци политикин министерствин Хисеп грамоти (2003);
Чӑваш Республикин Культура, национальноҫсен ӗҫӗсен тата архив ӗҫӗн министерствин Хисеп грамоти (2006);
Чӑваш Республикин Вӗренӳпе ҫамрӑксен политикин министерствин Хисеп грамоти (2011);
Пӗтӗм тӗнчери 14-мӗш «Пресса-2007» профессиллӗ выставкӑн Хисеп палли тата дипломӗ (2007);
Республикӑри «2010 ҫул — Вӗрентекен ҫулталӑкӗ» журналистсен конкурсӗн ҫӗнтерӳҫи (2010);
Атӑлҫи ҫар округӗн «Тӑван ҫӗршывшӑн» хаҫачӗн конкурсӗсен призёрӗ (1979).

Вуламалли

Автор и руководитель проекта В. П. Комиссаров. Энциклопедия чувашской журналистики и печати(выр.). — Региональная общественная организация «Союз журналистов Чувашской Республики», 2014. — Т. 1. — С. 5. — 559 с. — ISBN 978-5-7670-2156-7.
Автор и руководитель проекта С. В. Журавлёв. Фотокорреспонденты Чувашии. Биографии - Чӑваш Ен фотокорреспонденчӗсем. Вӗсен пурнӑҫ ҫулӗ(выр.). — Чувашское книжное издательство, 2021. — Т. 1. — С. 5—16, 257. — 264 с. — ISBN 978-5-7670-3058-3.
В. П. Комиссаров, А. И. Михайлов. Журналисты Чувашии(выр.). — Чувашское книжное издательство, 2005. — С. 135—136. — 208 с. — ISBN 5-7670-1467-1.
Абрамов, А. С. Пур ӗҫе те юрласа тумалла / А. С. Абрамов ; Р. Власова ҫырса илнӗ // Ҫамрӑксен хаҫачӗ. — 1999. — 15 юпа (№ 38). — С. 11 : сӑн ӳкерчӗк.
Абрамов, А. С. Сӑнсӑнавҫӑ : Анатолий Абрамов фотожурналист 50 ҫул тултарнӑ май / А. С. Абрамов ; Ю. Фролов ҫырса илнӗ // Халӑх шкулӗ = Народная школа. — 2010. — № 4. — С. 93-95.
Абрамов, А. С. «Ырӑ ӗҫ тума хӑрамалла мар» / А. С. Абрамов // Ар. — 2001. — 22 ҫу.
Абрамов, А. С. Юратсассӑн чунтанах ӳплере те ҫӑтмахах : [Петӗрпе Феврония медальне тивӗҫнӗ А. Абрамов юрату, ҫемьери хутшнусем, Юрату кунӗ ҫинчен] / А. Абрамов // Хыпар. — 2010. — 8 утӑ (№ 132). — (Ҫемье : ятарлӑ кӑларӑм / кӑларӑма Роза Власова хатӗрленӗ ; № 7).
Дмитриев, Н. Элкер премийӗн лауреачӗ — «Хыпар» журналисчӗ / Н. Дмитриев // Хыпар. — 2000. — 20 кӑрлач. — С. 1.
Элкер ячӗллӗ премин ҫӗнӗ лауреачӗсем — Н. Смирнова тата А. Абрамов // Ҫамрӑксен хаҫачӗ. — 2000. — 21 кӑрлач (№ 3). — С. 2.
Абрамов, А. С. Все началось с «тихой охоты» / А. С. Абрамов, беседовала М. Матьянова // Ульяновец. — 2000. — 4 февр.
Абрамов Анатолий Серафимович // Ибресинский район : краткая энцикл. — Чебоксары, 2011. — С. 9.
Гордость района: Абрамов Анатолий Серафимович (08.07.1960) // Ҫӗнтерӳшӗн = За победу (Йӗпреҫ районӗ). — 2022. — 5 август (№ 30). — С. 9.
Шлимакова, М. Персональная выставка Анатолия Абрамова / М. Шлимакова, А. Смехов // За победу (Ибрес. р-н). — 2017. — 26 апр. — С. 3 : фот.

Ӑнлантарусем

Каҫӑсем

Вуламалли[тӳрлет | кодне тӳрлет]

Курмалли[тӳрлет | кодне тӳрлет]

[1] ttps://chpk.rchuv.ru/action/prepodavatelyam/sajti-prepodavatelej-kolledzha

[2] ttps://skosh2-gcheb.edu21.cap.ru/news/2022/01/26/vstrecha-s-zhurnalistami/?id=c1641a7f-d892-429c-ac2f-07071f8beffa

[3] ttps://lib21.ru/page.php?target=post&id=4021

[4] ttps://fs02.rchuv.ru/rchuv23/chrio/news/2023/06/14/bf2d5730-1e4c-4295-baf7-aca2336a0b1c/pedagogicheskaya-dinastiya-an.pdf

[1]

[2]

[3]

[4]