Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Тарасов Арсений Алексеевич

Тарасов Арсентий Алексеевич (литературӑра — Арсений Тарасов, ҫур. 1956 ҫулхи ҫӗртмен 28-мӗшӗ, Пăлакасси, Патăрьел районĕ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР) — чӑваш драматургӗ, прозаикӗ, журналисчӗ, Раҫҫей журналисчӗсен Союзӗн пайташӗ (1982), Чӑваш Республикин профессионал ҫыравҫисен пӗрлӗхӗн пайташӗ (1994).

Пурнӑҫӗпе ӗҫӗ-хӗлӗ

1956 ҫулхи ҫӗртмен 28-мӗшӗ Чӑваш АССРӗн Патӑрьел районӗнчи Пӑлакасси ялӗнче ҫуралнӑ[1].

Амӑшӗ — Серафима Алексеевна Нестерова, ашшӗ — Алексей  Николаевич Сурков. Ашшӗ 1962 ҫулта ҫемье хушаматне улӑштарнӑ, аслашшӗн хушаматне — Тарасов — илнӗ[2].

Патӑрьел районӗнчи Пӑлакасси, Козловка ялӗсен пӗрлехи пуҫламӑш шкулӗнче (1—4 классем), Кивӗ Ахпӳрт ялӗнчи 8 ҫул вӗренмелли шкулта, Туҫа вӑтам шкулӗнче вӗреннӗ.

И. Н. Ульянов ячӗллӗ Чӑваш патшалӑх университечӗн историпе филологи факультетӗнчи чӑваш филологи уйрӑмне вӗренсе пӗтернӗ (1973—1978)[1].

Карьера

Ӗмӗрӗпе журналистикӑра вӑй хунӑ:

  • Чӑваш Республикинчи Куславкка районӗн «Ялав» хаҫат редакцийӗнче куҫаруҫӑ (19.06—20.10.1978);
  • Чӑваш АССР Телевиденипе радио патшалӑх комитечӗн радиовещанийӗн кӗҫӗн редакторӗ (02.11—26.07. 1978);
  • телевидени студийӗн литературӑпа драма редакцийӗн аслӑ редакторӗ (26.07.1982—05.06.1987);
  • Чӑваш кӗнеке издательствин илемлӗ литература пайӗн редакторӗ (08.06.1987—29.08.1989);
  • «Хресчен сасси» хаҫатӑн культура пайӗн заведующийӗ (01.04.1991—18.09.1991);
  • Ҫӗнӗ Шупашкар хула администрацийӗн хулари радиовӗн чӑвашла кӑларӑмне йӗркелекенӗ, корреспонденчӗ (18.11.1991—08.95.1992);
  • «Чувашия» телерадиовещанин патшалӑх учрежденийӗнче комментатор, ачасемпе ҫамрӑксен, унтан литературӑпа драма редакцийӗсен заведующийӗ, телевиденийӗн тӗп редакторӗн тивӗҫӗсене пурнӑҫлакан, наци тата публицистика программисен редакцийӗн тӗп комментаторӗ (12.05.1992 – 29.05. 2009);
  • Чӑваш Республикин тин ҫеҫ йӗркеленнӗ «Чӑваш наци радиовӗ» автономлӑ учрежденийӗн аслӑ редакторӗ (01.06—31.06. 2009);
  • «Тӑван Атӑл» литература журналӗн шеф-редакторӗ (25.01.2010—03.12.2014);
  • «Хыпар» хаҫатӑн тӗп редакторӗн ҫумӗ (30.11.2014—30.11.2015);
  • «Тӑван Атӑл» литература журналӗн редакторӗ, корреспонденчӗ (2020 ҫулхи ҫӗртмен 22-мӗшӗнчен, 2024 ҫулччен — редактор).

Пултарулӑхри ӗҫӗ-хӗлӗ

Телевиденипе радиора

Чылай теле-радио проект авторӗ, ертсе пыраканӗ, вӑл шутра: «Тавсси» телеканал, «Провинци тӗрленчӗкӗсем», «Сцена ахрӑмӗ» телеярӑмсем, «Ҫавра сӗтел», «Пурнӑҫ пӑрнӑҫӗнчи шухӑш» публицистика кӑларӑмӗсем, «Пархатар» радиоярӑм, «Атӑл шуҫӑмӗ» телеальманах, «Хавас чуччу», «Хоппасем», «Кӑлтӑрмач-шоу» телешоусем.

Репрессине лекнӗ Митта Ваҫлейӗ поэт ҫинчен ӳкернӗ «Ҫак юрра эп ахаль мар юрларӑм» фильм авторӗ (сценарисчӗ, режиссерӗ), «28 уйӑх пурнӑҫ айккинче» (чӑвашсен пӗрремӗш киноактрисин Тани Юнӑн репресси шӑпи), чӑвашсен патриархӗ Иван Яковлев ҫинчен ӳкернӗ фильмсен сценарийӗн авторӗ, «Инҫетре ҫуннӑ чӑваш ҫӑлтӑрӗ» (Харьковра украин ӳнер искусствине аталантарнӑ Алексей Кокель художник) фильм авторӗ.

Литературӑра

Пӗрремӗш публикаци – «Тин ҫеҫ-ха уҫрӑм пурнӑҫ алӑкне яри» сӑвӑсен ярӑмӗ («Тӑван Атӑл» журнал, 1975).

Чӑваш кӗнеке издательствинче тухнӑ кӗнекесем: «Сутнӑ пӳртри юлашки каҫ» (калавсем, 1991), «Чӑваш кӗпи» (2014), «Вӗлтӗртетсе вӗҫет сар ҫурҫӑ» (калавсем, 2016), ушкӑн авторсен пуххисенче чылай пичетленнӗ[3].

1989 ҫулта ҫамрӑк ҫыравҫӑсен Пӗтӗм Раҫҫейри семинарне хутшӑннӑ.

Театрта

Чӑваш академи драма театрӗнче 7 пьесипе спектакль лартнӑ:

  • «Инҫет телей ҫути» (2001, режиссер — Валерий Яковлев);
  • «Вӗҫсе иртеҫҫӗ кайӑксем» (Ольга Туркайпа пӗрле) (2006, режиссер — Валерий Яковлев);
  • «Салтак шӑпи» (2009, режиссер — Иван Иванов);
  • «Мунча кунӗ (2011, режиссер — Валерий Яковлев)[4];
  • «Туя туй пек тӑвар-и?» «2017, режиссер — Валерий Яковлев)[5];
  • «Юратӑва ҫул парӑр» (2017, режиссер — Валерий Карпов)[6];
  • «Хӗрлӗ кӗпеллӗ телей» (2025, режиссер – Валерий Яковлев)[7].

«Хӗрлӗ кӗпеллӗ телей» пьеса – Чӑваш Республикин Культура, национальнӑҫсен ӗҫӗсен тата архив ӗҫӗн министерстви 2023 ҫулта ирттернӗ «Чи лайӑх пьеса» конкурсӑн аслисем валли ҫырнисен номинацийӗн ҫӗнтерӳҫи[8].

«Инҫет телей ҫути» спектакль 2002 ҫулта Пӗтӗм тӗрӗк театрӗсен Хусанта иртнӗ «Навруз» фестивалӗнче ҫӗнтерӳҫӗсен шутӗнче пулнӑ, 2003 ҫулта Ярославь хулинче Раҫҫейри театрсен чи лайӑх спектаклӗсен «Волкову, Волкову, Волкову... всем мы обязаны» 3-мӗш фестивалӗнче ӑна РФ Патшалӑх премине илме тӑратма сӗннӗ, пултару ушкӑнӗ 2004 ҫулта ҫак чыса тивӗҫнӗ. Пьеса авторӗ Чӑваш Енри театрсен 2002 ҫулхи «Чӗнтӗрлӗ чаршав» конкурсӗнче «Ҫулталӑкри чи лайӑх драматург» номинацире ҫӗнтернӗ.

«Мунча кунӗ» спектакле Атӑл тӑрӑхӗн федераци округӗнчи театрсен 1-мӗш фестивалӗнче (11—16.06.2014) чи лайӑх пилӗк спектакль шутне кӗртнӗ. Ӑна Мускав критикӗ Евгения Ароновна Павлова палӑртнӑ. Пьесӑна марилле куҫарса (куҫаруҫӑ — Геннадий Гордеев, мари драматургӗ, Мари Эл Республикин Патшалӑх премийӗн лауреачӗ) Мари Республикин М. Шкетан ячӗллӗ наци драма театрӗнче лартнӑ (премьера — 17.10.2014)[9].

Юрӑ-кӗвӗре

А. Тарасов — халӑх килӗштернӗ юрӑсен авторӗ (кӗвви те, сӑмахӗсем те — хӑйӗн). Интернет уҫлӑхӗнче Иван Христофоров юрлакан «Шӑппӑн кӑна, шӑппӑн ларар-и» (Николайпа Любовь Гордеевсем тата Вячеслав Конюховпа Софья Афанасьева юрлакан вариантсем пур), «Яш ӗмӗр» (юрӑҫи — Алексей Московский), Николайпа Любовь Гордеевсен репертуарӗнчи «Манас ҫук», «Кӑвайт ҫунатчӗ», «Пулнӑ, пулнӑ, пулнӑ пуль» (Михаил Иванов, Алина Варна та юрлаҫҫӗ) сарӑлнӑ.

Хисепӗсем

  • Чӑваш Республикин искусствӑсен тава тивӗҫлӗ ӗҫченӗ (20025);
  • РФ Журналисчӗсен союзӗн Хисеп хучӗ;
  • Чӑваш Республикинчи журналистсен союзӗн Ҫемен Элкер ячӗллӗ преми лауреачӗ (2001);
  • Чӑваш Республикинчи Ҫеҫпӗл Мишшин фончӗн преми лауреачӗ (1997);
  • Чӗмпӗр облаҫӗнчи чӑвашсен «Эткер» фончӗн Иван Яковлев ячӗллӗ преми лауреачӗ (1999);
  • П. Осипов ячӗллӗ литература премийӗн лауреачӗ (2002);
  • Мари Эл Республикинчи Вячеслав Абукаев ячӗллӗ фондӑн преми лауреачӗ;
  • Чӑваш Республикин ӗҫ ветеранӗ.

Ӑнлантарусем

  1. ^ 1, 2 Абрамов В. А. Тарасов Арсений Алексеевич (выр.). Чувашская энциклопедия. Чувашский государственный институт гуманитарных наук. Пӑхнӑ кун: 2026 ҫулхи нарӑсӑн 10-мӗшӗ.
  2. ^ Арсений Тарасов, писатель, драматург, поэт - Мои статьи - Каталог статей - Персональный сайт. mosentesh2.ucoz.ru. Пӑхнӑ кун: 2026 ҫулхи нарӑсӑн 10-мӗшӗ.
  3. ^ Тарасов Арсений Алексеевич (выр.). Чувашское книжное издательство. Пӑхнӑ кун: 2026 ҫулхи нарӑсӑн 10-мӗшӗ.
  4. ^ Мунча кунӗ (выр.). Чувашский государственный академический драматический театр имени К. В. Иванова. Пӑхнӑ кун: 2026 ҫулхи нарӑсӑн 10-мӗшӗ.
  5. ^ Туя туй пек тӑвар-и? (выр.). Чувашский государственный академический драматический театр имени К. В. Иванова. Пӑхнӑ кун: 2026 ҫулхи нарӑсӑн 10-мӗшӗ.
  6. ^ Юратӑва çул парӑр (выр.). Чувашский государственный академический драматический театр имени К. В. Иванова. Пӑхнӑ кун: 2026 ҫулхи нарӑсӑн 10-мӗшӗ.
  7. ^ Хӗрлӗ кӗпеллӗ телей (выр.). Чувашский государственный академический драматический театр имени К. В. Иванова. Пӑхнӑ кун: 2026 ҫулхи нарӑсӑн 10-мӗшӗ.
  8. ^ В Чебоксарах поставлена драма, одержавшая победу в конкурсе пьес на чувашском языке — Советская Чувашия(паллӑ мар). sovch.chuvashia.com. Пӑхнӑ кун: 2026 ҫулхи нарӑсӑн 10-мӗшӗ.
  9. ^ Пьеса чувашского драматурга Арсения Тарасова поставлена в марийском театре (выр.). ВГТРК ГТРК «Чувашия» (22 юпан 2014). Пӑхнӑ кун: 2026 ҫулхи нарӑсӑн 10-мӗшӗ.

Вуламалли

  • Арсений Тарасов ҫыравҫӑ : [документаллӑ фильм] / «Чӑваш Ен» патшалӑх телерадиокомпанийӗ ; авторӗ М. Карягина ; операторсем С. Мышев, В. Владимиров ; сасӑ режиссерӗ С. Блинов ; монтаж А. Филимонов ; каласа параканӗ: А. Тарасов [т. ыт. те]. — Шупашкар : ПТРК «Чӑваш Ен», 2021. — 20 мин 39 сек. — (Халӑх ывӑлӗ).
  • Австрийская, О. Сирӗн ҫын пулас килет-и, е «Чӑваш кӗпи» тӑхӑнар-и? : [Арсений Тарасовӑн «Чӑваш кӗпи» кӗнеки ҫинчен] / О. Австрийская // Тантӑш. — 2014. — 3 ака (№ 13). — С. 9.
  • Арсений Тарасов // Ҫилҫунат. — 2002. — № 11-12. — С. 14.
  • Тарасов, А. А. «Кашни ҫыравҫӑ хӑй чиркӳ пулмалла» : [Арсений Тарасов журналистпа калаҫни] / Арсений Алексеевич Тарасов ; Геннадий Максимов ҫырса илнӗ ; Вячеслав Романов сӑн ӳкерчӗкӗ // Хыпар. — 2011. — 28 ҫӗртме . — С. 3.. — См. текст
  • Арсений Тарасов // Чӑваш литературин антологийӗ. — Шупашкар, 2014. — [Т. 3] : Драматурги. — С. 444.
  • Арсений Тарасов телевиденирех юлать // Самант. — 2005. — № 4. — С. 21.
  • Васильев-Бурзуй, Е. «Чӑваш кӗпинчен» ырлӑх тапса тӑрать / Е. Васильев-Бурзуй // Хыпар. — 2023. — 20 ҫӗртме/июнь (№ 66). — С. 3.
  • Изман, А. Диплом ӗҫӗ ҫырас вырӑнне картла вылянӑ : [Арсений Тарасов ҫыравҫӑ ҫинчен] / А. Изман // Ҫамрӑксен хаҫачӗ. — 2021. — 21 кӑрлач (№ 2). — С. 6 : сӑн ӳкерчӗксем. — (Вӗсем те ҫамрӑк пулнӑ).
  • Лукина, Е. «Чап вӑхӑтлӑх кӑна, чун ӑшши — чи пахи» / Е. Лукина // Хыпар. — 2022. — 2 раштав/декабрь (№ 136/137). — С. 8 : сӑн ӳкерчӗксем.
  • Мефодьев, А. Юханшыв ҫӑлкуҫсенчен пуҫланать / А. Мефодьев // Тӑван Атӑл. — 2000. — № 10. — С. 44-49.
  • Никитина, А. А. Арсений Тарасов пултарулӑхӗнчи философи туртӑмӗсем / А. А. Никитина // Чӑваш чӗлхипе литератури: теори тата меслетлӗх : статьясен пуххи. — 2012. — 17-мӗш кӑларӑм. — С. 72-76.
  • Осипов, Н. Н. Арсений Тарасов пултарулӑхӗнчи паянхи ял шӑпи / Н. Н. Осипов, Т. Н. Нефедова // Проблемы культуры в современном образовании: глобальные, национальные, регионально-этнические. — Чебоксары, 2011. — Ч. 3. — С. 65-68.
  • Осипов, Н. Пӗчӗк калавсенчи тарӑн сӑнарлӑх / Н. Осипов // Хыпар. — 2010. — 24 чӳк. — С. 3.
  • Пирӗн ентеш // Авангард (Патӑрьел районӗ). — 2021. — 29 ҫӗртме. — С. 3 : сӑн ӳкерчӗк.
  • Степанова, Н. И. А. Тарасов драмисенчи сӑнар тӑвас ӑсталӑх / Н. И. Степанова // Чӑваш чӗлхипе литератури: теори тата методика. — 2012. — 15-мӗш кӑларӑм. — С. 92-97.
  • Степанова, Н. И. Арсений Тарасовӑн калав ҫырас ӑсталӑхӗ / Н. И. Степанова // Язык, литература и культура в эпоху глобализации : тенденции развития : сборник статей. — Чебоксары, 2008. — С. 91-96.
  • Тарасов, А. А. Арсений Тарасов: «Ӗмӗтпе пурӑнатӑп» / А. А. Тарасов ; И. Митта ҫырса илнӗ // Тӑван Атӑл. — 2006. — № 6. — С. 52-55.
  • Тарасов, А. А. Арсений Тарасов: Мухтав ултавлӑ — ҫыравҫа та улӑштарать : [ҫыравҫӑпа калаҫни] / А. А. Тарасов ; Е. Лукина сӑн ӳкерчӗкӗ // Хыпар. — 2020. — 3 утӑ/июль. — С. 6 : сӑн ӳкерчӗк.
  • Тарсов, А. Арҫ… — ҫырса пӗтереймен ят / А. Тарасов ; [калаҫаканӗ] Р. Прокопьева // Самант. — 2009. — № 11. — С. 12-13.
  • Тарасов, А. Йӗме тата йӗртме юратакан / А. Тарасов ; Л. Сачкова ҫырса илнӗ // Хыпар. — 2006. — 1 ҫурла. — С. 4.
  • Тарасов, А. А. «Кашни ҫыравҫӑ хӑй чиркӳ пулмалла» : [Арсений Тарасов журналистпа калаҫни] / А. А. Тарасов ; Г. Максимов ҫырса илнӗ ; В. Романов сӑн ӳкерчӗкӗ // Хыпар. — 2011. — 28 ҫӗртме (№ 123). — С. 3. — См. текст
  • Тарасов, А. Сӑмса айӗнчи курӑнмасть… / А. Тарасов ; Н. Любина ҫырса илнӗ // Ҫамрӑксен хаҫачӗ. — 2000. — 28 утӑ (№ 30). — С. 9.
  • Тарасов, А. А. Ҫыравҫӑн ҫырмалла / А. А. Тарасов. Т. Васильева ҫырса илнӗ // Сувар (Тутарстан). — 2014. — 10 юпа (№ 40). — С. 4 : сӑн ӳкерчӗк.
  • Тарасов, А. А. Турӑ айӗнче ҫӳрекен арҫын / А. А. Тарасов ; Р. Арти ҫырса илнӗ // Чӑваш хӗрарӑмӗ. — 2014. — 1 чӳк (№ 44). — С. 10 : сӑн ӳкерчӗк.
  • Тарасов, А. А. «Ула курак» пулма йывӑр : [А. Тарасов ҫыравҫӑпа калаҫни] / А. Тарасов ; Г. Матвеева ҫырса илнӗ // Ялав. — 1996. — № 2. — С. 113-116 : сӑн ӳкерчӗк.
  • Тарасов, А. А. «Хӑвӑра мӗскӗннӗн ан тытӑр» / А. Тарасов // Хресчен сасси. — 2021. — 28 апрель (№ 16). — С. 2 : ӳкерчӗк.
  • Тарасова мӗн пӑшӑрхантарать? / [Е. Лукина хатӗрленӗ] // Хыпар. — 2021. — 13 утӑ/июль. — С. 1.
  • Абрамов, В. А. Тарасов Арсений Алексеевич / В. А. Абрамов // Чувашская энциклопедия. — Чебоксары, 2011. — Т. 4 : Си-Я. — С. 184-185.
  • Афанасьев, П. Тарасов Арсений Алексеевич / П. Афанасьев // Писатели Чувашии / П. Афанасьев. — Чебоксары, 2006. — С. 403-404.
  • Афанасьева, Е. Р. Система ценностных координат в мировосприятии А. Тарасова / Е. Р. Афанасьева, П. П. Михайлов // Ашмаринские чтения. — Чебоксары, 2010. — Вып. 7. — С. 65-67.
  • В кругу лауреатов — пополнение // Советская Чувашия. — 2001. — 24 янв.
  • Иванов, В. Н. Спектакль, востребованный временем / В. Н. Иванов // Известия Нац. акад. наук и искусств Чуваш. Респ. — 2003. — № 5 / 2002, 1 / 2003. — С. 118-120.
  • Матвеева, Г. Наши снова в лауреатах / Г. Матвеева // Советская Чувашия. — 2004. — 16 июня.
  • Никитина, М. В. Современная чувашская драматургия в контексте русских и татарских драматических произведений / М. В. Никитина // Вестник Чувашского университета. Гуманитарные науки. — 2011. — № 2. — С. 368-370.
  • Тарасов Арсений Алексеевич // Батыревская энциклопедия. — Чебоксары, 2005. — С. 225.
  • Тарасов Арсений Алексеевич // Энциклопедия чувашской журналистики и печати. — Чебоксары, 2014. — С. 440-441.
  • Тарасов, А. Арсений Тарасов: «Как начать день с улыбки» / А. Тарасов ; записала И. Симперович // Телесемь. — 2001. — 26 марта — 1 апр. (№ 13). — С. 3.
  • Тарасов, А. Арсений Тарасов: «Молюсь на своего телезрителя…» / А. Тарасов ; записала А. Юрату // Чебоксарские новости. — 2001. — 27 янв., 1 февр.
  • Тимуков, В. Людей неинтересных в мире нет… / В. Тимуков // Республика. — 2003. — 3 сент. (№ 35). — С. 2.
  • Тургай, О. Н. Тарасов Арсений Алексеевич / О. Тургай, В. Тургай // Лауреаты Международной премии имени Михаила Сеспеля = Халӑхсем хушшинчи Ҫеҫпӗл Мишши ячӗллӗ преми лауреачӗсем / О. Тургай, В. Тургай. — Чебоксары, 2010. — С. 111-112.
  • Хузангай, А. Между Сциллой и Харибдой / А. Хузангай // Республика. — 2001. — 28 нояб. (№ 95-96). — С. 11.
  • Ялгир, П. Тарасов Арсений Алексеевич / П. Ялгир // Литературный мир Чувашии / П. Ялгир. — Чебоксары, 2005. — С. 112.

Каçăсем

Темӑпа ҫыхӑннисем

п • с • т
Чăваш Комсомолĕн Çеçпĕл Мишши ячĕллĕ премин лауреачĕсем
Ушкăнсем
Ҫынсем
Агаков Леонид Яковлевич (1967)  • Збанацкий Григорий Олиферович (1967)  • Григорьева Нина Ильинична (1967)  • Хирбю Григорий Яковлевич (1967)  • Морева Татьяна Григорьевна (1976)  • Васильев Александр Георгиевич (1987)  • Галкина Валентина Митрофановна (1968)  • Воробьёв Алексей Александрович  • Емельянов Анатолий Викторович (1975)  • Краснов Георгий Васильевич  • Орлов Георгий Фёдорович  • Заломнов Пётр Дмитриевич  • Захаров Виталий Николаевич  • Матросов Юрий Петрович  • Серёгина Ольга Витальевна  • Айташ Юрий Григорьевич  • Трощенко Владимир Николаевич  • Григорьев Николай Данилович (1970)  • Афанасьев Порфирий Васильевич (1982) • Сементер Юрий Семёнович (1983)  • Хусанкай Пётр Петрович (1969)  • Хусанкай Атнер Петрович (1989)  • Ювенальев Юрий Ювенальевич  • Кондратьев Михаил Григорьевич  • Захаров Виталий Николаевич  • Краснов Георгий Васильевич  • Туркай Валерий Владимирович  • Чураков Владимир Дмитриевич  • Смолин Анатолий Семенович  • Чекушкин Владимир Иванович (1984)  • Асамат Светлана Васильевна (1989)  • Сарпи Раиса Васильевна (1987)  • Быков Борис Петрович  • Кудаков Юрий Дмитриевич  • Мадуров Фёдор Иванович  • Филиппов Орест Иванович  • Павлов Пётр Васильевич  • Иванов Иван Геннадьевич (1983)  • Матросов Юрий Петрович (1986)  • Шалунов Евгений Петрович (1978)  • Тарасов Арсений Алексеевич (1997)

Категорисем