Чекушкин Владимир Иванович
Чекушкин Владимир Иванович (ҫур. 1936 ҫулхи утӑн 21-мӗшӗ, Нӑрваш Шӑхаль, Чăваш Автономиллĕ Социализмлă Совет Республики) — чӑваш пӗрлӗх ӗçченӗ, философ, философи ӑслӑхӗсен докторӗ, профессор (1986).
100 яхӑн ӑслӑх тата публицистика ӗçӗсен, çав шутра 6 монографи авторӗ.
Чӑваш юррисене шӑрантараканӗ тата тӗнче тӑрӑх сараканӗ. Чекушкина Клара Ивановна пиччӗшӗ.
Биографи
1936 ҫулхи утӑ уйӑхӗн 21-мӗшӗнче Чӑваш АССРӗн Патӑрьел районӗнчи Нӑрваш Шӑхаль ялӗнче ҫуралнӑ[1].
Нӑрваш Шӑхалӗнчи ҫичӗ ҫул вӗренмелли тата Турханти вӑтам шкулсенче вӗреннӗ. Комбайнер пулӑшуҫи тата клуб заведующийӗ, воспитатель тата уголовнӑй шырав сотрудникӗ пулса ӗҫленӗ. Тӑватӑ ҫул хушши Патӑрьел районӗнчи комсомол организацине ертсе пынӑ.
1965 ҫулта Ленинградри профсоюзсен гуманитари университетӗнче (халӗ Санкт-Петербург профсоюзсен гуманитари университечӗ(выр.)чăв.) вӗренсе тухнӑ, ун хыҫҫӑн Мускаври СССР Ӑслӑлӑх академийӗн философи институчӗн аспирантуринче тата докторантуринче пӗлӗвне малалла тӑснӑ (халӗ РАН философи институчӗ): 1972 ҫулта кандидат диссертацине хӳтӗленӗ, 1996 ҫулта — доктор диссертацине[1].
1972 ҫултанпа И. Н. Ульянов ячӗллӗ Чӑваш патшалӑх университетӗнче ӗҫленӗ: аслӑ преподаватель, доцент, профессор; 1988—1993 ҫулсенче философи кафедрине ертсе пынӑ, 1996—2001 ҫулсенче, 2006 ҫултанпа философи тата логика кафедрине ертсе пынӑ. АПШ, Испани, Венгри, Чехи, Польша тата ытти ҫӗршывсенче ӑслӑлӑх доклачӗсем вуланӑ. Чӑваш Республикин философи пӗрлӗхӗн председателӗ, Анатолий Карпов ячӗллӗ шахмат центрӗн президенчӗ, Тӗнчери тӑнӑҫлӑхпа килӗшӳ фончӗн пайташӗ пулнӑ.
Ӗҫӗсем
- Чекушкин В. И. Дорогой отцов. — Чебоксары, 1969. — 48 с.
- Чекушкин В. И. Факел, который надо зажечь. — Чебоксары, 1983. — 96 с.
- Чекушкин В. И. Трагедия личности. — Чебоксары, 1994. — 404 с.
- Чекушкин В. И. Будни Президента : записки советника первого чувашского Президента. — Чебоксары, 1998. — 215 с.
- Чекушкин В. И. Испанский дневник чувашского певца. — Чебоксары, 2001. — 52 с.
Юрӑҫ пултарулӑхӗ
Профессилле ӑслӑлӑх ӗҫӗ-хӗлӗпе пӗрлех Владимир Иванович хӑйне юрӑс пек те кӑтартнӑ. Пӗрремӗш хут 1954 ҫулта республикӑри юрӑпа ӗҫ уявӗнче «Вӗҫ-вěҫ, куккук»[2] чӑваш халӑх юррипе тухнӑ. Унтанпа вӑл Чӑваш Енри чылай ял-хулана концертсемпе ҫитсе курнӑ, ҫӗршыври ытти хуласене тухса ҫӳренӗ. Ют ҫӗршывра концертсем ирттернӗ: АПШра, Германире, Венгрире, Индире, Ирландире, Испанире, Польшӑра, Словакире, Чехире тата ыттисенче те. Чӑваш халӑх юррисемсӗр пуҫне 22 чӗлхепе наци юррисене шӑрантарнӑ. Концерчӗсенче чӑваш халӑх инструменчӗсемпе хӑй каланӑ[3].
В. И. Чекушкин республикӑри, Пӗтӗм Раҫҫейри, пӗтӗм Союзри тата тӗнчери халӑх ӳнер пултарулӑхӗн фестивалӗсен лауреачӗ пулса тӑнӑ. Пӗтӗм Союзри «Мелодия» фирмӑра вӑл шӑрантаракан халӑх юррисемлӗ грампластинкӑсем кӑларнӑ[4].
Чыслани
- Чӑваш АССР тава тивӗçлӗ культура ӗçченӗ (1977);
- РСФСР тава тивӗçлӗ культура ӗçченӗ (1984);
- «Чӑваш Республики умӗнчи тава тивӗҫлӗ ӗҫсемшӗн» орден медалӗ[5];
- Çеçпӗл Мишши ячӗллӗ Чӑваш Комсомолӗн преми лауреачӗ (1984);
- Нӑрваш Шӑхаль ялӗн хисеплӗ гражданинӗ[6].
Ӑнлантарусем
- ^ 1, 2 https://chuvenc.ru/show_Person/3552 (англ.). chuvenc.ru. Пӑхнӑ кун: 2026 ҫулхи кӑрлачӑн 14-мӗшӗ.
- ^ «Вӗҫ, вӗҫ, куккук»
- ^ С философским подходом к песне
- ^ Чекушкин Владимир
- ^ С наградой!
- ^ Чекушкин Владимир Иванович
Вуламалли
- Певец мира : (Владимир Иванович Чекушкин) : [буклет] / авт.-сост. В. И. Игнатьев. — Чебоксары, 1981. — 1 л.
- Карягина, М. Владимир Чекушкин: «Чуна ыраттарса тӑракан икĕ ĕмĕт пурччĕ» / М. Карягина // Тӑван Атӑл. — 2021. — № 7. — С. 116-118 : сӑн ӳкерчĕк.
- Тихонов, П. Паллӑ юрӑҫа чысларӗҫ / П. Тихонов // Хыпар. — 2006. — 26 утӑ. — С. 1. — (Кун хыҫҫӑн кун).
- Чекушкин, В. И. Владимир Чекушкин: «Вӗҫ, вӗҫ, куккук» юратнӑ юррӑм пур» / В. И. Чекушкин ; Л. Николаева ҫырса илнӗ // Хыпар. — 2006. — 20 утӑ.
- Чекушкин, В. И. Владимир Чекушкин: Чӗрере пӗркеленчӗк ҫук / В. И. Чекушкин // Хыпар. — 2020. — 3 ака/апрель (№ 35/36). — С. 6 : сӑн ӳкерчӗк.
- Чекушкин, В. Кирек мӗнле юрӑра та чун пур / В. Чекушкин // Хыпар. — 2016. — 2 ҫурла/август. — С. 4.
- Артамонова, Н. Ф. «Голова для философии, сердце для песни» / Н. Ф. Артамонова // Ульяновец. — 2021. — 8 октября (№ 32). — С. 2 : фот.
- Никитина, Э. «Среди философов — философ, среди певцов — певец» / Э. Никитина // Республика. — 2016. — 20 июля (№ 36). — С. 7 : фот.
- Прост как песня // Чӑваш ен. — 1996. — 10-17 авг. (№ 32). — С. 11.
- Профессор исправно выполняет наказ гроссмейстера // Советская Чувашия. — 1998. — 29 июля.
- Сергеев, Т. С. Чекушкин Владимир Иванович / Т. С. Сергеев // Краткая чувашская энциклопедия. — Чебоксары, 2001. — С. 460.
- Сергеев, Т. С. Чекушкин Владимир Иванович / Т. С. Сергеев // Чувашская энциклопедия. — Чебоксары, 2011. — Т. 4 : Си-Я. — С. 478.
- Чекушкин Владимир Иванович // Батыревская энциклопедия. — Чебоксары, 2005. — С. 260.
- Чекушкин Владимир Иванович // Кто есть кто : ученые Чувашского государственного университета им. И. Н. Ульянова. — Чебоксары, 2002. — С. 135.
- Чекушкин, В. И. «Для счастья нужны: белые грибы, пчелы из улья и голос песни родимой» / В. И. Чекушкин ; записал Б. Лаптев // Чӑваш ен. — 1996. — 17-24 авг. (№ 33). — С. 8.
- Чекушкин, В. Испанский дневник чувашского певца / В. Чекушкин // КИЛ. — 2013. — № 1/2 (13-14). — С. 119-151.
- Чекушкин, В. Песенные похождения Мадьярского чуваша : [воспоминания о гастролях в Венгрии] / В. Чекушкин // КИЛ. — 2012. — № 2 (12). — С. 80-93.
- Чекушкин, В. Чувашский хлеб за океаном / В. Чекушкин // Советская Чувашия. — 1995. — 29 апр.
Каçӑсем
- Чекушкин В. И.
- Чекушкин В. И.
- Чекушкин В. И.
- 75 лет со дня рождения заслуженного работника культуры Чувашской АССР и РСФСР Чекушкина Владимира Ивановича
- [ https://www.chuvsu.ru/news/zasluzhennyj-professor-chuvashskogo-gosuniversiteta-v-i-chekushkin-filosofiya-i-pesnya-v-moej-sudbe/?ysclid=mkdwz7pn5d166771730 Заслуженный профессор Чувашского госуниверситета В.И. Чекушкин: «Философия и песня в моей судьбе …»]
- С философским подходом к песне
- Владимир Чекушкин юрлать