Емельянов Анатолий Викторович

Анатолий Емельянов
Ҫуралнӑ	1932, кӑрлач, 10
Ҫуралнӑ вырӑн	Мăньял Хапăс ялĕ, Вӑрнар районӗ, Чăваш АССР, РСФСР, СССР.
Вилнӗ	2000, чӳк, 23
Вилнӗ вырӑн	Чăваш Республики, Шупашкар
Гражданлӑх (подданство)	СССР  Раҫҫей Федерацийӗ
Мӗн енӗпе ӗҫленӗ	чăваш прозăçĕ, публицисчĕ
Хайлавсен чӗлхи	чăваш
Наградӑсем	•

Емельянов Анатолий Викторович (Мăньял Хапăс ялĕ, Вӑрнар районӗ, Чăваш АССР, РСФСР, СССР — 2000, чӳк, 23, Чăваш Республики, Шупашкар), — чăваш прозăçĕ, публицисчĕ.

Чăваш халăх çыравçи (1990), СССР ÇП пайташĕ (1966).

Чăваш Комсомолĕн Çеçпĕл Мишши ячĕллĕ преми лауреачĕ (1975), Чăваш Республикин К.В. Иванов ячĕллĕ патшалăх премин лауреачĕ (1990).

Халăхсен туслăхĕн тата Ӗçлĕх Хĕрлĕ Ялав орденĕсене тивĕçлĕ пулнă.

Пурнăçĕ

1932 çулхи кăрлачăн 10-мĕшĕ Чăваш Енĕн Вӑрнар районӗнчи Мăньял Хапăс ялĕнче çуралнă.

Вăрнар зооветтехникумĕнче, Ленинградра партин аслă шкулĕнче, Мускаври литературăн аслă курсĕнче (журналистики факултечĕ) пĕлӳ пухнă. Çарта хĕсметре тăнă. Партин Вăрнар райкомĕн пĕрремĕш секретарĕ (1965-1972), Чăваш АССР культура министрĕ (1972-1973), Чăваш АССР çыравçăсен пĕрлешĕвĕн правленин председателĕ (1978-1986) пулса тăрăшнă.

Пултару ĕçĕсем

Малтанхи сăвви 1949 çулта район хаçатĕнче пичетленнĕ. «Кăмăл» ятлă калавĕ 1957 çулта «Çамрăк кÇоммунист» хаçатăн виççĕмĕш номерĕнче кун курнă.

Калавсем, хайлавсем, романсем çырать: "Канăçсăр çуркунне" (1960),"Кăвайт çутисем" (1960),"Çавал сарăлсан" (1966),"Катăлнă уйăх" (1968),"Чапшăн пурăнмастпăр" (1971),"Шăнкăрав курăкĕ" (1975),"Хура кăрăç" (1981),"Кĕмĕл çил" (1985). «Шăнкăрав курăкĕ» повеçшĕн Çеçпĕл ячĕллĕ (1975), «Ят» тата «Ватă ăшши» кĕнекесемшĕн Иванов ячĕллĕ (1990) премине тивĕçнĕ. Пурĕ 30 ытла кĕнеке тухнă. Çурри вырăсла тухнă: "Кузьма Овражный" (1978),"Герасим-золотоискатель" (1986),"Перевёртыш" (1996),"Год-тринадцать месяцев". Çыравçă кун-çулпа тан пыма тăрăшать. Публицистика статьисене çырать. Нумай пулмасть «Юлашки çыран» романа хайланă.

Вулакансем çак кĕнекесене вулама юратаççĕ:

• «Çавал сарăлсан» (1966);
• «Хура кăрăç» (1981);
• «Кĕмĕл çил» (1985);

Литература

• Ефимов, Г. Пурнăç çынниччĕ... / Г. Ефимов // Хыпар. – 2002. – 10 кăрлач.
• Мышкина, А.А. Емельянов пултарулăхĕнчи публицистика туртăмĕ / А. Мышкина // Тăван Атăл. – 2002. – № 1. – С. 65-66.
• Мышкина, А. Паянхи илемлĕ публицистика хайлавĕн ăсти / А. Мышкина // Тăван Атăл. – 2000. – № 7. – С. 67–68.
• Силэм, Ю. Кĕнекисенче – вăхăт палли / Ю. Силэм // Ялав. – 2002. – № 1. – С. 62.
• Ялкир, П. Халăх юратнă çыравçă / П. Ялкир // Ар. – 2002. – 15 кăрлач.
• Артемьев, Ю.М. Душа обязана трудиться // Артемьев, Ю.М. Страсть к полемике / Ю. М.Артемьев. – Чебоксары, 2003. – С. 92-98.
• Афанасьев, П. Емельянов Анатолий Викторович // Афанасьев, П. Писатели Чувашии / П. Афанасьев. – Чебоксары, 2006. – С. 131-132.
• Емельянов Анатолий Викторович // Энциклопедия Вурнарского района. – Чебоксары, 2005. – С. 107.
• Тимуков, А.Н. Емельянов Анатолий Викторович / А.Н. Тимуков // Краткая чувашская энциклопедия. – Чебоксары, 2001. – С. 158.
• Федоров, Г.И. Емельянов Анатолий Викторович / Г.И. Федоров // Чувашская энциклопедия. – Чебоксары, 2006. – Т. 1 : А-Е. – С. 565.
• Федоров, Г.И. Социальные типы героев и философия бытия цехового, социального человека : на примере прозы А. Емельянова // Федоров, Г.И. Художественный мир чувашской прозы 1950–1990-х гг. / Г.И. Федоров. – Чебоксары, 1996. – С. 125–153.
• Ялгир, П. Емельянов Анатолий Викторович // Ялгир, П. Литературный мир Чувашии / П. Ялгир. – Чебоксары, 2005. – С. 34-35 и др.

Ӑнлантарусем

Каçăсем

• Емельянов А.В.( ӗҫлемен каҫӑ) — Çĕнтерӳ çулĕ хаçатри статья, 2008-04-09
• Анатолий Емельянов хайлавĕсем
• К 80-летию со дня рождения А.В. Емельянова. Вдохновенное творчество