Смолин Анатолий Семёнович

1957 ҫулхи ака уйӑхӗн 1-мӗшӗнче Чӑваш АССР-ӗнчи Куславкка районӗнчи Шăнчас ялӗнче ҫуралнӑ.

1975 ҫулта Енӗшри вӑтам шкултан вӗренсе тухсан Совет ҫарне хӗсмете кайнӑ. Демобилизациленнӗ хыҫҫӑн Куславкка райисполкомӗн культура уйрӑмӗнче ӗҫленӗ. Унтан Чӑваш патшалӑх университечӗн (халӗ И. Н. Ульянов ячӗллӗ Чӑваш патшалӑх университечӗ) филологи факультетне вӗренсе пӗтернӗ те ҫак аслӑ шкулӑн чӑваш литература кафедринче ӗҫленӗ^[1].

1984–1996 ҫулсенче Анатолий Смолин республикӑри «Ҫилҫунат» журналра тӗрлӗ должноҫсенче ӗҫленӗ, тӑватӑ ҫул хушши ҫак кӑларӑмӑн ачасемпе ҫамрӑксен редакцийӗн пуҫлӑхӗ пулнӑ. 1996–1999 ҫулсенче Чӑваш Республикин Президенчӗн (халӗ Чӑваш Республикин Пуҫлӑхӗ) пресс-секретарӗ пулса тӑрӑшнӑ.

Смолина Людмина Валериановна мăшăрĕпе пĕрле икĕ ача çуратса ӳстернĕ.

2012 ҫулхи ҫу уйӑхӗн 22-мӗшӗнче Шупашкарта вилнӗ, ӑна унтах пытарнӑ^[2].

Хăй каланă тăрăх шкулта 7-мĕш класа çитиччен вырăсла кăна сăвăсем çырнă. Кайран вара, Есенин сăввисене Петӗр Хусанкай куçарăвне вуласан чăвашла çырма пуçланă.

Ҫак кӗнекесен авторӗ:

• Ҫаврӑм (1991);
• Кĕтрет кĕтесĕ (1994);
• Çӳретпĕр Çеçпĕл çулĕпе (1999);
• Заметы (вырăсла, 1990);
• Сын Чудикас (вырăсла, 2000).

А. С. Смолин куҫару ӗҫӗпе аппаланнӑ. Вӑл вырӑсла чӑваш сӑвӑҫисен: К. Ивановӑн, Ҫеҫпӗл Мишшин, Я. Ухсайӑн, П. Хусанкайӑн, Ю. Айдашӑн, П. Афанасьевӑн тата ыттисен хайлавӗсене куҫарнӑ. Ҫавӑн пекех вырӑсларан чӑвашла А. Пушкин, С. Есенин, И. Елисеев сӑввисене куҫарнӑ. Вырӑсла тата чӑвашла вунӑ ытла сӑвӑ тата проза пуххине пичетлесе кӑларнӑ.

• «Чӑваш Республикин тата тивӗҫлӗ культура ӗҫченӗ».
• «Ҫаврӑм» кӗнекешӗн Ҫеҫпӗл Мишши ячӗллӗ Чӑваш комсомолӗн премийӗпе чысланӑ, ҫавӑн пекех Марфа Трубина тата Геннадий Айхи ячӗллӗ премисен лауреачӗ пулнӑ^[1].