Авраменко Михаил Иванович

1914 ҫулхи кӑрлачӑн 23-мӗшӗнче Воронеж кӗпӗрнинчи Новотроицкое салинче украин хресченӗн кил-йышӗнче ҫуралнӑ. Пуҫламӑш пӗлӳ илнӗ, ҫар хӗсметне чӗниччен колхозра ӗҫленӗ.

1937 ҫулта ӑна Хӗрлӗ Ҫар ретне илнӗ, Хура тинӗс флотӗнче хӗсметре тӑнӑ, вӑрҫӑ пуҫланнине ҫавӑнта кӗтсе илнӗ.

1941 ҫултан пуҫласа 1943 ҫулччен Авраменко краснофлотец Одессӑпа Севастополе хӳтӗленӗ ҫӗре, «Кӗҫӗн Ҫӗр» ҫинчи ҫапӑҫусене хутшӑннӑ, икӗ хутчен аманнӑ, ӑна икӗ медальпе чысланӑ.

1943 ҫулхи юпа уйӑхӗнче Мариуполь хулине ирӗке кӑларассишӗн пынӑ ҫапӑҫусенче командованин ҫарй заданийӗсене питӗ лайӑх пурнӑҫланӑшӑн «Хӑюлӑхшӑн» медальпе чысланӑ.

1944 ҫулхи пуш уйӑхӗн иккӗмӗш пайӗнче Константин Фёдорович Ольшанский аслӑ лейтенант ертсе пынӑ десант ушкӑнне кӗнӗ. Совет ҫарӗсем Одесса операцийӗн пайӗ шутланнӑ Николаев хулине ирӗке кӑларнӑ май фронтри ҫапӑҫӑва ҫӑмӑллатасси десант тӗллевӗ пулнӑ. Николаев хулинчи тинӗс портӗнче аннӑ хыҫҫӑн отряд икӗ талӑк хушшинче тӑшманӑн 18 атакне сирсе янӑ, 700 яхӑн гитлеровеца тӗп тунӑ. М. И. Авраменко ҫапӑҫура паттӑррӑн пуҫ хунӑ.

СССР Аслӑ Канашӗн Президиумӗн 1945 ҫулхи акан 20-мӗшӗнчи хушӑвӗпе нимӗҫ захватчикӗсемпе пыракан ҫапӑҫу фрончӗсенче ҫар командованийӗн хушӑвӗсене лайӑх пурнӑҫланӑшӑн тата хӑюлӑхпа паттӑрлӑх кӑтартнӑшӑн Авраменко Михаил Иванович хӗрлӗфлотеца Ленин орденӗпе тата «Ылтӑн Ҫӑлтӑр» медальпе чысласа Совет Союзӗн Паттӑрӗ хисеплӗ ят панӑ (вилнӗ хыҫҫӑн).

• Совет Союзӗн Паттӑрӗ (20.04.1945, «Ылтӑн Ҫӑлтӑр» медаль);
• Ленин орденӗ (20.04.1945);
• медальсем.

• Николаев хулинчи (Украина) 68-мӗш десантниксен скверӗнчи тӑванла вил тӑпринче пытарнӑ.
• Унтах Паттӑрсене халалласа моряк-десантниксен кӗрешӳ мухтавӗн халӑх музейне уҫнӑ, палӑк пур.
• Хулари пӗр урам Паттӑр ячӗпе хисепленет.
• Совет Союзӗн Паттӑрӗ М. И. Авраменко ячӗпе Воронеж ДОСААФ водолаз шкулӗ ҫӳрет.