Алексеев Варсонофий Алексеевич

	Ҫын пирки
	Алексеев Варсонофий Алексеевич
Çуралнă вăхăт	1912 ҫулхи акан 1-мӗшӗ (14-мӗшӗ)
Çуралнă вырăн	Кармал, Ҫӗрпӳ уесӗ, Хусан кӗпӗрни, Раҫҫей империйӗ;
Вилнĕ вăхăт	1999 ҫулхи ҫӑвӑн 25-мӗшӗ (87 ҫул)
Вилнĕ вырăн	Кармал, Елчĕк районĕ, Чӑваш Республики — Чӑваш Ен, Раҫҫей Федерацийӗ;
Гражданлăх	Раҫҫей империйӗ; СССР; Раҫҫей Федерацийӗ;
Альма-матер	И.Я. Яковлев ячӗллӗ Чӑваш патшалӑх педагогика университечӗ (1941);
Премисемпе чысланисем

Алексеев Варсонофий Алексеевич (1912 ҫулхи акан 1-мӗшӗ [14-мӗшӗ], Кармал, Ҫӗрпӳ уесӗ, Хусан кӗпӗрни, Раҫҫей империйӗ — 1999 ҫулхи ҫӑвӑн 25-мӗшӗ, Кармал, Елчĕк районĕ, Чӑваш Республики — Чӑваш Ен, Раҫҫей Федерацийӗ) — совет саманинчи хуҫалӑх, патшалӑх тата политика ӗҫченӗ. Тӑван Ҫӗршывӑн Аслӑ вӑрҫине хутшӑннӑ.

Пурнӑҫӗпе ӗҫӗ-хӗлӗ

1912 ҫулхи ака уйӑхӗн 1-мӗшӗнче Хусан кӗпӗрнин Ҫӗрпӳ уесӗнчи (халӗ — Чӑваш республикин Елчӗк муниципаллӑ районӗ) Кармал ялӗнче ҫуралнӑ. Канаш педагогика техникумне (1932), Чӑваш педагогика институтне (1941) вӗренсе пӗтернӗ^[1].

ВКП(б) пайташӗ. Хӗрлӗ Ҫарта хӗсметре пулнӑ. Тӑван Ҫӗршывӑн Аслӑ вӑрҫине хутшӑннӑ (1942). Аслӑ лейтенант. Аманнӑ. 1344-мӗш госпитальте сипленнӗ, хыҫҫӑн демобилизациленӗ^[2].

1932 ҫултанпа — хуҫалӑх, общество тата политика ӗҫӗнче вӑй хунӑ. 1932—1936 ҫулсенче — Канашри педагогика техникумӗн преподавателӗ. 1936—1941 ҫулсенче — Патӑрьел (Чкаловски) районӗнчи Сӑкӑт, Тури Туҫа шкулӗсен директорӗ. 1941—1942 ҫулсенче — Чкаловски райӗҫтӑвкомӗн халӑх вӗрентӗвӗн пай заведующийӗ, 1942—1947 ҫулсенче — Чкаловски ВКП (б) райкомӗн пай заведующийӗ, секретарӗ, 1947—1951 ҫулсенче — Чкаловски райӗҫтӑвкомӗн председателӗ^[1].

1951—1961 ҫулсенче — Вӑрмар ВКП (б) райкомӗн пӗрремӗш секретарӗ, Вӑрмар райӗҫтӑвкомӗн председателӗ^[1].

Ӑна СССР Аслӑ Канашӗн 4-мӗш пухӑвӗн депутатне суйланӑ (1954—1959)^[1]. КПСС XIX съезчӗн делегачӗ пулнӑ^[3].

1999 ҫулхиҫу уйӑхӗн 25-мӗшӗнче Кармалта вилнӗ^[1].

Хисепӗсем

Тӑван Ҫӗршыв вӑрҫин орденӗн II степенӗ;
Ӗҫлӗх Хӗрлӗ Ялав орденӗ;
«Хӑюлӑхшӑн» медаль;
«1941—1945 ҫҫ. Тӑван Ҫӗршывӑн Аслӑ вӑрҫинче Германие ҫӗнтернӗшӗн» медаль;
ытти медальсем.

Ӑнлантарусем

^ ¹^,²^,³^,⁴^,⁵ Краткая энциклопедия Яльчикского района (выр.). Пӑхнӑ кун: 2026 ҫулхи акан 23-мӗшӗ.
^ Алексеев Варсанофий Алексеевич (выр.). Память народа. Пӑхнӑ кун: 2026 ҫулхи акан 23-мӗшӗ.
^ XIX съезд ВКП(б) - КПСС (5 - 14 октября 1952 г.). Документы и материалы. Тӗрӗсленӗ: 2026 ҫулхи акан 23-мӗшӗ.

Каҫӑсем

Алексеев

[:0-1] ¹^,²^,³^,⁴^,⁵ Краткая энциклопедия Яльчикского района (выр.). Пӑхнӑ кун: 2026 ҫулхи акан 23-мӗшӗ.

[2] Алексеев Варсанофий Алексеевич (выр.). Память народа. Пӑхнӑ кун: 2026 ҫулхи акан 23-мӗшӗ.

[3] XIX съезд ВКП(б) - КПСС (5 - 14 октября 1952 г.). Документы и материалы. Тӗрӗсленӗ: 2026 ҫулхи акан 23-мӗшӗ.

[1]

[2]

[3]