Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Аникин Генрих Дмитриевич

Аникин Генрих Дмитриевич (1932 ҫулхи пушӑн 2-мӗшӗ, Нюксеница, Северный край[d] — 2003 ҫулхи авӑнӑн 18-мӗшӗ, Шупашкар) — фармаколог, медицина ӑслӑлӑхӗсен докторӗ (1972), профессор (1975)[1].

Пурнӑҫӗ

Вологда облаҫӗнчи Нюксеница районӗнчи Нюксеница салинче ҫуралнӑ[1][2].

Иваново медицина институтӗнче аслӑ пӗлӳ илнӗ (1956)[2]. 1959 ҫулта Алтай медицина институтӗнче студентсене вӗрентме тытӑннӑ.

1960 ҫулта Иваново медицина институчӗн фармакологи кафедри ҫумӗнче кандидат диссертацине «О характере и механизмах нарушений функции желудка при экспериментальной почечной колике» темӑпа хӳтӗленӗ[3].

1969 ҫултанпа И.Н. Ульянов ячӗллӗ Чӑваш патшалӑх университетӗнче ӗҫленӗ: медицина факультечӗн биохими курсӗллӗ фармакологи кафедрин заведующийӗ пулнӑ[1]. Кафедра 1973 ҫулта йӗркеленнӗ, Г.Д. Аникин унăн пӗрремӗш ертӳҫи пулса 30 ҫул хушши (2003 ҫулччен) ӗҫленӗ[3].

1974 ҫулта Генрих Дмитриевич пуҫарӑвӗпе тата ЧПУ фармакологи кафедринче ӗҫлекенсен тӑрӑшнипе Чӑваш Республикин фармакологӗсен ӑслӑлӑх обществине йӗркеленӗ[3].

2003 ҫулхи авӑн уйӑхӗн 18-мӗшӗнче Шупашкарта ҫут тӗнчерен уйрӑлнӑ[2].

Ӗҫӗ-хӗлӗ

1972 ҫулта «О механизме прямого влияния на почку некоторых биологически активных веществ» темӑпа доктор диссертацине хӳтӗленӗ[2][3].

Ӑслӑлӑхри тӗпчевӗсене пӳрене энергипе тивӗҫтермелли ыйтусем, шывпа тӑвар ҫыхӑнӑвӗн фармакологийӗ тата пӳре фармакологийӗ ыйтӑвӗсемпе ирттернӗ. Эмел ҫыхӑнӑвӗсене тата биологи тӗлӗшӗнчен активлӑ япаласене тӳрремӗнех пӳре юнне кӗртмелли меслетпе усӑ курса тӗнчере ыттисенчен малтан ацетилхолин, гистамин тата ытти медиаторсен пӳре функцине мӗнле витӗм кӳнине ҫырса кӑтартнӑ[2][1].

120 ытла ӑслӑлӑх ӗҫӗсен авторӗ, вӗсен шутне монографисем те кӗреҫҫӗ[1][2].

Г. Д. Аникин ертсе пынипе кафедрӑра ӑслăлăх шкулĕ йӗркеленнӗ, вӑл ертсе пынипе темиҫе кандидат диссертацийӗ хӳтӗленӗ[3]. Вӑл медицина факультетӗнче пӗрремӗш хут студентсен пӗлӗвне рейтинг системипе хаклассине кӗртнӗ[3].

Г. Д. Аникина СССР Сывлӑх сыхлав министерствин грамотисемпе тата медалӗсемпе чысланӑ. Вăл СССР Сывлăх сыхлав министерствин Ӑслӑлӑхпа техника канаш президиумӗнчи сывлӑх сыхлав секцийӗнче тата Пӗтӗм Союз нефрологсен обществин электролитсен транспорт механизмӗсене тӗпчекен комиссийӗнче ӗҫленӗ[3].

Тӗп ӗҫӗсем

  • «Адренотропные препараты» (1992);
  • «Антидиабетические препараты»;
  • «Фармакодинамика и фармакокинетика этанола» (1997);
  • «Физиология, биохимия и фармакология мочеобразования» (тепӗр авторсемпе пӗрле);
  • «О характере и механизмах нарушений функций желудка при экспериментальной почечной колике»;
  • «О механизме прямого влияния на почку некоторых биологически активных веществ»;
  • «Антибиотики в практике иммунолога» (тепӗр авторсемпе пӗрле, 2004).

Ӑнлантарусем

  1. ^ 1, 2, 3, 4, 5 Аникин, Генрих Дмитриевич (учёный; 21.03.1932-18.09.2003) (выр.). Наследие Чувашии. Пӑхнӑ кун: 2026 ҫулхи ҫӑвӑн 7-мӗшӗ.
  2. ^ 1, 2, 3, 4, 5, 6 Аникин Генрих Дмитриевич (выр.). Чувашская энциклопедия. Пӑхнӑ кун: 2026 ҫулхи ҫӑвӑн 7-мӗшӗ.
  3. ^ 1, 2, 3, 4, 5, 6, 7 История кафедры (выр.). Кафедра фармакологии, клинической фармакологии и биохимии ЧГУ. Пӑхнӑ кун: 2026 ҫулхи ҫӑвӑн 7-мӗшӗ.

Вуламалли

  • Александрова, К. А. 40 лет со дня основания кафедры фармакологии и биохимиии на медицинском факультете. Первый заведующий Г. Д. Аникин / К. А. Александрова, Н. А. Андреева // Природа. Наука. Победа : сб. тр. всерос. 47-й науч. студ. конф. — Чебоксары, 2013. — С. 459—460.
  • Алексеев, Г. А. Аникин Генрих Дмитриевич / Г. А. Алексеев // Выдающиеся медики Чувашии / Г. А. Алексеев. — Чебоксары, 2013. — С. 64.
  • Алексеев, Г. А. Аникин Генрих Дмитриевич / Г. А. Алексеев // Чувашская медицинская энциклопедия / Г. А. Алексеев. — Чебоксары, 1997. — Том 1 : А–М. — С. 37.
  • Алексеев, Г. А. Аникин Генрих Дмитриевич / Г. А. Алексеев // Краткая чувашская энциклопедия. — Чебоксары, 2001. — С. 66.
  • Алексеев, Г. А. Аникин Генрих Дмитриевич / Г. А. Алексеев // Чувашская энциклопедия. — Чебоксары, 2006. — Т. 1 : А–Е. — С. 108—109.
  • Аникин Генрих Дмитриевич // Кто есть кто : ученые Чувашского государственного университета имени И. Н. Ульянова. — Чебоксары, 2002. — С. 36.
  • Аникин Генрих Дмитриевич // Ученые Чувашского университета : (1967—1992). — Чебоксары, 1992. — С. 20—21.
  • Соколова, В. Преданность медицине / В. Соколова // Советская Чувашия. — 1982. — 20 марта.
  • Федоров, А. А. Научные исследования в области фармакологии и биохимии на кафедрах Чувашского университета / А. А. Федоров // Здравоохранение Чувашии. — 2006. — № 3. — С. 93—97.

Каҫӑсем

Категорисем