Антоненко Кузьма Прокопьевич

Белгород облаҫӗнчи Корочан районӗнчи Ломово ялӗнче рабочи ҫемьинче ҫуралнӑ. Вырӑс. Пуҫламӑш шкултан вӗренсе тухнӑ. Шахтӑра ӗҫленӗ.

Хӗрлӗ Ҫарта 1930 ҫултанпа. 1938 ҫултанпа ВКП (б) членӗ. 1939 ҫулта Халхин-Гол юханшывӗ ҫинчи ҫапӑҫусене, 1939—1940 ҫулсенчи совет-финн вӑрҫине хутшӑннӑ. Тӑван Ҫӗршывӑн Аслӑ вӑрҫинче 1941 ҫултанпа.

1941 ҫулхи ҫурла уйӑхӗнчен пуҫласа авӑн уйӑхӗччен Иран операцине хутшӑннӑ. 1941 ҫулхи чӳк уйӑхӗнчен пуҫласа 1942 ҫулхи нарӑс уйӑхӗччен — Кӑнтӑр фронтӗнче, 1942 ҫулхи ҫӗртме уйӑхӗнчен пуҫласа — Кӑнтӑр-Анӑҫ фронтӗнче, 1942 ҫулхи чӳк уйӑхӗнчен пуҫласа раштав уйӑхӗччен — Сталинград фронтӗнче, 1943 ҫулхи утӑ-ҫурла уйӑхӗсенче Воронеж фронтӗнче 29-мӗш танк корпусӗн уйрӑм мотоцикл батальонӗн командирӗ пулса ҫапӑҫнӑ.

1944 ҫулхи юпа уйӑхӗнче К. П. Антоненко хӗсметре тӑнӑ полка задача панӑ: тапӑнса пыракан танк соединенийӗсенчен малта икӗ разведка ушкӑнӗ пулса тӑшманӑн хӳтӗлев йӗрне татмалла.

1944 ҫулхи юпа уйӑхӗн 7-мӗшенче Антоненко ертсе пыракан ушкӑн тӑшман тылне кайса задание пурнӑҫланӑ та ҫухатусӑр таврӑннӑ.

1944 ҫулхи юпан 10-мӗшӗнче Антоненко ертсе пыракан разведушкӑн каллех тӑшман тылне ҫӗмӗрсе кӗнӗ. Миния юханшывӗ урлӑ каҫса Кретинген — Мемель чукун ҫул магистральне юрӑхсӑра кӑларсан совет воинӗсем Паланга (Литва) хули патнелле талпӑннӑ, ун хӗррине ҫитнӗ, чи малтан Балти тинӗсӗ патне тухнӑ.

СССР Аслӑ Канашӗн Президиумӗн 1945 ҫулхи пушӑн 24-мӗшӗнчи хушӑвӗпе нимӗҫ захватчикӗсемпе пыракан ҫапӑҫу фрончӗсенче ҫар командованийӗн хушӑвӗсене лайӑх пурнӑҫланӑшӑн тата хӑюлӑхпа паттӑрлӑх кӑтартнӑшӑн Антоненко Кузьма Прокопьевич гварди майорне Ленин орденӗпе тата «Ылтӑн Ҫӑлтӑр» медальпе (№7419) чысласа Совет Союзӗн Паттӑрӗ хисеплӗ ят панӑ.

Вӑрҫӑ хыҫҫӑн харсӑр офицер СССР Хӗҫпӑшаллӑ вӑйӗсенче хӗсмете тӑснӑ, 129-мӗш Лӑпкӑ океан мотострелоксен дивизийӗнче 33-мӗш уйрӑм мотоцикл батальонӗн командирӗ вырӑнӗнче хӗсметре тӑнӑ. 1953 ҫулта вӑл Аслӑ бронетанк шкулӗнчен вӗренсе тухнӑ. 1956 ҫултанпа Антоненко К. П. полковник — саппасра. Кировоград (Украина) хулинче пурӑннӑ. 1993 ҫулхи раштавӑн 30-мӗшӗнче ҫут тӗнчерен уйрӑлнӑ.

• Совет Союзӗн Паттӑрӗ (24.03.1945, «Ылтӑн Ҫӑлтӑр» медаль № 7419);
• икӗ Ленин орденӗ (24.03.1945);
• икӗ Хӗрлӗ Ялав орденӗ;
• Тӑван Ҫӗршыв вӑрҫин орденӗн I степенӗ;
• икӗ Хӗрлӗ Ҫӑлтӑр орденӗ;
• «Ҫапӑҫура плӑрнӑшӑн» медаль;
• «Сталинграда хӳтӗленӗшӗн» медаль;
• «1941—1945 ҫҫ. Тӑван Ҫӗршывӑн Аслӑ вӑрҫинче Германие ҫӗнтернӗшӗн» медаль;
• медальсем.

• Кировоградра Ӗмӗрхи Мухтав пантеонӗнче пытарнӑ.

 Антоненко Кузьма Прокопьевич «Ҫӗршыв Паттӑрӗсем» сайтра