Арланов Михаил Михайлович

	Ҫын пирки
	Арланов Михаил Михайлович
Çуралнă вăхăт	1962 ҫулхи чӳкӗн 22-мӗшӗ (62 ҫулта)
Çуралнă вырăн	Кивĕ Ахпӳрт (Патăрьел районĕ), Раҫҫей Федерацийӗ;
Гражданлăх	СССР; Раҫҫей Федерацийӗ;
Альма-матер	И. Н. Ульянов ячӗллӗ Чӑваш патшалӑх университечӗ;

Арланов Михаил Михайлович (1962 ҫулхи чӳкӗн 22-мӗшӗ(19621122), Кивӗ Ахпӳрт, Патӑрьел районӗ, Чӑваш АССРӗ) — журналист, Чӑваш Республикин тава тивӗҫлӗ культура ӗҫченӗ.

Пурнӑҫӗ

1962 ҫулхи чӳк уйӑхӗн 22-мӗшӗнче Чӑваш АССРӗнчи Патӑрьел районӗнчи Кивӗ Ахпӳрт ялӗнче ҫуралнӑ. Туҫа вӑтам шкулӗнчен (1980), И. Н. Ульянов ячӗллӗ Чӑваш патшалӑх университечӗн историпе филологи факультетӗнчен (1988) вӗренсе тухнӑ. Пӗтӗм ӗҫӗ-хӗлӗ пичетпе ҫыхӑннӑ: КПСС Чӑваш обкомӗн издательствин типографийӗнче хут рулонӗсене касма хатӗрлекен (1984—1986), «Пионер сасси» хаҫатра корректор, пичете хатӗрлекен редактор (1986—1991), «Тантӑш» хаҫатра тата «Тетте» журналра тӗп редакторӑн ҫумӗ-яваплӑ секретарь (1991—2000), «Хыпар» издательство ҫуртӗнче тӗп директорӑн-тӗп редакторӑн ҫумӗ, тӗп редакторӑн ҫумӗ-коммерци директорӗ (2000—2011), тӗп редакторӑн ҫумӗ (2011—2016) пулса ӗҫленӗ. 2016—2017 ҫулсенче «Хыпар» Издательство ҫурчӗ» автономлӑ учрежденин тӗп директорӗ-тӗп редакторӗ пулнӑ. 2017—2020 ҫулсенче «Советская Чувашия» хаҫатра «Вырӑнти влаҫ» ятарлӑ проекта пурнӑҫласа пынӑ. 2020 ҫулхи ҫурла уйӑхӗнчен пуҫласа Чӑваш Республикин Патшалӑх Канашӗн «Республика» хаҫачӗн директорӗ-тӗп редакторӗ.

Хисепӗсем

ВЛКСМ Чӑваш обкомӗн Хисеп грамоти (1988);
РСФСР ЛКСМ Тӗп Комитечӗн Хисеп грамоти (1991);
Чӑваш Республикин Информаципе пичет министерствин Хисеп грамоти (1996);
Чӑваш Республикинчи Журналистсен пӗрлӗхӗн Хисеп грамоти (2004);
Раҫҫей Журналисчӗсен пӗрлӗхӗн Хисеп грамоти (2010);
Чӑваш Республикинчи Физкультура, спорт тата туризм министерствин Хисеп грамоти (2009);
Чӑваш Республикинчи Патшалӑх Канашӗн Хисеп грамоти (2012, 2024);
Чӑваш Республикин тава тивӗҫлӗ культура ӗҫченӗ (2006);
«Чӑваш Республики умӗнчи тивӗҫсемшӗн» орден медалӗ (2013).

Ӑнлантарусем

Вуламалли

Каҫӑсем