Вырӑсла версиЯтарлӑ проектсем
Сӑна ӗнерлеЧӗлхе суйла
РУВИКИ ҪИНЧЕН

Арланов Михаил Михайлович

Disambig gray.svg Арланов хушаматлă урăх çынсем çинчен РУВИКИ-ре статьясем пур.

Арланов Михаил Михайлович (ҫур. 1962 ҫулхи чӳкӗн 22-мӗшӗ, Кивĕ Ахпӳрт (Патăрьел районĕ)) — журналист, Чӑваш Республикин тава тивӗҫлӗ культура ӗҫченӗ.

Пурнӑҫӗ

1962 ҫулхи чӳк уйӑхӗн 22-мӗшӗнче Чӑваш АССРӗнчи Патӑрьел районӗнчи Кивӗ Ахпӳрт ялӗнче ҫуралнӑ. Туҫа вӑтам шкулӗнчен (1980), И. Н. Ульянов ячӗллӗ Чӑваш патшалӑх университечӗн историпе филологи факультетӗнчен (1988) вӗренсе тухнӑ[1].

Пӗтӗм ӗҫӗ-хӗлӗ пичетпе ҫыхӑннӑ:

  • КПСС Чӑваш обкомӗн издательствин типографийӗнче хут рулонӗсене касма хатӗрлекен (1984—1986),
  • «Пионер сасси» хаҫатра корректор, пичете хатӗрлекен редактор (1986—1991),
  • «Тантӑш» хаҫатра тата «Тетте» журналра тӗп редакторӑн ҫумӗ-яваплӑ секретарь (1991—2000),
  • «Хыпар» издательство ҫуртӗнче тӗп директорӑн-тӗп редакторӑн ҫумӗ, тӗп редакторӑн ҫумӗ-коммерци директорӗ (2000—2011),
  • тӗп редакторӑн ҫумӗ (2011—2016) пулса ӗҫленӗ[1].

2016—2017 ҫулсенче «Хыпар» Издательство ҫурчӗ» автономлӑ учрежденин тӗп директорӗ-тӗп редакторӗ пулнӑ[1].

2017—2020 ҫулсенче «Советская Чувашия» хаҫатра «Вырӑнти влаҫ» ятарлӑ проекта пурнӑҫласа пынӑ.

2020 ҫулхи ҫурла уйӑхӗнчен пуҫласа Чӑваш Республикин Патшалӑх Канашӗн «Республика» хаҫачӗн директорӗ-тӗп редакторӗ[1].

2025 ҫулхи утӑ уйӑхӗн 31-мӗшӗнче Чӑваш Республикин Патшалӑх Канашӗн «Республика» хаҫачӗн директорӗ-тӗп редакторӗн должнӑҫне йышӑнма ирттернӗ конкурсра ҫӗнтернӗ, контрактне тӑснӑ[2].

Хисепӗсем

  • ВЛКСМ Чӑваш обкомӗн Хисеп хучӗ (1988);
  • РСФСР ЛКСМ Тӗп Комитечӗн Хисеп хучӗ (1991);
  • Чӑваш Республикин Информаципе пичет министерствин Хисеп хучӗ (1996);
  • Чӑваш Республикинчи Журналистсен пӗрлӗхӗн Хисеп хучӗ (2004);
  • Раҫҫей Журналисчӗсен пӗрлӗхӗн Хисеп хучӗ (2010);
  • Чӑваш Республикинчи Физкультура, спорт тата туризм министерствин Хисеп хучӗ (2009);
  • Чӑваш Республикинчи Патшалӑх Канашӗн Хисеп хучӗ (2012, 2024);
  • Чӑваш Республикин тава тивӗҫлӗ культура ӗҫченӗ (2006);
  • «Чӑваш Республики умӗнчи тивӗҫсемшӗн» орден медалӗ (2013)[1].

Ӑнлантарусем

  1. ^ 1, 2, 3, 4, 5 Н. Б. Смирнова. Арланов Михаил Михайлович (выр.). Чувашская энциклопедия. Чувашский государственный институт гуманитарных наук. Пӑхнӑ кун: 2025 ҫулхи авӑнӑн 22-мӗшӗ.
  2. ^ 2025.07.04 Конкурс на включение в кадровый резерв на замещение должности директора бюджетного учреждения Чувашской Республики «Газета «Республика» Государственного Совета Чувашской Республики» (выр.). Официальный портал органов власти Чувашской Республики. Государственный Совет Чувашской Республики (31 утӑн 2025). Пӑхнӑ кун: 2025 ҫулхи авӑнӑн 22-мӗшӗ.

Вуламалли

  • Алексеева, И. «Хыпар» Издательство ҫурчӗн — ҫӗнӗ ертӳҫӗ : [«Хыпар» Издательство ҫурчӗн директорӗн -тӗп редакторӗн должноҫне Михаил Арланова шанса пани ҫинчен] / И. Алексеева // Ҫамрӑксен хаҫачӗ. — 2015. — 24 раштав (№ 51). — С. 3 : сӑн ӳкерчӗк;
  • Арланов, М. Михаил Арланов: Будущих читателей готовим с детства : [беседа с дир. и глав. ред. Издат. дома «Хыпар» / зап. Р. Кириллова] // Советская Чувашия. — 2016. — 21 янв. — С. 2, 8 : фот. цв.;
  • Арланов Михаил Михайлович // Батыревская энциклопедия. — Чебоксары, 2005. — С. 24-25;
  • Арланов Михаил Михайлович // Энциклопедия чувашской журналистики и печати. — Чебоксары, 2014. — С. 32;
  • С наградой! // Советская Чувашия. — 2013. — 19 янв. — С. 1. — То же на чуваш. яз. в газете «Хыпар». — 2013. — 18 кӑрлач. — С 1, загл.: Саламлатпӑр;
  • Смирнова, Н. Б. Арланов Михаил Михайлович / Н. Б. Смирнова. — Текст : электронный // Чувашская энциклопедия. — URL: http://enc.cap.ru/?t=prsn&lnk=5696 (дата обращения: 28.05.2020).

Каҫӑсем

Категорисем