Республика (хаҫат)

Хаҫатӑн пӗрремӗш номерӗ 1996 ҫулхи пуш уйӑхӗн 8-мӗшӗнче кун ҫути курнӑ. Редакцине унччен тухса тӑнӑ «Вечерняя газета» хаҫат журналисчӗсенчен, ӗҫченӗсенчен калӑпланӑ, тӗп редакторӗ пулма та «Вечерняя газета» кӑларӑма ертсе пынӑ Белов Александр Борисович журналиста шаннӑ.

Хаҫатра тӗрлӗ вӑхӑтра республикӑри чылай паллӑ журналист вӑй хунӑ, вӗсен шутӗнче Чӑваш Республикин тава тивӗҫлӗ культура ӗҫченӗсем Красотина Маргарита Станиславовна, Николаев Владислав Дмитриевич, Галочкин Павел Владимирович, Алексеев Валерий Николаевич, Михайлова Лидия Ивановна тата ыттисем те. Халӗ редакцире Чӑваш Республикин тава тивӗҫлӗ культура ӗҫченӗсем виҫҫӗн вӑй хураҫҫӗ: Арланов Михаил Михайлович, Хмелева Эльвира Николаевна, Андреев Валерьян Витальевич.

• Белов Александр Борисович (1996—1998);
• Петров Владимир Наумович (1998—2000);
• Галкин Николай Александрович (2000—2002);
• Алексеев Валерий Николаевич (2002—2005);
• Петрова Ольга Александровна (2005—2011);
• Михайлова Лидия Ивановна (2011—2016);
• Мясников Сергей Валерьевич (2016 ҫул, раштав 30 — 2020 ҫул, ҫӗртме 10-мӗшӗ);
• Арланов Михаил Михайлович (2020 ҫулхи ҫӗртме уйӑхӗн 10-мӗшӗнчен).

• «Прессӑн ылтӑн фончӗ» паллӑ (2014, 2015, 2016);
• Чӑваш Республикин Патшалӑх Канашӗн Хисеп грамоти (2021);
• Чӑваш Республикинчи массӑллӑ информаци хатӗрӗсем хушшинчи «Потребкооперация—2018» конкурс ҫӗнтерӳҫин дипломӗ.