Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Афанасьев Алексей Андриянович

Disambig gray.svg Афанасьев хушаматлă урăх çынсем çинчен РУВИКИ-ре статьясем пур.

Афанасьев Алексей Андриянович (1925, юпа, 19, Тутар АССР, Павлă районĕ Тăмпарлă ялĕ — 1985, пуш, 31, Павлă паçулки (халĕ хула), Тутарстан) — чăваш çыравçи, сăвăç, тăлмачă[1], Тăван çĕршывăн аслă вăрçин участникĕ (1943-1945), СССР ÇП пайташĕ (1949).

Пурнăçĕ

1925 çулхи юпа уйăхĕн 19 Тутарстанăн Павлă районĕнчи Тăмпарлă ялĕнче çуралнă. 1932-1935 çулсенче колхоз çамрăкĕсен шкулĕнче вĕреннĕ. Удмурт чӗлхипе литературине ачасене вĕрентнĕ.

1943 çулхи кăрлачра хĕсмете чĕннĕ. Тӑван Ҫӗршывӑн Аслӑ вӑрҫине (Карелине финнсенчен ирĕке кăларнă çапăçусенче) хутшăннă. Вăрçăран таврăнсан Пĕкĕлмери вĕрентекенсен институтне вĕренсе тухнă, кайран ачасене вĕрентнĕ. Вуннă çул Павлă районĕн «Знамя» хаçат редакторĕнче ĕçленĕ. 1960 çулта вăл каллех учитель ĕçне куçнă.

1985 çулхи пуш уйăхĕн 21-мĕшĕнче Тутарстанри Павлă посëлокĕнче (халĕ хула) вилнĕ.

Пултарулăх ĕçĕсем

Алексей Афанасьев «Телей уççи» (1944, 1965) сăвăллă юмаха çырнă. Унăн çак сăвă кĕнекисене асăнмалла:

  • «Хура ылтăн» (1957);
  • «Сăвăсем» (1959);
  • «Туслăхпа юрату» (1963);
  • «Çунатлă çамрăклăх» (1976);
  • «Заставăри тревога» (1980).
  • «Юманлăх çулçă тăкмарĕ» романĕ 1982 2017 ҫулхи нарӑсӑн 24-мӗшӗнче архивланӑ. , 1985 2016 ҫулхи ҫӑвӑн 6-мӗшӗнче архивланӑ. çулта пичетленсе тухнă.

Çавăн пекех Алексей Афанасьев удмурт çыравçисен ĕçĕсене чăвашла куçарнă. Унсăр пуçне К. Ивановăн «Нарспи» поэмине (1940 çулта вăл Ижевскре тухакан «Молот» журналта пичетленнĕ), П.Н. Осиповăн «Айдар» тата А.Е. Алган «Шыв арманĕ» ĕçĕсене удмурт чӗлхи çине куçарнă.

Чыславсепе парнесем

Мухтав орденĕ (III степень)

медальсем

Тутар АССР Верховнăй Совет Президиумĕн Хисеп грамоти

«Халăха вĕрентес ĕç отличникĕ» значок

Вуламалли

  1. Алексеев, А. А. Çурри чăваш та эс, çурри удмурт / А. А. Алексеев // Хыпар. – 1995. – 26 юпа.
  2. Дмитриев, В. Пирĕн Алексей Афанасьев / В. Дмитриев // Ялав. – 1989. – № 12. – С. 19.
  3. Прокопьева, Р. «Хамăр савнă сар хĕрсем уйăх витĕр çеç кулаççĕ» / Р. Прокопьева // Хыпар. – 1995. – 26 юпа.
  4. Смирнова, Н. Илемлĕ сăмах ăсти / Н. Смирнова // Хыпар. – 2010. – 20 юпа. – С. 4.
  5. Афанасьев Алексей Андриянович // Чуваши Татарстана = Тутарстан чăвашĕсем : [кн.-альбом]. – Чебоксары, 2006. – C. 489.
  6. Афанасьев, П. Афанасьев Алексей Андриянович // Афанасьев, П. Писатели Чувашии / П. Афанасьев. – Чебксары, 2006. – С. 43-44.
  7. Станьял, В. П. Афанасьев Алексей Андриянович / В. П. Станьял // Чувашская энциклопедия. – Чебоксары, 2006. – Т. 1 : А-Е. – С. 155. 2016 ҫулхи авӑнӑн 14-мӗшӗнче архивланӑ.

Ӑнлантарусем

Каçăсем

Категорисем