Афанасьев Сергей Германович

	Ҫын пирки
	Афанасьев Сергей Германович
Çуралнă вăхăт	1964 ҫулхи акан 28-мӗшӗ
Çуралнă вырăн	Красноармейски районӗ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР;
Вилнĕ вăхăт	2019 ҫулхи утӑн 28-мӗшӗ (55 ҫул)
Гражданлăх	СССР; Раҫҫей Федерацийӗ;

Афанасьев Сергей Германович (1964 ҫулхи акан 28-мӗшӗ(19640428), Анаткас^[2], Красноармейски районӗ, Чӑваш АССР - 2019 ҫулхи утӑн 28-мӗшӗ(20190728)^[2]) — совет саманинчи ҫӑмӑл атлечӗ, вӑтам дистанцисене чупакан ӑста. 1980-мӗш ҫулсенче ҫӑмӑл атлетика енӗпе СССР сборнӑйӗшӗн ӑмӑртнӑ, Европа чемпионачӗн бронза медальне тивӗҫнӗ, пӗтӗм Союзри тата республика пӗлтерӗшлӗ ӑмӑртусенче нумай хут ҫӗнтернӗ. Мускав облаҫӗшӗн тата Хӗҫпӑшаллӑ Вӑйсемшӗн ӑмӑртнӑ. СССР тӗнче класлӑ спорт мастерӗ.

Кун-ҫулӗ

Сергей Афанасьев 1964 ҫулхи ака уйӑхӗн 28-мӗшӗнче Чӑваш Енӗн Красноармейски районӗнчи Анаткас ялӗнче ҫуралнӑ. Мӑн Шетмӗ ялӗнчи пӗтӗмӗшле пӗлӳ паракан вӑтам шкулта вӗреннӗ.

Мускав облаҫӗнче ҫӑмӑл атлетика енӗпе хатӗрленнӗ, Мускав облаҫӗнчи патшалӑх физкультура институтӗнче (1989) пӗлӳ илнӗ. Хӗҫпӑшаллӑ Вӑйсемшӗн (Мускав облаҫӗ) ӑмӑртнӑ. Э. Г. Филипповпа В. С. Семёнов тренерсем ертсе пыракан тренировкӑсенче хатӗрленнӗ.

Тӗнче шайӗнче пӗрремӗш хут 1983 ҫулхи сезонра, совет сборнӑйӗн йышне кӗрсен, Швехатри юниорсен Европа ӑмӑртӑвӗнче палӑрнӑ, унта 3000 метра чупса тухса кӗмӗл призёр пулса тӑнӑ.

1986 ҫулта Киеври СССР чемпионатӗнче 1500 метра чупассинче ҫӗнтернӗ, Мускаври ырӑ кӑмӑллӑх вӑййинче ҫиччӗмӗш пулнӑ. Ҫав дисциплинӑрах Штутгартра иртнӗ Европа чемпионатне хутшӑннӑ, анчах умӗн ирттернӗ квалификацинче ӑна дисквалификациленӗ.

1987 ҫулта Брянскра иртнӗ СССР чемпионатӗнче 1500 метр дистанцире кӗмӗл медале ҫӗнсе илнӗ, ҫав вӑхӑтрах Мускаври Знаменски пӗртӑванӗсен Мемориалӗнче чи пӗрремӗш пулнӑ.

1988 ҫулта Волгоградра иртнӗ 1500 метр дисциплинӑра СССР хӗллехи чемпионатӗнче бронза илнӗ тата Киевра иртнӗ СССР ҫуллахи чемпионатӗнче ҫӗнтернӗ.

1989 ҫулта Гомельре иртнӗ 1500 метра чупассинче СССР хӗллехи чемпионатӗнче кӗмӗл медаль, Гаагӑри пӳлӗмре иртнӗ Европа чемпионатӗнче бронза медаль ҫӗнсе илнӗ, Будапештра иртнӗ пӳлӗмри тӗнче чемпионатӗнче финиша ҫиччӗмӗш тухнӑ, Гейтсхедра иртнӗ Европа Кубокӗнче иккӗмӗш вырӑн йышӑннӑ.

1990 ҫулта Челепире иртнӗ СССР хӗллехи чемпионатӗнче 1000 тата 1500 метр дисциплинӑсенче кӗмӗл тата ылтӑн наградӑсем ҫӗнсе илнӗ, ҫав вӑхӑтрах Киевра иртнӗ СССР ҫуллахи чемпионатӗнче 1500 метр дистанцире кӗмӗл призёр пулса тӑнӑ. Сиэтлта иртнӗ ырӑ кӑмӑллӑх вӑййинче Совет Союзӗшӗн ӑмӑртнӑ, унта 1500 метр тӑршшӗ чупассинче финиша тӑваттӑмӗш ҫитнӗ.

1992 ҫулхи сезон вӗҫленсен спорт карьерине вӗҫленӗ^[3].

Спортри пысӑк ҫитӗнӳсемшӗн «СССР тӗнче класлӑ спорт мастерӗ» хисеплӗ ята тивӗҫнӗ.

Каярахпа Мускавра тренер-вӗрентекен пулса ӗҫленӗ, предприниматель ӗҫне кӳлӗннӗ, Московски поселенийӗн депутатсен канашӗн темиҫе пухӑвне депутата суйланнӑ.

Арӑмӗ Елена Афанасьева (Власова) — тава тивӗҫлӗ спорт мастерӗ, 800 метра чупас енӗпе Олимп вӑййисен кӗмӗл призёрӗ^[4].

2019 ҫулхи утӑ уйӑхӗн 28-мӗшӗнче 55 ҫул тултарсан вилнӗ. Московски хулинчи Передельцево масарӗнче пытарнӑ^[5].

Ӑнлантарусем

^ ¹^,² https://rusathletics.info/110664
^ ¹^,² https://gov.cap.ru/info.aspx?gov_id=389&id=4120290&ysclid=lww4wbtfgm633990693
^ Сергей Афанасьев — IAAF сайтри профиль(акăлч.)
^ Лёгкая атлетика. Энциклопедия / Авторы-составители В. Б. Зеличёнок, В. Н. Спичков, В. Л. Штейнбах. — «Человек», 2012. — Т. 1. — С. 49. — ISBN 978-5-904885-80-9.
^ Соболезнования: Афанасьев Сергей Германович (паллӑ мар). Всероссийская федерация лёгкой атлетики (29 Утӑ уйӑхӗн 2019). Пӑхнӑ кун: 4 Раштав уйӑхӗн 2021. Архивланӑ 4 Раштав уйӑхӗн 2021 ҫул.

Ку статьяна РУВИКИН Вырӑс уйрӑмӗнчи Афанасьев, Сергей Германович статьяна чӑвашла куҫарса хатӗрленӗ. '

[_01f0312bc09f5da1-1] ¹^,² https://rusathletics.info/110664

[hurlanu-2] ¹^,² https://gov.cap.ru/info.aspx?gov_id=389&id=4120290&ysclid=lww4wbtfgm633990693

[3] Сергей Афанасьев — IAAF сайтри профиль(акăлч.)

[4] Лёгкая атлетика. Энциклопедия / Авторы-составители В. Б. Зеличёнок, В. Н. Спичков, В. Л. Штейнбах. — «Человек», 2012. — Т. 1. — С. 49. — ISBN 978-5-904885-80-9.

[5] Соболезнования: Афанасьев Сергей Германович (паллӑ мар). Всероссийская федерация лёгкой атлетики (29 Утӑ уйӑхӗн 2019). Пӑхнӑ кун: 4 Раштав уйӑхӗн 2021. Архивланӑ 4 Раштав уйӑхӗн 2021 ҫул.

[1]

[2]

[3]

[4]

[5]