Буачидзе Григорий Михайлович
Григорий Михайлович Буачидзе (1916 ҫулхи нарӑсӑн 5-мӗшӗ, Харагаульский муниципалитет[d] — 1996) — Рабочисемпе хресченсен Хӗрлӗ Ҫарӗн аслӑ сержанчӗ, Тӑван Ҫӗршывӑн Аслӑ вӑрҫине хутшӑннӑскер, Совет Союзӗн Паттӑрӗ (1943).
Пурнӑҫӗ
Григорий Буачидзе 1916 ҫулхи нарӑсӑн 5-мӗшӗнче Грузири (халӗ Харагаули муниципалитечӗ) Парцхнали ялӗнче хресчен ҫемйинче ҫуралнӑ. Вӑтам шкул вӗренсе пӗтернӗ хыҫҫӑн преподаватель пулса ӗҫленӗ. 1939 ҫулта ӑна Рабочисемпе хресченсен Хӗрлӗ Ҫарне хӗсмете чӗнсе илнӗ[1].
Тӑван Ҫӗршывӑн Аслӑ вӑрҫи пуҫланнӑранпа — унӑн фрончӗсенче. 1942 ҫулта ВКП(б) ретне кӗнӗ. Сталинград ҫапӑҫӑвне хутшӑннӑ. Награда докуменчӗсем тӑрӑх, Сталинград патӗнчи ҫапӑҫусенче Буачидзе расчёчӗ тӑшманӑн 3 танкне, 4 автомашинӑна, 2 миномёт батарейине тата 50 яхӑн салтакӗпе офицерне тӗп тунӑ[2].
1943 ҫулхи авӑн уйӑхӗ тӗлне гварди аслӑ сержанчӗ Ҫеҫенхир фрончӗн 7-мӗш гварди ҫарӗнчи 115-мӗш гварди танксене аркатакан артиллери полкӗн тупӑ командирӗ пулнӑ. Днепршӑн пынӑ ҫапӑҫура палӑрнӑ[1].
1943 ҫулхи авӑнӑн 27-мӗшӗнче Буачидзе малти подразделенисен йышӗнче Украина ССРӗнчи Днепропетровск облаҫӗн Тури Днепровск районне кӗрекен Бородаевка ялӗ патӗнче Днепр урлӑ каҫнӑ. Юханшывӑн хӗвеланӑҫ ҫыранӗнче плацдарма йышӑнса, Буачидзе расчёчӗ нимӗҫсен виҫӗ контратакине сирме хутшӑннӑ. 1943 ҫулхи юпан 10-мӗшӗнче, Буачидзе расчёчӗ пулӑшса тӑракан подразделени ҫине нимӗҫсен тӑватӑ йывӑр танкӗпе бронетранспортёр тапӑнсан, Буачидзе расчёчӗ 2 танка аркатнӑ[1].
СССР Аслӑ Канаш Президиумӗн 1943 ҫулхи юпан 26-мӗшӗнчи Указӗпе «нимӗҫсен тапӑнса килекен ҫарӗсене хирӗҫле ҫапӑҫу фронтӗнче командовани ҫар заданисене тӗслӗхлӗ пурнӑҫланӑшӑн тата ҫав вӑхӑтра паттӑрлӑхпа хастарлӑх кӑтартнӑшӑн» Григорий Буачидзе гварди аслӑ сержантне Ленин орденӗпе тата 1424-мӗш номерлӗ «Ылтӑн Ҫӑлтӑр» медальпе чысласа Совет Союзӗн Паттӑрӗ ятпа тивӗҫтернӗ[1].
Вӑрҫӑ вӗҫленсен Буачидзене демобилизациленӗ. Грузи ССРне таврӑннӑ, 1956 ҫулта Тбилисири педагогика институтне вӗренсе пӗтернӗ. Рустави хулинче пурӑннӑ тата пенсие тухичченех шкул директорӗ пулса ӗҫленӗ[3]. 1996 ҫулхи пушӑн 25-мӗшӗнче вилнӗ. Гори хулин ҫӑвинче пытарнӑ[1].
Хисепӗсем
- Совет Союзӗн Паттӑрӗн «Ылтӑн Ҫӑлтӑр» медалӗ (1943 ҫулхи юпан 26-мӗшӗ)[1];
- Ленин орденӗ (1943 ҫулхи юпан 26-мӗшӗ)[1];
- Хӗрлӗ Ялав орденӗ[1];
- I степеньлӗ Тӑван Ҫӗршыв вӑрҫин орденӗ[1];
- Хӗрлӗ Ҫӑлтӑр орденӗ (1944)[2];
- «Сталинграда хӳтӗленӗшӗн» медаль[1];
- «1941—1945 ҫулсенчи Тӑван Ҫӗршывӑн Аслӑ вӑрҫинче Германине ҫӗнтернӗшӗн» медаль[1].
Ӑнлантарусем
Вуламалли
- Герои Советского Союза: Краткий биографический словарь / Пред. ред. коллегии И. Н. Шкадов. — Воениздат, 1987. — Т. 1 /Абаев — Любичев/. — 100 000 экз. — ISBN отс., Рег. № в РКП 87-95382.
- Цкитишвили К. В., Чинчилакашвили Т. Г. Герои Советского Союза из Грузии. Тбилиси, 1981.
