Вильсонӑн вунтӑватӑ пункчӗ

1. Уҫҫӑн сӳтсе явнӑ мирлӗ килӗшӳ, вӗсем хыҫҫӑн тӗнчери нимӗнле вӑрттӑн килӗшӳсем те пулмалла мар, дипломати вара яланах уҫҫӑн та пурин куҫӗ умӗнче ӗҫлемелле.
2. Мирлӗ вӑхӑтра та, вӑрҫӑ вӑхӑтӗнче те территорири шывӗсен тулашӗнчи тинӗссенче карапсем питӗ ирӗклӗн, хӑш-пӗр тинӗссен пӗр пайне е пӗтӗмпех тӗнче палӑртнӑ йӗркепе тӗнчери килӗшӗве пурнӑҫламашкӑн хупнисӗр пуҫне, ҫӳремелле.
3. Экономикӑри мӗнпур чӑрмавсене май килнӗ таран пӗтермелле тата тӑнӑҫлӑхшӑн тӑракан тата ӑна упраса хӑварас тесе тӑрӑшакан пур халӑхсемшӗн те пӗр тан суту-илӳ условийӗсем туса хумалла.
4. Наци хӗҫ-пӑшалӗсене патшалӑх хӑрушсӑрлӑхне тивӗҫтерме май паракан таран пӗчӗк шая чакарма шанчӑклӑ гарантисем пулмалла.
5. Пӗтӗм колони тавлашӑвӗсене ирӗклӗ, уҫҫӑн тата питӗ тӗрӗс татса памалла, ҫак принципа ҫирӗп пӑхӑнни ҫинче никӗсленмелле: суверенитетпа ҫыхӑннӑ пур ыйтусене те татса панӑ чухне халӑх интересӗсем хӑйӗн прависене татӑклӑ палӑртнӑ патшалӑх кӑларса тӑратакан тивӗҫлӗ шайри ыйтӑвӗсемпе пӗр тан пулмалла.
6. Вырӑссен мӗнпур территорийӗсене ирӗке кӑлармалла, Раҫҫее пырса тивекен мӗнпур ыйтусене те ҫавӑн пекех татса памалла, ӑна ытти нацисем енчен политика аталанӑвӗ тата унӑн наци политики пирки никама пӑхӑнмасӑр йышӑну тума тата ирӗклӗ нацисен пӗрлӗхӗнче ӑна, вӑл хӑй валли хӑй суйласа илекен правлени йӗркине шута илсе, хапӑл туса йышӑнма май туса парасси ҫинчен шантармалла. Йышӑннинчен те ытларах, пур ӗҫре те ӑна мӗн кирлине, вӑл хӑйне мӗн кирлине палӑртни енчен пулӑшни ытларах кирлӗ. Нацисем тата унӑн аппӑшӗсем Раҫҫей ҫине мӗнле пӑхни килес уйӑхсенче вӗсен ырӑ туйӑмӗсен сӑнав чулӗ, вӗсен нушисене ӑнланни тата вӗсене хӑйсен интересӗсенчен уйӑрма пӗлнине палӑртӗ, ҫавӑн пекех ҫакӑ вӗсен ӑсӗпе вӗсен кӑмӑлӗ туллин палӑртнин кӑтартӑвӗ пулӗ.
7. Бельгие, пӗтӗм тӗнче килӗшет, ирӗке кӑлармалла тата ҫӗнӗрен йӗркелемелле, унӑн ытти ирӗклӗ халӑхсемпе пӗр тан суверенитетне чикӗлеме тӑрӑшмалла мар. Ҫакӑнтан ытла урӑх нимӗнле ӗҫ те халӑхсем хушшинче хӑйсем палӑртса хунӑ тата пӗр-пӗрин хушшинчи хутшӑнусене ертсе пырас тӗлӗшпе палӑртса хунӑ саккунсене шанма пулӑшаймасть. Ҫак сиплевлӗ акт пулмасан пӗтӗм тӗнче правин пӗтӗм йӗрки, пӗтӗм ӗҫӗ ӗмӗрлӗхех пӗтӗ.
8. Франци территорине пӗтӗмпех ирӗке кӑлармалла та оккупациленӗ ҫӗрсене каялла тавӑрмалла, ҫавӑн пекех 1871 ҫулта Прусси Эльзас-Лотаринги тӗлӗшӗнчен Францие кӳнӗ усал ӗҫе, тӗнчери тӑнӑҫлӑха 50 ҫула яхӑн пӑснӑскере, тӳрлетмелле, ҫапла вара пурин интересӗсене шута илсе мирлӗ хутшӑнусене каллех йӗркелеме пулать.
9. Итали чиккисене тӳрлетессине уҫҫӑн палӑракан наци чиккисене тӗпе хурса пурнӑҫланмалла.
10. Нацисен Лигинче эпир хӳтӗре тата тивӗҫтерӳллӗ курасшӑн Австро-Венгри халӑхӗсем автономлӑ аталану валли чи анлӑ майсем илмелле.
11. Румыние, Сербие тата Черногорие ирӗке кӑлармалла. Йышӑннӑ территорисене каялла тавӑрмалла. Сербие тинӗсе ирӗклӗн те шанчӑклӑн тухмалли май памалла. Тӗрлӗ Балкан патшалӑхӗсен хушшинчи хутшӑнусене историре ҫирӗплетнӗ никӗс вырӑнӗпе тата наци принципӗсемпе килӗшӳллӗн туслӑ ҫулпа палӑртмалла. Тӗрлӗ Балкан патшалӑхӗсем политикӑпа экономика тӗлӗшӗнчен никама пӑхӑнманлӑхӗ тата территори ҫирӗплӗхӗ пирки тӗнче шайӗнчи гарантисем пулмалла.
12. Хальхи вӑхӑтри Осман империйӗн шутне кӗрекен турккӑ пайӗсем тулли те ҫирӗп суверенитет илмелле, анчах та халӗ тӗрӗксен аллинче пурӑнакан ытти наци ҫыннисем автономиллӗ аталану валли ҫирӗп гаранти тата пачах та пӑсма май ҫук условисем илмелле. Дарданелла тӗнче шайӗнчи гарантипе пӗтӗм нацисем валли вӗсен карапӗсем ирӗклӗ иртме тата суту-илӳ тума пӗрмаях уҫӑ пулмалла.
13. Никама пӑхӑнман Польша патшалӑхне туса хумалла, унӑн йышӗ шутне поляк халӑхӗ тачӑ ҫыхӑннӑ мӗнпур территорие кӗртмелле, ӑна тинӗсе тухма ирӗклӗ тата шанчӑклӑ май туса памалла, унӑн политикӑлла тата экономикӑлла никама пӑхӑнманлӑхне, ҫав шутра территори ҫирӗплӗхӗ пекех, тӗнче шайӗнчи килӗшӳсемпе шантармалла.
14. Пӗр-пӗрне политикӑлла пӑхӑнни тӗлӗшӗнчен тата пысӑк патшалӑхсене те, пӗчӗккисене те тетерритори тӗлӗшӗнчен ҫирӗплӗхе гарантилекен тӗллевпе нацисен ятарлӑ статусӗсене тӗпе хурса пӗрлехи пӗрлешӗвӗ туса хумалла.^[8].