Геркен Николай Александрович
Геркен Николай Александрович (1863 ҫулхи раштавӑн 30-мӗшӗ, Хусан, Раҫҫей Империйӗ — 1933 ҫулхи пушӑн 8-мӗшӗ, Сӗнтӗрвӑрри, Чӑваш АССР) — ӑсчах-хирург, паллӑ отоларинголог, медицина ӑслӑхӗсен докторӗ, профессор, Ӗҫ Паттӑрӗ (1929).
Пурнӑҫӗпе ӗҫӗ-хӗлӗ
1863 ҫулхи раштав уйӑхӗн 30-мӗшӗнче Раҫҫей Империйӗнчи Хусан хулинче ҫуралнӑ.
Хусан университечӗн медицина факультетӗнчен вӗренсе тухнӑ (1988). 1892 ҫулта «К вопросу о пролиферирующих кистов челюстей и гайморовой полости» темӑпа диссертаци хӳтӗленӗ, медицина ӑслӑхӗсен докторӗн степеньне илнӗ[1]. Томск университечӗн хирурги кафедринче ӗҫленӗ[2]. 1909—1927 ҫулсенче клиника директорӗ пулнӑ, Хусан университечӗн хирурги кафедрине ертсе пынӑ. 1927 ҫулта Чӑваш АССРӗнчи Сӗнтӗрвӑрри хулине куҫса килнӗ, унта район пульницинче хирург-консультант пулса хӑйӗн ӗмӗрӗ вӗҫленичченех ӗҫленӗ. Республикӑри район хирургӗсен квалификацине ӳстерес, ялсенче куҫ пункчӗсем йӗркелес, трахома сестрисене хатӗрлес, трахомӑпа чирлекенсене диспансер сиплевӗпе тивӗҫтерес тата Чӑваш трахоматоз институтне уҫас ӗҫсене пысӑк тӳпе хывнӑ.
Офтальмологипе тата патологи хирургийӗпе ҫыхӑннӑ 10 ӑслӑлӑх ӗҫӗ пичетленӗ, «Отчёт о поголовном осмотре на трахому, произведённый в населении трёх деревень Мариинско-Посадского района ЧАССР: Ящерино, Кочино и Eрдово весной 1929 года» тата ытти те.
1933 ҫулхи пуш уйӑхӗн 8-мӗшӗнче вилнӗ. Больница пахчинче пытарнӑ.
Астӑвӑм
- Сӗнтӗрвӑрри район больници Николай Геркен ячӗпе хисепленет[3].
Ӑнлантарусем
- ^ https://medicin.cap.ru/action/activity/kadrovoe-obespechenie/proekt-medicina-moe-prizvanie/god-vidayuschihsya-zemlyakov-v-2022-godu/vidayuschiesya-deyateli-zemlyaki-v-sfere-zdravoohr/gerkennikolaj-aleksandrovich?ysclid=m4fla5yygm356280544
- ^ http://persons.russianuniversityhistory.tsu.ru/content/%D0%B3%D0%B5%D1%80%D0%BA%D0%B5%D0%BD-%D0%BD%D0%B8%D0%BA%D0%BE%D0%BB%D0%B0%D0%B9-%D0%B0%D0%BB%D0%B5%D0%BA%D1%81%D0%B0%D0%BD%D0%B4%D1%80%D0%BE%D0%B2%D0%B8%D1%87
- ^ https://marposad-crb.med.cap.ru/
Вуламалли
- Алексеев, Г. А. Геркен Николай Александрович / Г. А. Алексеев // Выдающиеся медики Чувашии / Г. А. Алексеев. — Чебоксары, 2013. — С. 10-11.
- Алексеев, Г. А. Геркен Николай Александрович // Алексеев, Г. А.Чувашская медицинская энциклопедия / Г. А. Алексеев. — Чебоксары, 1997. — Т. I : А-М. — С. 128.
- Григорьев, Н. Г. Геркен Николай Александрович / Н. Г. Григорьев, А. М. Симулин // Чувашская энциклопедия. — Чебоксары, 2006. — Т. 1 : А-Е. — С. 409.
- Григорьев, Н. Г. Полюбил Чувашию : Николай Александрович Геркен (1863-1933) / Н. Г. Григорьев // Хирургия Чувашии в пути / Н. Г. Григорьев. — Чебоксары, 2006. — С. 71-74 : портр.
- Симулин, А. М. Геркен Николай Александрович / А. М. Симулин // Краткая чувашская энциклопедия.- Чебоксары, 2001.- С. 123.
Каҫӑсем
- https://enc.cap.ru/?lnk=1393&t=prsn
- https://наследиечувашии.рф/russian/%D0%B3%D0%B5%D1%80%D0%BA%D0%B5%D0%BD-%D0%BD%D0%B8%D0%BA%D0%BE%D0%BB%D0%B0%D0%B9-%D0%B0%D0%BB%D0%B5%D0%BA%D1%81%D0%B0%D0%BD%D0%B4%D1%80%D0%BE%D0%B2%D0%B8%D1%87-%D1%83%D1%87%D0%B5%D0%BD%D1%8B%D0%B9/?ysclid=m4flacwbme224334598
- https://giduv.com/novosti/gerken-nikolaj-aleksandrovich-(1863-1933)?ysclid=m4lbwy00r8432384489
- http://persons.russianuniversityhistory.tsu.ru/content/%D0%B3%D0%B5%D1%80%D0%BA%D0%B5%D0%BD-%D0%BD%D0%B8%D0%BA%D0%BE%D0%BB%D0%B0%D0%B9-%D0%B0%D0%BB%D0%B5%D0%BA%D1%81%D0%B0%D0%BD%D0%B4%D1%80%D0%BE%D0%B2%D0%B8%D1%87