Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Грачёва Рена Ивановна

Грачёва Рена Ивановна (ҫур. 1961 ҫулхи кӑрлачӑн 1-мӗшӗ, Мӑн Марка, Чăваш Автономиллĕ Социализмлă Совет Республики) — чӑваш юрӑҫи, Чӑваш Республикин тава тивӗҫлӗ артистки[1].

Пурнӑҫӗпе ӗҫӗ-хӗлӗ

Мӑн Маркари сакӑр ҫул вӗренмелли шкулта пӗлӳ илнӗ, 1977 ҫулта вӗренсе тухнӑ. Кайран Ишекри вӑтам шкула вӗренме кайнӑ, ӑна 1979 ҫулта пӗтернӗ. 1989 ҫулта Ф. Павлов ячӗллӗ Шупашкарти музыка училищине вӗренсе пӗтернӗ, «Академи хорӗн вокалисчӗ» специальноҫӗ алла илнӗ[1].

1989 ҫултанпа Чӑваш патшалӑх юрӑпа ташӑ ансамблӗн солистки. Ансамбльпе пӗрле Раҫҫей тата СНГ нумай кӗтесӗсене ҫитсе курнӑ. Ҫавӑн пекех чикӗ леш енне те пӗрре мар кайса килнӗ: ансамбль хӑйӗн пултарулӑхӗпе Испани, Бельги, Франци, Итали, Германи, Египет, Сири, Китай, Швейцари халӑхне савӑнтарнӑ[2].

Юрӑҫ пек палӑрни

Итлекенсем валли 50 ытла юрӑ ҫырса хатӗрленӗ[2]. Унӑн валли А.Галкин, В. Неверов, Ю. Жуков, В. Александров пултаруллӑ композиторсем юрӑ кӗввисене хывнӑ[3].

Юрлакан юрӑсем

  • «Ан кай кайӑк»[4];
  • «Ҫăлтӑрсем выляҫҫӗ тӳпере»;
  • «Юр пӗрчи»;
  • «Ӗҫкӗ юрри»;
  • тата ыттисем

Ҫитӗнӗвӗсем

Рена Ивановна Чӑваш Республикин тава тивӗҫлӗ артистки (1999). Музыка ӳнерне аталантарнӑшӑн ӑна Чӑваш Республикин культура министерствин хисеп хучӗпе чысланӑ[3].

1994 тата 1995 ҫулсенче Чӑваш Республикин патшалӑх телерадиокомпанийӗ ирттерекен «Чӑваш юрри» конкурсӗнче ҫӗнтерӳҫӗ пулса тӑнӑ[1].

Ӑнлантарусем

  1. ^ 1, 2, 3 Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 135. — 505 с.
  2. ^ 1, 2 Энциклопедия Чебоксарского района : Грачева (Кириллова) Рена Ивановна (выр.). Энциклопедии. Цифровая библиотека НБ ЧР. Пӑхнӑ кун: 2025 ҫулхи юпан 22-мӗшӗ.
  3. ^ 1, 2 Состоялся творческий вечер заслуженной артистки Чувашской Республики Рены Грачевой (выр.). Союз театральных деятелей Чувашской Республики. Пӑхнӑ кун: 2025 ҫулхи юпан 22-мӗшӗ.
  4. ^ Рена Грачева - Ан кай кайак (выр.). rutube.ru. Пӑхнӑ кун: 2025 ҫулхи юпан 22-мӗшӗ.

Вуламалли

  • Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 135. — 505 с.

Каҫӑсем

Категорисем