Вырӑсла версиЯтарлӑ проектсем
Сӑна ӗнерлеЧӗлхе суйла
РУВИКИ ҪИНЧЕН

Долгов Василий Ефремович

РУВИКИ-ре ҫак хушаматлӑ ытти ҫынсем пирки те статьясем пур: Долгов.

Долгов Василий Ефремович (1930 ҫулхи юпан 2-мӗшӗ, Кавал, Чăваш Автономиллĕ Социализмлă Совет Республики — 2016 ҫулхи ҫурлан 13-мӗшӗ) — совет тата Раҫҫей юрисчӗ, журналисчӗ, таврапӗлӳҫи.

Чӑваш АССРӗн тава тивӗҫлӗ юрисчӗ. СССР Журналистсен пӗрлӗхӗн членӗ (1990)[1].

Кун-ҫулӗ

1948 ҫулта Кавалти вӑтам шкулта пӗлӳ илнӗ, 1953 ҫулта В.И. Ульянов-Ленин ячӗллӗ Хусан патшалӑх университечӗн юридици факультетӗнчен вӗренсе тухнӑ[2].

Ӗҫӗ-хӗлӗ

43 ҫул Чӑваш Республикин прокуратуринче вӑй хунӑ.

1953–1958 ҫулсенче Сӗнтӗрвӑрринчи районсен прокуратурӑн следователӗ тата прокурор тивӗҫне пурнӑҫлаканӗ. 1958–1963 ҫулсенче Вӑрнар район прокурорӗ. 1958–1991 ҫулсенче Куславкка, Шупашкар районӗсен тата Шупашкар хулин Мускав районӗн прокурорӗ. 1991–1995 ҫулсенче, тивӗҫлӗ канӑва тухнӑ хыҫҫӑн, Чӑваш Республикин прокурорӗн пулӑшуҫи пулнӑ[2].

Обществӑлла ӗҫӗ

1994—2005 ҫулсенче Пӗтӗм Раҫҫейри прокуратура ветеранӗсемпе пенсионерӗсен обществӑлла пӗрлӗхӗн Чӑваш регион уйрӑмне ертсе пынӑ.

Журналистикӑри ӗҫӗ-хӗлӗ

Василий Долгов «Хыпар» хаҫатра тӑтӑшах статьясем пичетленӗ. Хӑйӗн ӗҫӗсенче вӑл Кавалсем псевдонимпа ҫырнӑ: «Юрри халӗ те асӑмрах» (Петӗр Хусанкай пирки), «Кулаксен чанне ҫапман» (В. Рсай ҫинчен), «Пӗр ялтан - тӑватӑ ҫыравҫӑ», «Юрьевсем», тата ытти те.

Хисепӗсем

Василий Ефремович ҫак хисепсене тивӗҫнӗ:

  • 5 медаль;
  • Патшалӑх учрежденийӗсенче ӗҫлекенсен профсоюзӗн хисеп хучӗ
  • СССР Тӗп прокурорӗн Хисеп хучӗ (3 хут);
  • СССР Журналистсен пӗрлӗхӗн членӗ (1991);
  • Чӑваш АССРӗн тава тивӗҫлӗ юрисчӗ (1991).

Ӑнлантарусем

  1. ^ И. И. Бойко. Долгов Василий Ефремович (выр.). Чувашская энциклопедия. Чувашский государственный институт гуманитарных наук. Пӑхнӑ кун: 2026 ҫулхи ҫӑвӑн 7-мӗшӗ.
  2. ^ 1, 2 Долгов, Василий Ефремович (юрист, журналист; 02.10.1930-13.08.2016) (выр.). Наследие Чувашии. Пӑхнӑ кун: 2026 ҫулхи ҫӑвӑн 7-мӗшӗ.

Вуламалли

  • Долгов-Кавалсем, В. Эпӗ те хаҫатран вӗреннӗ / В. Долгов-Кавалсем // Хыпар. — 2006. — 10 пуш. — С. 3.
  • Казанов, А. Инҫетри ҫутӑ / А. Казанов // Хыпар. — 1996. — 31 юпа.
  • Матвеева, Г. Пӗрлехи вӑй витӗмӗ / Г. Матвеева // Хыпар. — 1997. — 29 чӳк.
  • Смирнова, В. Чун ӑшши / В. Смирнова // Хыпар. — 2000. — 3 юпа.
  • Бойко, И. И. Долгов Василий Ефремович / И. И. Бойко // Чувашская энциклопедия. — Чебоксары, 2006. — Т. 1 : А-Е. — С. 523.. — См. текст
  • Долгов Василий Ефремович // Энциклопедия Урмарского района. — Чебоксары, 2023. — С. 133.

Каҫӑсем

Категорисем