Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Егоров Владимир Константинович

РУВИКИ-ре ҫак хушаматлӑ ытти ҫынсем пирки те статьясем пур: Егоров; Егоров Владимир.

Егоров Владимир Константинович — (ҫур. 1947 ҫулхи юпан 30-мӗшӗ, Канаш, Чăваш Автономиллĕ Социализмлă Совет Республики) — совет саманин тата Раҫҫейӗн патшалӑх ӗҫченӗ, вӗрентӳ тытӑмӗн ӗҫченӗ. Истори ӑслӑлӑхӗсен кандидачӗ, философи ӑслӑлӑхӗсен докторӗ, профессор. РАН социологи институчӗн хисеплӗ докторӗ. 2008 ҫулхи пуш уйӑхӗнчен пуҫласа Раҫҫей Федерацийӗн Вӗренӳ министерствин аттестаци комиссийӗн членӗ.

Кун-ҫулӗ

1971 ҫулта Хусанти В. И. Ульянов-Ленин ячӗллӗ патшалӑх университечӗн историпе филологи факультетне «Историк» специальноҫпа вӗренсе пӗтернӗ, ҫавӑнтах 1971–1974 ҫулсенче вӗрентнӗ.

1974 ҫулта унтах «Большевиксен партийӗн Октябрьти социализмлӑ Аслӑ революцине хатӗрленсе туса хунӑ тапхӑрта рабочи класпа хресченсен союзӗшӗн кӗрешесси (1917 ҫултан пуҫласа 30-мӗш ҫулсен пӗрремӗш ҫурринчи совет историографийӗ)» темӑпа диссертаци хӳтӗлесе истори ӑслӑлӑхӗсен кандидачӗн ӑсчах степеньне илнӗ (специальноҫӗ 07.00.01 — Совет Союзӗнчи Коммунистсен партийӗн историйӗ)[1].

1974–1985 ҫулсенче — ВЛКСМ ТК-ра ертсе пыракан ӗҫре ӗҫленӗ. 1979–1980 ҫулсенче — ВЛКСМ ТК пичет органӗн — «Молодой коммунист» журналӑн — тӗп редакторӗн ҫумӗ.

1985–1987 ҫулсенче — А. М. Горький ячӗллӗ Литература институчӗн ректорӗ.

1988 ҫулта СССР ТК ҫумӗнчи обществӑлла наукӑсен академийӗнче «Преемственность поколений в условиях социализма: проблемы теории и практики» темӑпа диссертаци хӳтӗлесе философи ӑслӑлӑхӗсен докторӗ ӑсчах степеньне илме тивӗҫнӗ (специальноҫӗ 09.00.02 — наукӑллӑ коммунизм)[2].

1987–1990 ҫулсенче — СССР ТК культура пайӗн заведующийӗн ҫумӗ, 1990–1991 ҫулсенче — СССР ТК Тӗп секретарӗн референчӗ, СССР Президенчӗн пулӑшуҫи.

1992–1996 ҫулсенче — РФ Промышленность министерствин ӑслӑлӑхпа технологи енӗпе ӗҫлекен патшалӑх комитечӗн ӑслӑлӑхпа промышленность политикин тӗп ӑслӑлӑх сотрудникӗ, ҫавӑн пекех РФ Президенчӗ ҫумӗнчи Раҫҫей патшалӑх служба академийӗн (РАГС) профессорӗ пулса вӗрентӳ ӗҫне пурнӑҫланӑ.

1996—1998 ҫулсенче — Раҫҫей патшалӑх вулавӑшӗн директорӗ.

1998 ҫулхи авӑн уйӑхӗнчен пуҫласа 2000 ҫулхи нарӑс уйӑхӗччен — РФ культура министрӗ. 2000–2010 ҫулсенче РАГС президент-ректорӗ.

Хисепӗсем

  • Раҫҫей Федерацийӗн тава тивӗҫлӗ ӑслӑлӑх ӗҫченӗ (2004).
  • «Тӑван ҫӗршыв умӗнчи тава тивӗҫлӗ ӗҫсемшӗн» III (2020) тата IV (2007) степеньлӗ орденсене, «Хисеп паллине», «Халӑхсен туслӑхӗ», «Ӗҫхалӑх Хӗрлӗ Ялавӗ» медальсене тивӗҫнӗ.
  • «Целина 50 ҫулта» медаль (Казахстан, 2004, раштав, 18)[3]

Ӑслӑлӑх ӗҫӗсем

Кӗнекесем

  • История в нашей жизни. — Наука, 1990. — 192 с. — 20 000 экз. — ISBN 5-02-008584-7.
  • Ҫӑлтӑр шупкаланать. СССР историйӗ (1917—1991 ҫҫ.) М., 1991.
  • Интеллигенципе влаҫ. М., 1993 (в соавт.)
  • Вырӑс культурин философийӗ. — М.: Изд-во РАГС, 2006. — 550 с. ISBN 5-7729-0212-1
  • Философия культуры России: контуры и проблемы / В. К. Егоров; Рос. акад. гос. службы при Президенте Рос. Федераци. — М.: Изд-во РАГС, 2002. — 655 с. ISBN 5-7729-0095-1

Ӑнлантарусем

  1. ^ Егоров, Владимир Константинович. Борьба большевистской партии за союз рабочего класса и крестьянства в период подготовки и свершения Великой Октябрьской социалистической революции (советская историография 1917 — первой половины 30-х гг.): Автореферат дис. на соискание ученой степени кандидата исторических наук. (07.00.01) / Казан. гос. ун-т им. В. И. Ульянова-Ленина. — Казань : [б. и.], 1974. — 21 с.
  2. ^ Егоров, Владимир Константинович. Преемственность поколений в условиях социализма: проблемы теории и практики : автореферат дис. ... доктора философских наук: 09.00.02 / Акад. обществ. наук при ЦК КПСС. — Москва, 1988. — 56 с.
  3. ^ В Посольстве Казахстана в России состоялось вручение юбилейных медалей «50 лет Целине». Пӑхнӑ кун: 2020 ҫулхи ҫурлан 13-мӗшӗ. Архивланӑ 2013 ҫулхи утӑн 6-мӗшӗ.

Каҫӑсем

Темӑпа ҫыхӑннисем

Категорисем