Илюхин Юрий Александрович

1940 çулта музыка училищине сĕрме купăс класне вĕренме кĕрет. Вӑрҫӑ тухсан вăхăтлăха Ишеке таврăнать, клуб заведующийĕ пулать, библиотекăра ĕçлет.

1943 çулта ăна Хĕрлĕ Çара илнĕ. Курск пĕккинче пĕрремĕш çапăçăва кĕрет. 1946 çулхи кăрлач уйăхĕнче çартан таврăнсан, музыка училищинче малалла вĕренме пуçлать, Чăваш патшалăх симфони оркестрĕнче ĕçлет.

Вĕренсе тухсан юрă-кĕвĕ ӳнерлĕх ыйтăвĕсемпе статьясем çырать. Пĕрремĕш статйи "Чăваш коммуни" хаçатра 1950 çулхи апрелĕн 5-мĕшĕнче пичетленсе тухать.

1955 çулта Хусанти консерваторирен вĕренсе тухать.

• "Чăваш музыка культури" ярăмпа " Чăваш халăх музыки" (1961ç.);
• "Композиторы Советской Чувашии"(1978, 1982 çулсем);
• " Григорий Хирбю" монографи (1985 ç.);

Ф. Павлов пултарулăх ĕçĕсен икĕ томне хатĕрлет, 20 ытла ăслăлăх статйи çырса кăларать.

• Чăваш Республикин искусствăсен тава тивĕçлĕ ĕсченĕ (1967),
• Раҫҫей Федерацийӗн культурăн тава тивĕçлĕ ĕçченĕ (1976).