Королёва Лидия Георгиевна
Лидия Георгиевна Королёва (1917 ҫулхи нарӑсӑн 21-мӗшӗ, Мускав — 1999 ҫулхи юпан 18-мӗшӗ, Мускав) — совет саманин тата Раҫҫейӗн театрпа кино актриси.
Пурнӑҫӗ
1917 ҫулхи нарӑсӑн 21-мӗшӗнче Мускавра Королёв Георгий Гавриловичпа Королёва Ксения Георгиевнан ҫемйинче ҫуралнӑ, ҫавӑн пекех унӑн Королёва Серафима Георгиевна хӗр тӑванӗ тата Королёв Геннадий Георгиевич арҫын тӑванӗ пулнӑ.
1936—1937 ҫулсенче МГУ-н математика факультетӗнче вӗреннӗ. 1938 ҫулта ВГИКӑн режиссёрсен факультетне вӗренме кӗнӗ, Эйзенштейнӑн юратнӑ вӗренекенӗсенчен пӗри пулса тӑнӑ, анчах та 1942 ҫулта ӑна актёрсен факультетне Б. Бибиков тата О. Пыжова преподавательсем патне куҫарнӑ. ВГИКа 1944 ҫулта вӗренсе пӗтернӗ. 1946 ҫулта ҫӗнӗрен йӗркеленнӗ Киноактёрӑн театр-студийӗн труппине кӗнӗ, унӑн штатӗнче 1989 ҫулччен ӗҫленӗ. Ҫав вӑхӑтрах литературӑпа театр пародийӗн «Кӑвак кайӑк» («Синяя птичка») ансамблӗнче (актриса тата репризӑсем ҫыраканӗ пек, 1947—1950), Потсдамри совет ҫарӗсен ушкӑнӗн драма театрӗнче (1951—1954), М. Горький ячӗллӗ киностудире (1959—1989) ӗҫленӗ.
Кинора пӗрремӗш хут 1943 ҫулта ӳкерӗннӗ тата ытларах эпизодсенчи рольсене вылянӑ. Юмахсем лартакан Александр Роупа уйрӑмах тачӑ ҫыхӑнса ӗҫленӗ. Сасси хулӑн та кӑшт кӑрӑкрах пулнӑран мультипликаци киновӗнче питӗ кирлӗ пулнӑ, тӗпрен илсен «Союзмультфильм» тата «Экран» студисен фильмӗсенчи чӗрчунсен ролӗсене сасӑ кӗртнӗ. Ӑна ӑслӑлӑхпа популярлӑ фильмсен студине час-часах чӗннӗ, «Фитильсенче» тата «Ералашра» ӳкерӗннӗ, эстрадӑра хӑй ҫырнӑ текстсемпе ӑнӑҫлӑ тухса калаҫнӑ.
1999 ҫулхи юпан 18-мӗшӗнче Мускавра вилнӗ. Калитники масарӗнче пытарнӑ[2].
Фильмографи
- 1943 — Юный Фриц — ҫураҫнӑ хӗр
- 1956 — Убийство на улице Данте — ҫураҫнӑ хӗр
- 1956 — Полюшко-поле — Настя акка
- 1956 — Пролог — проститутка
- 1957 — Девушка без адреса — Екатерина Иванова, коммуналка хваттерӗнче пурӑнакан
- 1957 — Тайны мудрого рыболова — Ольга Сергеевна, тухтӑр, пулӑҫ-любитель
- 1957 — Они встретились в пути — кондуктор (титрсенче — Е. Королева)
- 1958 — Трудное счастье — Настасья (титрсенче ҫук)
- 1958 — Иван Бровкин на целине — целинӑри сутуҫӑ (титрсенче ҫук)
- 1958 — Человек с планеты Земля
- 1959 — Муму — приживалка
- 1961 — Вечера на хуторе близ Диканьки — фиолет тӗслӗ сӑмсаллӑ элекҫӗ
- 1961 — Две жизни
- 1961 — Евдокия — общежити администраторӗ
- 1961 — Своя голова на плечах — Зина акка
- 1962 — Без страха и упрёка
- 1962 — Капитаны голубой лагуны — эпизод
- 1963 — Большие и маленькие — шкул пухӑвӗнчи аннесенчен пӗри
- 1963 — Королевство кривых зеркал — карла хӗрарӑмӗ (шотлавпа)
- 1963 — Если ты прав… — секретарь
- 1963 — Ты не один
- 1960 — Секретарь обкома — Вера Ивановна, обком коридорӗнче (титрсенче ҫук)
- 1964 — Всё для вас — клиент хӗрарӑм
- 1964 — Криницы
- 1965 — Мимо окон идут поезда — Богун амӑшӗ
- 1965 — Фантазёры — автолюбительница
- 1965 — Сердце матери — урядник арӑмӗ
- 1965 — О чём молчала тайга — суту-илӳҫӗ хӗрарӑм
- 1966 — Серая болезнь — рабочи арӑмӗ
- 1966 — Чёрт с портфелем — амӑшӗ
- 1967 — Фокусник — ача площадки çинчи хĕрарăм
- 1968 — Огонь, вода и… медные трубы — Патша хӗрарӑмӗ
- 1969 — Варвара-краса, длинная коса — дьяк арӑмӗ Прасковья
- 1970 — Свистать всех наверх! — эпизод
- 1971 — Достояние республики — кӗпе-тум сӑвакан
- 1972 — Чудак из пятого «Б» — вахтёрша
- 1973 — Мачеха
- 1973 — Ни слова о футболе
- 1974 — Птицы над городом — киоскёр
- 1975 — В ожидании чуда — тӗлӗкле тутала тӑхӑннӑ ватӑ хӗрарӑм
- 1976 — Пока бьют часы — карла хӗрарӑмӗ
- 1977 — «Посейдон» спешит на помощь — Катя
- 1977 — Свидетельство о бедности — Нина Павловна
- 1979 — Забудьте слово «смерть» — шинкарка Мотря
- 1979 — Казаки-разбойники — Нюра кинеми
- 1980 — История одного подзатыльника — Козловсен кӳршӗшӗ
- 1981 — Цыганское счастье
- 1981 — Карнавал — ломбарда килекен хӗрарӑм
- 1986 — Мой нежно любимый детектив — тӗтрери хӗрарӑм
- 1987 — Кувырок через голову — кӑвакаллӑ хӗрарӑм
- 1987 — Байка — пӗр ялти хӗрарӑм
- 1990 — Комитет Аркадия Фомича
- 1991 — Пять похищенных монахов — Волк асаннӗшӗ
Ӑнлантарусем
- ^ 1, 2 Internet Movie Database (англ.) — 1990.
- ^ Могила Л. Г. Королёвой. Пӑхнӑ кун: 2017 ҫулхи акан 14-мӗшӗ. Архивланӑ 2017 ҫулхи ҫурлан 25-мӗшӗ.
Каҫӑсем
- Королёва Лидия Георгиевна(акăлч.) Internet Movie Database сайтĕнче