Мельник Владимир Максимович
Мельник Владимир Максимович (ҫур. 1960 ҫулхи кӑрлачӑн 2-мӗшӗ, Стаханов[d]) — совет саманинчи боксёр, бокспа СССР чемпионӗ тата призёрӗ, Европа чемпионӗ (1983), СССР спорт мастерӗ (1980) тата СССР тӗнче класлӑ спорт мастерӗ (1982). Польша чемпионӗ (1988, 1989). «Динамо» (Шупашкар) клубшӑн ӑмӑртнӑ.
Пурнӑҫӗпе ӗҫӗ-хӗлӗ
1960 ҫулхи кӑрлач уйӑхӗн 2-мӗшӗнче Украина ССРӗн Луганск облаҫӗнчи Стаханов хулинче (халӗ Раҫҫей Федерацийӗн Луганск Халӑх Республикине кӗрет) ҫуралнӑ[1].
1983 ҫулта Ленинградри физкультура ҫар институтне(выр.)чăв., 1984 ҫулта Чӑваш патшалӑх ялхуҫалӑх институтне, 2000 ҫулта Шупашкарти халӑх хуҫалӑхӗ валли управлени кадрӗсем хатӗрлемелли Президент программин курсне вӗренсе пӗтернӗ[1].
Бокспа Стаханов хулинче «Шахтёр» клубра Дмитрий Иванович Мишустин тренер патӗнче туслашнӑ. Шкул хыҫҫӑн Харьковра Геннадий Николаевич Герасимов тренерпа паллашнӑ, ун патӗнче хатӗрленме пуҫланӑ. 1980 ҫулта тренерпа пӗрле Шупашкара куҫса килнӗ. «Динамо»(выр.)чăв. (Шупашкар) клубшӑн ӑмӑртнӑ[2].
1983 ҫулта Европа чемпионатне выляса илнӗ хыҫҫӑн Чӑваш АССРӗн тава тивӗҫлӗ физкультурӑпа спорт ӗҫченӗ ятне панӑ. Ҫар ҫынни, капитан.
1990 ҫулта Шупашкарта «Мединтер-спорт» профессионал боксёрсен клубне йӗркеленӗ, унӑн президенчӗ тата коммерци директорӗ пулнӑ, профессионалсен матчӗсене йӗркелессипе ӗҫленӗ[2].
2000 ҫулта Чӑваш Республикин Бокс федерацийӗн вице-президенчӗ пулса тӑнӑ. 2005 ҫултан — Шупашкар Бокс федерацийӗн президенчӗ. 2010 ҫултанпа — Чӑваш Республикин Бокс федерацийӗн тренерсен канашӗн председателӗ тата тӗп тренерӗ[1].
2009—2011 ҫулсенче А. Игнатьев ячӗллӗ Чӑваш Республикин пӗрлештернӗ командисене хатӗрлекен центрӗнче бокс енӗпе тӗп тренер пулса вӑй хунӑ[2].
Спортри ҫитӗнӗвӗсем
- 1979 ҫул — РСФСР халӑхӗсен ҫуллахи Спартакиадин призёрӗ;
- 1981 ҫул — Филиппинсенчи пӗтӗм тӗнчери турнир (Маркос президентӑн Кубокӗ) — 1-мӗш вырӑн (пӗтӗм тӗнчери турнира пуҫласа хутшӑннӑ);
- 1982 ҫул — СССР чемпионӗ(выр.)чăв. (75 кг виҫере);
- 1983 ҫул — Европа чемпионӗ(выр.)чăв. (75 кг виҫере);
- 1983 ҫул — СССР чемпионӗ (75 кг виҫере);
- 1983 ҫул — СССР халӑхӗсен ҫуллахи Спартакиадин чемпионӗ(выр.)чăв.;
- 1986 ҫул — СССР чемпионачӗн призёрӗ(выр.)чăв.;
- 1988, 1989 ҫулсем — Польша чемпионӗ (ҫар хӗсмечӗ вӑхӑтӗнче Дембице хулинчи «Игоополь» спортклубшӑн ӑмӑртнӑ);
- 1989 ҫул — СССР Кубокӗн призёрӗ[2].
Ҫавӑн пекех Чӑваш АССРӗн, СССР Хӗҫпӑшаллӑ Вӑйӗсен темиҫе хут чемпионӗ, пӗтӗм тӗнчери, Совет Союзӗнчи, Раҫҫейри ӑмӑртусен ҫӗнтерӳҫи.
Хисепӗсем
- Чӑваш АССР Аслӑ Канашӗн Президиумен Хисеп хучӗ (1982);
- Чӑваш АССР тава тивӗҫлӗ физкультурӑпа спорт ӗҫченӗ (1983);
- «Ҫар хӗсметӗнче палӑрнӑшӑн» медалӗн II степенӗ (1983)[1].
Ӑнлантарусем
- ^ 1, 2, 3, 4 Мельник Владимир Максимович, заместитель председателя (выр.). Официальный сайт ОО «Федерация бокса Чувашской Республики». ОО «Федерация бокса Чувашской Республики». Пӑхнӑ кун: 2025 ҫулхи ҫурлан 14-мӗшӗ.
- ^ 1, 2, 3, 4 Несокрушимый (выр.). Библиотека Президента Чувашской Республики (29 чӳкӗн 2010). Пӑхнӑ кун: 2025 ҫулхи ҫурлан 14-мӗшӗ.
Вуламалли
- Владимир Максимович Мельник: 1960. Они встретились в Харькове // Спортсмены. — Чебоксары, 2005. — С. 115-122;
- Скородумов, Н. Г. Мельник Владимир Максимович / Н. Г. Скородумов // Чувашская спортивная энциклопедия / Н. Г. Скородумов. — Чебоксары, 2007. — С. 78;
- Скородумов, Н. Г. Мельник Владимир Максимович / Н. Г. Скородумов // Чувашская энциклопедия. — Чебоксары, 2009. — Т. 3 : М-Се. — С. 77-78.
Каҫӑсем
- Чӑваш энциклопедийӗ: Мельник В. М.
- Наследие Чувашии: Мельник В. М.
- Мельник Владимир Максимович
- Несокрушимый
- Мельник В. М.
- Мельник Владимир Максимович. infosport.ru. Пӑхнӑ кун: 2017 ҫулхи утӑн 11-мӗшӗ.
- Мельник Владимир Максимович. rusboxing.ru. Пӑхнӑ кун: 2017 ҫулхи утӑн 11-мӗшӗ.