Миньков Виктор Алексеевич
Минько́в Ви́ктор Алексе́евич (1922 ҫулхи ҫурлан 17-мӗшӗ, Ҫӗмӗрле — 1998 ҫулхи авӑнӑн 23-мӗшӗ, Мускав) — космос предприятийӗсенче ӗҫленӗ совет ӗҫченӗ. Вӑл Ҫӗнтерӳ парадне хутшӑннӑ.
Пурнӑҫӗ
Виктор Миньков 1922 ҫулхи ҫурлан 17-мӗшӗнче Чӑваш Енри Ҫӗмӗрле хулинче ҫуралнӑ. 1929 ҫулта ашшӗ-амӑшӗпе пӗрле Чулхула облаҫӗнчи Саконы ялне куҫса кайнӑ. Унта вӑл вӑтам шкултан вӗренсе тухнӑ[1].
1941 ҫулхи ҫу уйӑхӗнче Хӗрлӗ Ҫар хӗсметне кайнӑ. Вӑрҫӑ пуҫлансан вӑл полкри сапёрсен шкулӗнче курсант пулнӑ. Пӗрремӗш хут вӑрҫӑна 1941 ҫулхи утӑ уйӑхӗнче Смоленск хули патӗнче курнӑ. Пехота училищин хӑвӑрт вӗренмелли курсне пӗтернӗ. Вӑрҫӑ вӑхӑтӗнче разведка взвочӗн командирӗ пулнӑ. Вӑрҫӑран гварди лейтенанчӗ званипе таврӑннӑ.
1945 ҫулхи ҫӗртме уйӑхӗнче Мускаври Хӗрлӗ лапамра иртнӗ Ҫӗнтерӳ парадне хутшӑннӑ[1].
Хӗсметрен таврӑнсан Мускавра пурӑннӑ. Унта вӑл космос техникине тӑвакан хупӑ предприятисенче ӗҫленӗ. 1998 ҫулхи авӑнӑн 23-мӗшӗнче вилнӗ. Мускавра пытарнӑ[1].
Наградӑсем
Ҫак орденсемпе медальсемпе чысланӑ[1][2]:
- Икӗ Хӗрлӗ Ҫӑлтӑр орденӗ;
- I степеньлӗ Тӑван ҫӗршыв вӑрҫин орденӗ;
- II степеньлӗ Тӑван ҫӗршыв вӑрҫин орденӗ;
- «Тӑван ҫӗршыв 1941—1945 ҫҫ. вӑрҫинче Германине ҫӗнтернӗшӗн» медаль;
- «Кенигсберга илнӗшӗн» медаль.
Ӑнлантарусем
- ^ 1, 2, 3, 4 Н. Воскресенская. Знаменитые люди Ардатовского края. Нижегородский край. Пӑхнӑ кун: 2026 ҫулхи ҫӑвӑн 7-мӗшӗ. — биография Минькова В. А.
- ^ Миньков Виктор Алексеевич, 17.08.1922 г.р. Память народа. Министерство обороны РФ. Пӑхнӑ кун: 2026 ҫулхи ҫӑвӑн 7-мӗшӗ.