Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Михайлов Андрей Иванович

Тӗрӗслесе тухнӑ статья
Disambig gray.svg Михайлов хушаматлă урăх çынсем çинчен РУВИКИ-ре статьясем пур.
Disambig gray.svg Михайлов Андрей хушаматлă урăх çынсем çинчен РУВИКИ-ре статьясем пур.

Михайлов Андрей Иванович (1930 ҫулхи нарӑсӑн 16-мӗшӗ, Хачӑк, Шупашкар районӗ — 2022 ҫулхи кӑрлачӑн 22-мӗшӗ, Шупашкар[1]) — журналист, парти ӗҫченӗ[2]. 1947 ҫултанпа ВЛКСМ пайташӗ[3][4].

Пурнӑҫӗпе ӗҫӗ-хӗлӗ

1948 ҫулта Ишлейри вӑтам шкулта пӗлӳ илнӗ. Кайран Чӑваш патшалӑх педагогика институтӗнче, Горький хулинчи аслӑ парти шкулӗнче (1959) вӗреннӗ[4].

1948 ҫулта «Знамя коммунизма» колхозра ӗҫлеме пуҫланӑ. 1948–1952 ҫулсенче Ишлейри ВЛКСМ райкомӗн пай заведующийӗ пулнӑ. 1952 ҫултанпа Ишлейри ВЛКСМ райкомӗн пӗрремӗш секретарӗ, Ҫӗрпӳ районӗн «Путь Октября» хаҫатӑн, Шупашкар районӗн «Ленин ҫулӗпе» хаҫатсен редактор ҫумӗ. 1970–1972 ҫулсенче «Ленинец» Шупашкар район хаҫачӗн редакторӗ[3].

1972–1991 ҫулсенче КПСС Чӑваш обкомӗн пичет, телекурав тата радиохыпарлав секторӗн заведующийӗ пулнӑ, Чӑваш АССР Министрсен Канашӗн пичетре патшалӑх вӑрттӑнлӑхне упракан управлени начальникӗн вырӑнне йышӑннӑ[3].

1992–2004 ҫулсенче Чӑваш Республикин Журналистсен пӗрлӗх правленийӗн консультанчӗ, яваплӑ секретарӗ пулнӑ[4].

Пурнӑҫран 2022 ҫулхи кӑрлачӑн 22-мӗшӗнче уйрӑлнӑ[1].

Пултарулӑхӗ

Андрей Иванович 2010 ҫулта «Воевали на фронтах» кӗнеке хатӗрлесе пичетлесе кӑтарнӑ. Ҫаван пекех вӑл 2005 ҫулта тухнӑ «Журналисты Чувашии» кӗнекен авторӗсенчен пӗри[4].

Вӑл ҫавӑн пекех «Энциклопедии чувашской журналистики и печати» («Чӑваш журналистикипе пичетӗн энциклопедийӗ») кӗнекене хатӗрлеме хутшӑннӑ, Тӑван Ҫӗршывӑн Аслӑ вӑрҫине хутшӑннӑ ҫынсем пирки республикӑра тухнӑ «Астӑвӑм кӗнеки» валли статьясем ҫырса хатӗрленӗ, «Ял пурнӑҫӗ», «Советская Чувашия», «Коммунизм ялавӗ», «Хыпар», «Хресчен сасси», «Молодой коммунист» хаҫатсенче статьясем пичетленӗ[5].

Хисепӗсем

Вӑл ҫакӑн пек хисепсене тивӗҫнӗ[3]:

  • Чӑваш АССРӗн тава тивӗҫлӗ культура ӗҫченӗ (1981);
  • «Пичет отличникӗ» паллӑ;
  • «Раҫҫей пресси 300 ҫулта» паллӑ;
  • «Пӗтӗм Раҫҫейри ветерансен организацийӗ» хисеплӗ паллӑ;
  • «Ӗҫри хастарлӑхшӑн» медаль (1981)[5];
  • «Ӗҫ ветеранӗ» медаль (1990)[5];
  • тепӗр виҫӗ медаль;
  • Раҫҫей журналистсен пӗрлӗхӗн преми лауриачӗ (2003);
  • Ҫемен Элкер ячӗллӗ Журналистсен республика премийӗн лауриачӗ (2002);
  • «Парти мӑнаҫлӑхӗ» КПСС Тӗп комитечӗн орденӗ (2010);
  • Чӑваш Республикин Патшалӑх Канашӗн Хисеп хучӗ (2015; 85 ҫул тултарнӑ тӗле)[6].

Ӑнлантарусем

  1. ^ 1, 2 https://наследиечувашии.рф/russian/михайлов-андрей-иванович-журналист-16-02-1/
  2. ^ https://ecokygesi.ru/images/diski/2kalendar2018/pages/pi_mixaulov.html
  3. ^ 1, 2, 3, 4 Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 268. — 505 с.
  4. ^ 1, 2, 3 https://землякичувашии.рф/heroes/mihaylov-andrey-ivanovich
  5. ^ https://journ.chuvsu.ru/index.php/novosti/novosti/item/4636-veteranu-pechati-a-i-mikhajlovu-85-let

Вуламалли

  • Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 268. — 505 с.
  • Чувашская энциклопедия : [в 4 т.] / Чуваш. гос. ин-т гуманитар. наук ; [редкол.: В. С. Григорьев (гл. ред.) и др.]. – Чебоксары : Чувашское книжное издательство, 2006. – Т.3 : М – Се / [ред. В. А. Прохорова, Р. К. Игнатьева ; рис. З. И. Черновой]. – 2009. – 683 с. : ил., портр.
  • Журналисты Чувашии : [сб. ст. и очерков] / [сост. В. П. Комиссаров, А. И. Михайлов] ; сост.: В. П. Комиссаров, А. И. Михайлов. – Юбил. изд. – Чебоксары : Чувашское книжное издательство, 2006. – 207 с. : портр., вкл. л. + [16] л. цв. фот.
  • Годы наши молодые : Комсомол Чебоксарского района Чувашии / Чуваш. народ. акад., Совет ветеранов войны и труда Чебоксарского района ; [авт.-сост. В. Ф. Виноградов]. – Чебоксары : Новое Время, 2010. – 245, [3] с., [18] л. ил. : фот., портр.
  • Энциклопедия чувашской журналистики и печати : энциклопедия / сост.: В. И. Зырянов, В. П. Комиссаров, Н. А. Осипова. – Чебоксары : Союз журналистов Чувашской Республики, 2014. – 559 с. : фото, ил.

Каҫӑсем

Категорисем