Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Моисеев Фёдор Петрович

Моисеев Фёдор Петрович (1939 ҫулхи чӳкӗн 10-мӗшӗ, Патӑрьел, Патăрьел районĕ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР — 1986 ҫулхи юпан 6-мӗшӗ, Патӑрьел, Патăрьел районĕ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР) — производство ертӳҫи, кире спорчӗ енӗпе РСФСР спорт мастерӗ, Чӑваш АССРӗн 9 хутчен чемпионӗ[1].

Пурнӑҫӗпе ӗҫӗ-хӗлӗ

1939 ҫулхи чӳк уйӑхӗн 10-мӗшӗнче Чӑваш АССРӗнчи Патӑрьел районӗнчи Патӑрьел ялӗнче ҫуралнӑ.

Ҫамрӑклах «Путь Ленина» колхозра колхозник пулса вӑй хунӑ. Совет Ҫарӗнче хӗсметре тӑнӑ хыҫҫӑн районти ҫыхӑну узелӗнче ӗҫлеме тытӑннӑ: моторист, электромонтер, линипе техника участокӗн начальникӗ. 1976—1981 ҫулсенче Пӗтӗм Союзри пушар хуралӗн ирӗклӗ обществин пуҫлӑхӗ, 1981—1986 ҫулсенче — районти апат-ҫимӗҫ комбиначӗн директорӗ.

Патӑрьел районӗнче кире спортне йӗркелекенсенчен тата никӗслекенсенчен пӗри. Районӑн пӗрлештернӗ командин капитанӗ 15 ҫул хушши пулнӑ.

1986 ҫулхи юпа уйӑхӗн 6-мӗшӗнче ӗмӗрлӗхех куҫне хупнӑ, Патӑрьел ялӗнче пытарнӑ[1].

Ҫемье

Виҫӗ ывӑл ҫитӗнтернӗ, вӗсем пурте спортпа туслӑ ҫитӗннӗ:

  • Юрий Фёдорович — ирӗклӗ кӗрешӳ енӗпе СССР спорт мастерӗ, тутар-пушкӑрт кӗрешӗвӗпе РСФСР спорт мастерӗ, Патӑрьел ял тӑрӑхӗн пуҫлӑхӗ, Чӑваш Республикин Патшалӑх Канашӗн икӗ суйлаври депутачӗ, Сӗнтӗрвӑрри район администрацийӗн пуҫлӑхӗ пулнӑ;
  • Анатолий Фёдорович — ирӗклӗ кӗрешӳ енӗпе 1-мӗш разрядлӑ спортсмен, Патӑрьел ял тӑрӑхӗн пуҫлӑхӗ пулнӑ;
  • Андрей Фёдорович — ирӗклӗ кӗрешӳ енӗпе 1-мӗш разрядлӑ спортсмен, футболла выляссипе Чӑваш Республикин ветерансен чемпионачӗн чи нумай гола кӗртекенӗ;
  • мӑнукӗ — Юрий Андреевич — ҫар ҫынни, капитан, танкист, ятарлӑ ҫар операцине пӗрремӗш кунранах хутшӑнать.

Спортри ҫитӗнӗвӗсем

  • Кире спорчӗпе йывӑр виҫе категорийӗнче Чӑваш АССР тӑхӑр хутчен чемпионӗ;
  • кире спорчӗ енӗпе республика тата Пӗтӗм Раҫҫейри турнирсен вунӑ хут призерӗ;
  • 20 ҫул хушши районти Акатуй—Сабантуй уявӗнче кире пуканӗ йӑтассипе ҫӗнтерӳҫӗ[1].

Астӑвӑм

  • Ывӑлӗсем Патӑрьел ялӗнче виҫӗ ҫулта пӗрре Ф. П. Моисеева асӑнса кире пукан спорчӗпе ӑмӑрту йӗркелеҫҫӗ[2].

Вуламалли

Моисеев Юрий Фёдорович. [ред. Николаев В. Д.] // Батырево и батыревцы, 2022. — С. 141—144. — 284 с. — УДК 908(470.344) — ББК 26.89(2Рос.Чув) — М 74.

Спортивная энциклопедия Батыревского района Чувашской Респуюблики. — Чебоксары. — 2019. — 92 с.

Ӑнлантарусем

  1. ^ 1, 2, 3 Батыревская энциклопедия. Том 1 : Моисеев Федор Петрович (выр.). Энциклопедии. Национальная библиотека Чувашской Республики. Пӑхнӑ кун: 2026 ҫулхи кӑрлачӑн 27-мӗшӗ.
  2. ^ Республиканский турнир по гиревому спорту, посвященный памяти многократного чемпиона и рекордсмена Чувашии Ф.П. Моисеева (выр.). Официальный портал органов власти Чувашской Республики. Батыревский муниципальный округ (11 чӳкӗн 2023). Пӑхнӑ кун: 2026 ҫулхи кӑрлачӑн 27-мӗшӗ.

Каҫӑсем

Категорисем