Мокин Александр Иванович
Мокин Александр Иванович (ҫур. 1948 ҫулхи кӑрлачӑн 2-мӗшӗ, Хачӑк, Чăваш Автономиллĕ Социализмлă Совет Республики) — корреспондент, Раҫҫей журналисчӗсен пӗрлӗхӗн членӗ (1970)[1].
Пурнӑҫӗ
1965 ҫулта Ишлей вӑтам шкулӗнчен вӗренсе тухнӑ[2].
1967–1969 ҫулсенче Совет Ҫарӗнче хӗсметре пулнӑ[2].
Шкултан вӗренсе тухнӑ хыҫҫӑн ҫара кайиччен, 1965–1967 ҫулсенче, «Ленинец» хаҫатӑн корреспонденчӗ пулса ӗҫленӗ. Ҫартан таврӑнсан «Пионер сасси» хаҫатӑн корреспонденчӗ, пай заведующийӗ пулнӑ. Ҫавӑн пекех «Молодой коммунист» хаҫатра тӑрӑшнӑ. 1994–1995 ҫулсенче «Сувар» хаҫатӑн тӗп редакторӗн ҫумӗ пулнӑ[1].
1977–1985 ҫулсенче Чӑваш Республикин шалти ӗҫсен органӗсенче ӗҫленӗ[1].
Ҫемье
Мӑшӑрӗ — Мокина (Артемьева) Нина Николаевна. Вӗсем икӗ ача — ывӑлпа хӗр — ҫуратса ҫитӗнтернӗ.
Ӗҫӗсем
Вӑл «Салтак ҫулӗ» кӗнеке авторӗ. Александр Иванович ҫавӑн пекех «В память о хороших людях» кӗнекен авторӗсенчен пӗри[2].
Хисепӗсем
Ӑна ҫак хисепсемпе чысланӑ[1]:
- Чӑваш Республикин Журналистсен пӗрлӗхӗн Хисеп хучӗсем (2000, 2005, 2008);
- ВЛКСМ Чӑваш облкомӗн Хисеп хучӗсем (1970, 1972);
- ВЛКСМ Тӗп комитечӗн Хисеп хучӗ (1980);
- РОСТО Хисеп хучӗ;
- «Хыпар» хаҫатӑн Хисеп хучӗ (1980);
- Чӑваш Республикин ШӖМӗн дипломӗсем (2002, 2003).
Ӑнлантарусем
Вуламалли
- Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 274. — 505 с.