Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Мустаев Олег Николаевич

Мустаев Олег Николаевич (1965 ҫулхи раштавӑн 4-мӗшӗ, Çĕнĕ Эйпеç, Чăваш Автономиллĕ Социализмлă Совет Республики — 2022 ҫулхи пушӑн 14-мӗшӗ, Чĕмпĕр) — тележурналист (1989 çултанпа), радиожурналист, Чăваш наци конгресӗн вице-президенчĕ (2017—2022), «Еткер» фондăн никӗслевҫисенчен пӗри тата президенчĕ (1992 çултанпа). Чăваш Республикин тава тивĕçлӗ культура ĕçченӗ. Чӗмпӗр облаçӗнчи «Волга» ГТРКн наци программисен тĕп редакторĕ (1989 çултанпа), «Наш век» телерадиокомпанин Чĕмпĕрти наци программисен тӗп редакторĕ (2007 çултанпа). Чĕмпĕрти Чăваш наци-культура автономийĕн ертÿçи (2016—2022 çулсенче).

Пурнăçĕпе ӗҫӗ-хӗлӗ

1965 çулхи раштавӑн 4-мӗшӗнче Чӑваш АССРӗн Елчӗк районӗнчи Ҫӗнӗ Эйпеҫ ялӗнче ҫуралса ӳснӗ. Лаш Таяпа вӑтам шкулӗнчен вӗренсе тухнӑ. И. Н. Ульянов ячӗллӗ Чăваш патшалӑх университетне вӗренсе пӗтернĕ. 1984—1986 ҫулсенче Совет ҫарӗнче хӗсметре Германире пулнӑ. 1989 ҫултанпа Чӗмпӗрте «Волга» патшалӑх телерадиокомпанийӗн наци программисен тĕп редакторĕ пулса ĕçлеме пуçланă[1].

Чӗмпӗр облаҫӗн телевиденипе радиовещани комитечӗн (1989—2006) чӑваш программисен йӗркелӳҫи тата тӗп редакторӗ. 2007—2022 ҫӳлсенче — «Новый век» телерадиокомпанин наци телепрограммисен тӗп редакторӗ.

1992 ҫултан — Чӗмпӗр облаҫӗнчи чӑвашсен «Еткер» ыр кӑмӑллӑх фончӗн президенчӗ, 2016 ҫултан — Ульяновск облаҫӗнчи чӑвашсен наципе культура автономийӗн председателӗ, мӗн виличчен ҫак тивӗҫсене пурнӑҫланӑ.

Чӗмпӗр облаҫӗнчи Халӑх обществӑлла фрончӗн ҫумпредседателӗ, унтан регионти штабӗн пайташӗ пулнӑ.

Курӑмлӑ ӗҫӗсем

  • 2016 ҫулта О. Мустаев ертсе пынипе Чӗмпӗр хулинчи «Наци ялӗ» культура комплексӗнче «Чӑваш килӗ» туса лартнӑ;
  • Чӑваш Республикинчи Елчӗк районӗнчи Кивӗ Эйпеҫ ялӗнче И. Я. Яковлевӑн вӗренекенӗн А. Рекеевӑн палӑкне лартнӑ;
  • 2018 ҫулта Чӗмпӗр облаҫӗнчи Чӑнлӑ районӗнчи Каша ялӗнче В. Сатай чӑваш ҫыравҫин бюстне вырнаҫтарнӑ;
  • 2019 ҫулта Чӗмпӗр облаҫӗнчи Ҫинкӗл районӗнчи Ялавӑр ялӗнче СССР тата Чӑваш халӑх артисчӗн А. Ургалкинӑн пӗрремӗш палӑкне уҫнӑ;
  • 2020 ҫулта Чӗмпӗр облаҫӗнчи Чӑнлӑ районӗнчи Аслӑ Нагаткин ялӗнче Авраам Болгарский чӑвашран тухнӑ пӗрремӗш ҫветтуй ячӗллӗ часавай уҫнӑ;
  • Чӗмпӗрте И. Н. Ульянов ячӗллӗ Чăваш патшалăх университечӗн консультаци пунктне уçассине пуçарса янӑ;
  • Чӗмпӗрте чăваш чиркӗвне уçассине пуçаракансенчен пӗри пулнӑ[1].

Хисепӗсем

Вилĕм

Чӗмпӗр облаҫӗнчи чӑваш автономийӗн пуҫлӑхӗн Олег Мустаевӑн чӗри 2022 ҫулхи пуш уйӑхӗн 14-мӗшӗнче тапма пӑрахнӑ[2]. Вӑл мӑшӑрӗн Еленӑн куҫӗ умӗнчех вилнӗ.

Кӑнтӑрла иртни 1 сехетсенче аттепе анне килтеччӗ. Атте ӑнсӑртран тӑнне ҫухатрӗ. Анне васкавлӑ медпулӑшу чӗнчӗ, ӑна хӑй искусствӗннӑй май сывлаттарма тытӑнчӗ. Тухтӑрсем 10 минутран ҫитрӗҫ, анчах аттене ҫӑлса хӑвараймарӗҫ.Олег Мустаевӑн хӗрӗ Силиса

Кăсăклă фактсем

  • Мустаев Олег хуткупӑс калама ӑста пулнă[3];
  • ҫӑмӑл атлетика енӗпе СССР спорт мастерӗн кандидачӗ пулнӑ;
  • марафон чупса РСФСР чемпионачӗн бронза призёрӗ;
  • аваллӑхпа, историпе кӑсӑкланнӑ, харпӑр ҫуртра пурӑннӑ май унта килти музей йӗркеленӗ;
  • Чӗмпӗр чӑвашӗсене авалхи Пӑлхар, Пӳлер хулисене тата ытти сӑваплӑ вырӑнсене ҫулҫӳреве илсе ҫӳрессине пуҫарса янӑ.

Астӑвӑм

  • Олег Мустаева тӑван ялӗнче — Елчӗк районӗнчи Ҫӗнӗ Эйпеҫ ялӗнче — пытарнӑ, вилтӑприйӗ ҫине палӑк вырнаҫтарнӑ.
  • Олег Мустаева асӑнса Елчӗк районӗнче регионсен хушшинчи хуткупӑсҫӑсен ӑмӑртӑвӗ иртет.
  • Тутарстан Республикинчи Пӑва ялӗнче Олег Мустаева асӑнса ҫулсерен сӗтелҫи теннис ӑмӑртӑвӗ ирттереҫҫӗ.

Ӑнлантарусем

  1. ^ 1, 2, 3 Ушёл из жизни Олег Мустаев - председатель Ульяновской областной чувашской национально-культурной автономии (выр.). Официальный портал органов власти Чувашской Республики. Министерство культуры, по делам национальностей и архивного дела Чувашской Республики (14 пушӑн 2022). Пӑхнӑ кун: 2025 ҫулхи юпан 15-мӗшӗ.
  2. ^ Дарья Косаринова. «Влюбленный в свой народ»: в Ульяновске умер глава чувашской автономии Олег Мустаев (выр.). 73онлайн (14 пушӑн 2022). Пӑхнӑ кун: 2025 ҫулхи юпан 15-мӗшӗ.
  3. ^ Олег Мустаев, Яльчики..там такие мальчики (выр.). Rutube › Чуваши Крыма и Севастополя (18 раштавӑн 2022). Пӑхнӑ кун: 2025 ҫулхи юпан 15-мӗшӗ.

Вуламалли

  • Мустаев Олег Николаевич // Хыпар. — 2022. — 15 пуш. — С. 4;
  • Николаев, В. Музей ҫеҫ мар, историпе патриотизм тата чӑвашлӑх шкулӗ : [Чӗмпӗр хулинчи Мустаевсен музейӗ ҫинчен] / В. Николаев // Салам. — 2015. — 24 кӑрлач (№ 2). — С. 6-7 : сӑн ӳкерчӗксем;
  • Петрова, Л. Олег Мустаевӑн ячӗ вилӗмсӗр / Л. Петрова // Хыпар. — 2023. — 21 пуш/март (№ 30). — С. 2 : сӑн ӳкерчӗк;
  • Пирӗн ентеш ЧНК вице-президенчӗ // Елчӗк ен. — 2017. — 3 чӳк. — С. 1;
  • Семенов, П. Лӑпкӑччӗ чун вӑл пур чухне / П. Семенов // Канаш (Чӗмпӗр Ен). — 2023. — 17 пуш/март (№ 11). — С. 3 : сӑн ӳкерчӗк;
  • Семенов, П. Хунтӑччӗ вӑл… / П. Семенов // Чӑваш хӗрарӑмӗ. — 2022. — 12 ҫу/май (№ 18). — С. 5 : сӑн ӳкерчӗк;
  • Тарасов, А. Чӑваш халӑхӗн чӑн ывӑлӗ / А. Тарасов // Тӑван Атӑл. — 2022. — № 3. — С. 112-113 : сӑн ӳкерчӗк;
  • Троянская, Е. Кун-ҫулӗ ырӑ ӗҫсемпе пуян / Е. Троянская // Хыпар. — 2022. — 17 ҫу/май (№ 52). — С. 3 : сӑн ӳкерчӗк. 9. Унӑн ячӗ нихӑҫан та манӑҫмӗ // Хыпар. — 2022. — 18 пуш/март (№ 28/29). — С. 15;
  • Чӗмпӗр чӑвашӗсен — ҫӗнӗ ертӳҫӗ / Н. Смирнова хатӗрленӗ // Хыпар. — 2016. — 5 нарӑс/февраль. — С. 4 : сӑн ӳкерчӗк;
  • Аляпкин, М. А. Мустаев Олег Николаевич / М. А. Аляпкин // Горжусь, чуваш, тобой : (о творческой деятельности чувашских народных академиков и краеведов Ульяновской области) / М. А. Аляпкин. — Ульяновск, 2009. — С. 63;
  • Иванов, Б. Новое лицо автономии : Олег Мустаев избран председателем чувашской национально-культурной автономии Ульяновской области / Б. Иванов // Советская Чувашия. — 2016. — 4 февр. — С. 9 : фот.;
  • Малышкин, Н. Ф. Мустаев Олег Николаевич / Н. Ф. Малышкин // Яльчикский район : краткая энцикл. — Чебоксары, 2007. — С. 227;
  • Мустаев, О. Соберутся гости в чувашском подворье : 55 лет исполнилось руководителю Ульяновской областной чувашской автономии Олегу Мустаеву : [интервью / записали Е. Скворцова, А. Ежова] // МК в Чебоксарах. — 2020. — 16-23 декабря (№ 51). — С. 18 : фот.;
  • Мустаев Олег Николаевич // Краткая чувашская региональная энциклопедия : Пензенская, Саратовская, Ульяновская области. — Ульяновск, 2012. — Т. II : М-Я. — С. 55-56;
  • Мустаев Олег Николаевич // Энциклопедия чувашской журналистики и печати. — Чебоксары, 2014. — С. 283-284. 17. Скорбим… Никогда не забудем… // Республика. — 2022. — 16 марта (№ 11). — С. 7 : фот.;
  • Тургай, О. Н. Мустаев Олег Николаевич / О. Тургай, В. Тургай // Лауреаты Международной премии имени Михаила Сеспеля = Халӑхсем хушшинчи Ҫеҫпӗл Мишши ячӗллӗ преми лауреачӗсем / О. Тургай, В. Тургай. — Чебоксары, 2010. — С. 73-74;
  • Ушел из жизни Олег Мустаев — председатель Ульяновской областной чувашской национально-культурной автономии. — Текст : электронный // Министерство культуры, по делам национальностей и архивного дела Чувашской Республики : сайт. — 2022. — 14 марта. — URL: https://culture.cap.ru/news/2022/03/14/ushyol-iz-zhizni-oleg-mustaev-predsedatelj-uljyano (дата обращения: 15.03.2022);
  • Хузангай, А. П. Мустаев Олег Николаевич / А. П. Хузангай // Чувашская энциклопедия. — Чебоксары, 2009. — Т. 3 : М-Се. — С. 164.

Каçăсем

Категорисем