Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Никитин Семён Петрович

Тӗрӗслесе тухнӑ статья
РУВИКИ-ре ҫак хушаматлӑ ытти ҫынсем пирки те статьясем пур: Никитин.

 

Никитин Семён Петрович (1904 ҫулхи ҫӑвӑн 10-мӗшӗ, Самуккасси, Шупашкар уесӗ, Хусан кӗпӗрни, Раҫҫей империйӗ — 1989 ҫулхи кӑрлачӑн 14-мӗшӗ, Шупашкар, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР) — совет саманинчи парти, хуҫалӑх тата профсоюз ӗҫченӗ[1].

Вӑл Александр Семёнович Никитинӑн ашшӗ[1].

Кун-ҫулӗ

1904 ҫулхи ҫу уйӑхӗн 10-мӗшӗнче Хусан кӗпӗрни Шупашкар уесӗнчи Самуккасси ялӗнче ҫуралнӑ. Сӗнтӗрвӑрринчи ҫулталӑк тӑсӑлакан педагогика курсӗсенче (1929), Чулхулари парти активӗн край курсӗсенче (1932), РСФСР Аслӑ Канаш Президиумӗн ҫумӗнчи совет патшалӑхне тӑвакан аслӑ курссенче (1937) пӗлӳ илнӗ[2].

1922–1932 ҫулсенче Шупашкар уесӗнче ӗҫленӗ — тӗрлӗ должноҫсене йышӑннӑ, ачасене шкулта вӗрентнӗ. 1932–1936 ҫулсенче — Кӗҫӗн Елчӗк районӗн ВКП(б) тӗрӗслекен комиссин председателӗ, Патӑрьел районӗн ВКП(б) комитечӗн секретарӗ, Патӑрьел тата Мӑн Сӗнтӗр райӗҫтӑвкомсен председателӗ. 1937–1941 ҫулсенче Чӑваш ЦИК Президиумӗ ҫумӗнчи кадрсен секторӗн заведующийӗ, Шӑхасан тата Вӑрмар районӗсенчи ВКП(б) райкомӗсен пӗрремӗш секретарӗ. 1941–1943 ҫулсенче Чӑваш ВКП(б) обкомӗн кадрсемпе ӗҫлекен секретарӗ[2].

1943–1959 ҫулсенче — Шупашкар, Чкаловски, Патӑрьел парти райкомӗсен пӗрремӗш секретарӗ, Чӑваш ВКП(б) обкомӗн административлӑ пайӗн заведующи ҫумӗ, Чӑваш облаҫӗн профсоюз канашӗн инструкторӗ, финанс ӗҫченӗсен обком профсоюзӗн председателӗ, Ишлей райӗҫтӑвком председателӗ[1].

Семён Петрович ялта вулав ҫуртне йӗркеленӗ — кун пирки «Мир Чувашский» кӗнекере унӑн ывӑлӗ А.С. Никитин ҫырать.

Хисепӗсем

Семён Петровича ҫак орденсемпе медальсемпе тата хисеплӗ ятсемпе чысланӑ[2]:

Ҫемйи

  • Амӑшӗ — Никитина Евдокия Никандровна.
  • Арӑмӗ — Нина Гавриловна, Кӳкеҫре ҫуралса ӳснӗскер[3].
  • Ывӑлӗ — Никитин Александр Семёнович (1938–2008), вӗрентӳ йӗркелекенӗ, совет саманин ӗҫченӗ.

Кӑсӑк фактсем

  • Александр ывӑлӗ — тӑван мар, Семён Петровичпа арӑмӗ ӑна блокадӑри Ленинградран килнӗ ачасен хушшинчен усрава илнӗ, ача чухне ун ячӗ Алик пулнӑ[3].
  • Чапаев Василий Иванович ашшӗ революцичченех хӑйсен ҫуртне (пурине) Семён Петрович ашшӗне, Пётр Никитина сутса янӑ пулнӑ. Семён Петрович совет органӗсенче вӑй хунӑран тӑван килне час-часах пырса ҫӳреймен, ҫурт хупӑ тӑнӑ. 1973 ҫулта ӑна Колешшари пӗр ҫынна сутса янӑ пулнӑ. Семён Петровичӑн ывӑлне ҫурт кун-ҫулӗ пӑшӑрхантарса ӳкерет те вӑл ӑна пӗтӗм халӑх пурлӑхӗ тӑвас енӗпе самай тӑрӑшать. Ҫапла май ҫурт каярах Шупашкарти В.И. Чапаев скверӗнче вырӑн тупать.[4]

Ӑнлантарусем

  1. ^ 1, 2, 3 Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 283. — 505 с.
  2. ^ 1, 2 Платонов, Николай Алексеевич. Будни Чебоксарского района и не только... / Н. А. Платонов ; [предисл. М. Н. Юхмы ; гл. ред. Ю. П. Листопад]. — Чебоксары: Новое Время, 2006. — 251 с. — 225 с.
  3. ^ Платонов, Николай Алексеевич. Будни Чебоксарского района и не только... / Н. А. Платонов ; [предисл. М. Н. Юхмы ; гл. ред. Ю. П. Листопад]. — Чебоксары: Новое Время, 2006. — 251 с. — 66 с.

Вуламалли

  • Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 283. — 505 с.
  • Платонов, Николай Алексеевич. Будни Чебоксарского района и не только... / Н. А. Платонов ; [предисл. М. Н. Юхмы ; гл. ред. Ю. П. Листопад]. — Чебоксары: Новое Время, 2006. — 251 с.

Каҫӑсем

Категорисем