Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Пашалу

Пашалу — чӑвашсен чустаран пӗҫерекен ҫӑкӑр тӗсӗ.

Çаврака тата лаптак пулать.

Мӗнле пӗҫереҫҫӗ

Пашалӑва тутлӑ чустаран пӗҫереҫҫӗ. Чуста ҫӑрма пӑри(выр.)чăв., урпа, сӗлӗ ҫӑнӑхӗ, ҫавӑн пекех ыраш ҫӑнӑхӗ хушса пӑрҫа тата ясмӑк ҫӑнӑхне усӑ кураҫҫӗ[1].

Пашалӑва кӑмакара е газ плити ҫинче пӗҫереҫҫӗ.

Пашалӑва вӗрилле ҫимелле, унсӑрӑн вӑл хӑвӑрт хытать.

Йӑла-йӗркери пӗлтерӗшӗ

Пашалу чӑваш халӑхӗн йӑли-йӗркинче пӗлтерӗшлӗ вырӑн йышӑннӑ. Йӑла-йӗркере усӑ курнӑ пашалӑвӑн варринче шӑтӑк тунӑ, тӑватӑ енчен чӗпӗтсе палӑртнӑ. Пашалу варринчи шӑтӑкне «кӑвапа»(выр.)чăв., хӗрринчи чӗпӗтнисене «сӑмса» тенӗ. Кунашкал пашалу тӗнче модельне пӗлтернӗ, чӳк тунӑ чух, кӗлӗ вуланӑ чух пашалӑва турӑсемпе ырӑсене кучченеҫ кӳнӗ — ӑна вута пӑрахнӑ, ҫӗре чавса чикнӗ е ятарлӑ вырӑна хунӑ[1].

Рецепт

Чуста ҫӑрма 200 г сӗт, 2 стакан ҫӑнӑх (чуста шӗвӗрех пулсан хушмалла пулать), 1 ҫӑмарта, чӗптӗм тӑвар, 1 чей кашӑкӗ апат соди, 1 апат кашӑкӗ сахӑр песукӗ кирлӗ. Чустана темиҫе пӗр пек пая пайламалла, кашнине 1 см хулӑнӑш ҫавра пулмалла йӗтӗрлемелле. Ҫатмана хӗртмелле, типҫу ямалла та чуста ҫаврине хумалла. Пӗр енчен хӗрелсе пиҫсен тепӗр енне ҫавӑрмалла. Пашалӑва пӑхсах тӑмалла, вал кӑштах ҫеҫ хӗрелмелле, ҫунтарса ямалла мар. Вӗри пашалу чейпе, сӗтпе, турӑхпа е уйранпа тутлӑ.

Ӑнлантарусем

  1. ^ 1, 2 Чувашская кухня: хлеб, пироги. Лепешка (пашалу) (выр.). Наследие Чувашии. Национальная библиотека Чувашской Республики.

Вуламалли

  • Чуваши. История и культура : историко-этнографическое исследование : в 2 томах / Чуваш. гос. ин-т гуманитар. наук ; под ред. В. П. Иванова. Т. 1, 2009. – С. 385.
  • Енькка, Е. Родной край. Материальная и духовная культура чувашского народа XVI-XIX веков : учебное пособие для 6-7 кл. / Елена Енькка, 2009. – С. 159.
  • Е.В. Сергеева. Традиционная кухня и застольный этикет чувашей (конец XIX — начало XXI в.) истрико-этнографическое исследование по материалам этнографической группы низовых чувашей. — Чебоксары: Фонд историк-культурологических исследований им. К. В. Иванова, 2015. — 172 с.
  • Чуваши и их соседи: этнокультурный диалог в пространственно-временном континууме: материалы межрегиональной научно-практической конференции (г. Чебоксары, 15-16 ноября, 2011) / сост. И отв. Ред. В. П. Иванов. — Чебоксары: ЧГИГН, 2012. — 312 с.
  • Антипова З. Л., Алексеев В. Н. Чӑваш апат-ҫимӗҫӗ. Чувашская кухня. — Чебоксары: ГУП Чувашской Республики «Чувашское книжное издательство» Минкультуры Чувашии, 2007. — 206 с.
  • Культура чувашского края. Часть I: Учебное пособие /В. П. Иванов,  Г. Б. Матвеев, Н. И. Егоров и др./ Сост. М. И. Скворцов. — Чебоксары: Чувашское книжное издательство, 1995. — 352 стр. — 91 стр.
  • Л. А. Енедерова. Чӑваш апат-ҫимӗҫӗ. — Халӑх шкулӗ. №5 (122), 2012.

Каçăсем

Темӑпа ҫыхӑннисем

Категорисем