Рассказово гербӗ
| Рассказово гербӗ | |
|---|---|
| Никӗсленӗ / йӗркеленӗ вӑхӑт | 2011 ҫулхи авӑнӑн 28-мӗшӗ |
| Патшалӑх | |
Раҫҫей Федерацийӗн Тамбов облаҫӗн Рассказово хулин хула тӑрӑхӗ муниципалитечӗн гербӗ.
Рассказово гербне Рассказово хулин халӑх депутачӗсен Канашӗн 2011 ҫулхи авӑнӑн 28-мӗшӗнчи 296 №-лӗ йышӑнӑвӗпе ҫирӗплетнӗ[1].
Герба Раҫҫей Федерацийӗн Патшалӑх геральдика регистрне 7342 № регистраци номерӗпе кӗртнӗ[2].
Герба сӑнласа пани
«Хӗрлӗ ана ҫинче хура ҫӑмхаллӑ кӗмӗл тир вырнаҫнӑ, ун йӗри-тавра ункӑн-ункӑн пучахсен ылтӑн пуҫӗсем саланнӑ»
2003 ҫулхи пушӑн 27-мӗшӗнчи Тамбов облаҫӗн «Тамбов облаҫӗн гербӗ ҫинчен» N 108-З саккунӑн 4-мӗш статйипе килӗшӳллӗн Рассказово хулин гербне ирӗклӗ пайпа та — Рассказово гербӗн ҫӳлти кӗтесӗ ҫумӗнче Тамбов облаҫӗн гербӗнчен илнӗ фигурӑсемлӗ тӑват кӗтеслӗхпе — усӑ курма юрать.
Рассказово хулин гербне, Раҫҫей Федерацийӗн Президенчӗ ҫумӗнчи Геральдика канашӗ 2006 ҫулхи ҫӗртмен 28-мӗшӗнче ҫирӗплетнӗ муниципалитетсен официаллӑ символӗсене хатӗрлес тата усӑ курас тӗлӗшпе сӗннӗ меслетсемпе (2-мӗш пай, VIII сыпӑк, 45-46 п.п.) килӗшӳллӗн, палӑртнӑ тӗслӗхсемпе усӑ курса статус кӑшӑлӗпе те усӑ курма май пур.
Герб символики
Рассказово хулин гербӗ символсемпе тата аллегорисен чӗлхипе хулан географи, аваллӑх тата ытти уйрӑмлӑхӗсене сӑнласа парать, вӗсем унӑн иртнине тата хальхи кун-ҫулне ҫыхӑнтараҫҫӗ.
Сӑран тата тӑла туса кӑларакан пӗрремӗш хапрӑксем Рассказовӑра XVIII ӗмӗрӗн иккӗмӗш пайӗнче никӗсленнӗ. Хальхи вӑхӑтра та хула тӑрӑхӗнче тиртен ҫӗленӗ тумтир ҫӗлекен фабрика тата тир-сӑран савучӗ ӗҫлеҫҫӗ.
Гербӑн тӗп вырӑнӗнче сӑран тир вырнаҫнӑ, вӑл — тир-сӑран туса кӑларассин символӗ те, ӑрусен ҫыхӑнтаракан символ та, пӗрле тӑвакан ӗҫӗн (сӑран хатӗрлекенсен тата атӑ-пушмакпа тумтир ҫӗлекен ӑстасен) символӗ те .
Сӑран варринче — ҫӑм ҫӑмхи, вӑл Рассказово ӑстисен авалхи алӗҫне — ҫӑм япаласем ҫыхнине — сӑнлать.
Рассказово хули Рассказово районӗн администраци центрӗ шутланать, кунти тӗп ӗҫӗ-хӗл вара ял хуҫалӑхӗ шутланать, хула гербӗнче ҫакна хӗвел пайӑркисем евӗр саланакан ылтӑн пучахсемпе сӑнарлӑн палӑртнӑ.
Хӗрлӗ тӗс — ӗҫ, хӑюлӑх, пурнӑҫа ҫирӗплетекен вӑй, илем тата уяв символӗ.
Симӗс тӗс ҫут ҫанталӑка, ҫуркуннене, сывлӑха, ҫамрӑклӑхпа шанчӑка пӗлтерет.
Кӗмӗл — тасалӑх, уҫӑлӑх, турӑ ӑслӑлӑхӗн тата ҫураҫулӑх символӗ.
Хура тӗс ырӑ ӑс-хакӑла, ӑса, сӑпайлӑха тата тӳрӗлӗхе пӗлтерет.
Ылтӑн — тыр-пул, пуянлӑх, ҫирӗплӗх, хисеплӗх, хӗвел ӑшшипе ун хӑвачӗн символӗ.
Рассказово гербне Раҫҫей геральдисчӗсен союзӗ пулӑшнипе хатӗрленӗ.
Герб авторӗсем: шухӑшӗ — Алексей Чесноков, Андрей Литовский, Геннадий Курносов (Рассказово); геральдика тӗлӗшӗнчен юсани — Константин Мочёнов (Химки); художник тата компьютер дизайнӗ — Оксана Афанасьева (Мускав); символикӑна ӑнлантарса пани — Вячеслав Мишин (Химки).
Интереслӗ фактсем
 Тулаш ӳкерчĕксем
| |
|---|---|
|
Рассказово эмблеми (2006) |
2006 ҫулта Рассказово хулин эмблемипе (эмблема официаллӑ ҫирӗпленмен) геральдика евӗрлӗ сувенир значокне хатӗрленӗ: «Ешӗл уйра хура-ылтӑн кашкӑр пуҫӗ. Ирӗклӗ пайра Тамбов облаҫӗн гербӗ»[3].
Эмблемӑри кашкӑрта, тен, питӗ паллӑ пулса тӑнӑ «Сан тусу — Тамбов кашкӑрӗ» фразеологизм сӑнланнӑ…[4]
Ҫавӑн пекех пӑхӑр
Ӑнлантарусем
- ^ Решение Рассказовского городского Совета народных депутатов от 28.09.2011 № 296 «О гербе города Рассказово Тамбовской области». Пӑхнӑ кун: 5 Нарӑс уйӑхӗн 2013. Архивланӑ 25 Авӑн уйӑхӗн 2014 ҫул.
- ^ Государственный геральдический регистр Российской Федерации, часть 3. Пӑхнӑ кун: 5 Нарӑс уйӑхӗн 2013. Архивланӑ 8 Кӑрлач уйӑхӗн 2015 ҫул.
- ^ Изображение сувенирного значка. Пӑхнӑ кун: 19 Ҫӗртме уйӑхӗн 2022. Архивланӑ 17 Ҫурла уйӑхӗн 2016 ҫул.
- ^ Герб Рассказово. Пӑхнӑ кун: 5 Нарӑс уйӑхӗн 2013. Архивланӑ 4 Пуш уйӑхӗн 2016 ҫул.
Каҫӑсем
|
Ку статьяна РУВИКИН Вырӑс уйрӑмӗнчи Герб Рассказово статьяна чӑвашла куҫарса хатӗрленӗ. ' |