Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Робертус Виталий Владимирович

Тӗрӗслесе тухнӑ статья

Робертус Виталий Владимирович (1970 ҫулхи авӑнӑн 7-мӗшӗ, Мурманск облаҫӗ, РСФСР, СССР[1] — 2024 ҫулхи пушӑн 13-мӗшӗ, Мускав, Раҫҫей Федерацийӗ[2]) — Раҫҫей топ-менеджерӗ, спортсмен-авиамоделисчӗ[1].

Виталий Робертус команда йышӗнче хутшӑнса икӗ хутчен авиамодель спорчӗ енӗпе тӗнче чемпионӗ тата уйрӑммӑн хутшӑнса тӑватӑ хутчен ҫак ҫитӗнӗве тума пултарнӑ. Ҫичӗ хутчен авиамодель спорчӗ енӗпе Раҫҫей чемпионӗ пулнӑ[3][1].

RusJet (РусДжет[4]) авиамодель спорт клубӗн йӗркелӳҫисенчен пӗри[4] тата шеф-пилочӗ[1].

30 ҫул ытла «Лукойл» компанире ӗҫленӗ, юлашки ҫулсенче — вице-президент должноҫӗнче[1].

Кун-ҫулӗ

Виталий Робертус 1970 ҫулхи авӑнӑн 7-мӗшӗнче Мурманск облаҫӗнче ҫуралнӑ[1].

Кӑк тымарӗ — Раҫҫей империне куҫнӑ нимӗҫ кил-йышӗнчен. Мӑн-мӑн аслашшӗ Георг Робертус II Екатерина императрица хушӑвӗпе куҫса килнӗ тӑххӑрмӗш ҫын пулнӑ[5].

Ашшӗ ҫар ҫынни пулнӑ, ҫемйи гарнизонсенче пурӑннӑ. Виталий Робертус аса илнӗ тӑрӑх, Александр Сергеевич Яковлев авиаци конструкторӗн кӗнекине вуланӑ хыҫҫӑн вӑл авиаципе «чирлесе кайнӑ», ҫакӑ малашне шкул хыҫҫӑн аслӑ вӗренӳ заведенине суйласа илес тата авиаципе интересленес тӗлӗшпе витӗм кӳнӗ[4]. Шкул ҫулӗсенченех авиамоделизм енӗпе аппаланма пуҫланӑ[4].

1987 ҫулта[4] шкул пӗтерсен института вӗренме кӗнӗ, 1993 ҫулта МАИ пӗтернӗ, ун хыҫҫӑн аспирантурӑна кайнӑ. Ҫав вӑхӑтрах Громов ячӗллӗ М. М. Громов ячӗллӗ вӗчевпе тӗпчев институтӗнче инженер пулса ӗҫленӗ, пӗлӗвне малалла туптанӑ, 1995 ҫулта Пӗтӗм Раҫҫейри тулашри суту-илӳ академине (ВАВТ) вӗренсе пӗтернӗ[1].

2000 ҫултанпа авиамодель спорчӗ енӗпе иртнӗ ӑмӑртусене хутшӑнма тытӑннӑ[4].

2001 ҫулта РусДжет авиамодель клубне никӗсленӗ (IJMC реактивлӑ моделизма аталантарас енӗпе ӗҫлекен тӗнче шайӗнчи организаци членӗ шутланать)[4].

2009 ҫулта Робертус «Лукойл» ПАО-ра ӗҫлеме тытӑннӑ[1].

2011 ҫулта диссертаци хӳтӗленӗ те экономика ӑслӑлӑхӗсен кандидачӗн ятне илнӗ[1]. Ҫавӑн пекех Executive MBA степеньне илнӗ[4].

Ҫав вӑхӑтрах Робертус хӑйӗн авиаци спорчӗн ӗҫӗпе малалла кӑсӑкланнӑ, ӑмӑртусене те, авиаци моделӗсемпе кӑтартуллӑ вӗҫевсем ирттерме те хутшӑннӑ[4].

Робертус — «Тула ҫуначӗсем» фестивале йӗркелекенсенчен пӗри, унта вӑл хальхи йышши Як-130 тата Су-57 самолетсен моделӗсене кӑтартнӑ[6].

Эльбрус ҫине унччен никам пурнӑҫламан майпа, вертолётпа хӑпарнӑ мероприятие хутшӑннӑ[7].

2024 ҫулхи пуш уйӑхӗн 13-мӗшӗнче 55 ҫула кайнӑскер вилнӗ[8], сывпуллашу церемонийӗ пуш уйӑхӗн 16-мӗшӗнче Анкудинов ҫӑви ҫинче иртнӗ[6].

Спортри ҫитӗнӗвӗсем

Виталий Робертус авиамодель спорчӗпе тӑрӑшуллӑ ӗҫленӗ, тӑтӑшах наци тата тӗнче шайӗнчи ӑмӑртусене хутшӑннӑ[5].

Робертус — авиамоделировани енӗпе ҫичӗ хут Раҫҫей чемпионӗ пулса тӑнӑ, хӑй ятӗнчен хутшӑнса тӑватӑ хутчен (2011, 2013, 2015, 2017) тӗнче чемпионӗ пулнӑ. Ҫавӑн пекех Раҫҫейӗн команди йышӗнче ушкӑнпа хутшӑнса тӗнче чемпионӗн ятне тивӗҫнӗ, РФ тава тивӗҫлӗ спорт мастерӗ, авиаципе спорта аталантарас ӗҫе пысӑк тӳпе хывнӑшӑн ӑна дипломпа, 2012 ҫулта тӗнче шайӗнчи авиаци федерацийӗн (FAI)[5] медалӗпе чысланӑ[6].

Робертус авиамодельсенче турбореактивлӑ двигательпе[1] усӑ курнӑ Раҫҫейри пӗрремӗш спортсмен пулса тӑнӑ, реактивлӑ моделизмпа вӑл 2001 ҫултанпа ӗҫлеме пуҫланӑ[4].

Авиамоделизмсӑр пуҫне унӑн пилот лицензийӗ пулнӑ, тӗрлӗ йышши сывлӑш карапӗсем (самолетсем, вертолётсем) ҫинче вӗҫнӗ. Пӗтӗмпе вӑл 10 ытла сывлӑш карапне тытса пыма вӗреннӗ[5].

2019 ҫулта спорт енӗпе вӑл Пӗтӗм Раҫҫейри «Раҫҫей нимӗҫӗсен чи чаплӑ ячӗсем» конкурсӑн лауреачӗ пулса тӑнӑ[7].

Культурӑра

Алексей Герман-кӗҫӗнни режиссёрӑн «Сывлӑш» фильмне ӳкернӗ чухне хӑшпӗр кадрсенче самолётсем вӗҫнипе сывлӑшри ҫапӑҫусенче Виталий Робертус самолёт моделӗн вӗҫевне ертсе пынӑ[6].

Ҫавӑн пекех пӑхӑр

Ӑнлантарусем

  1. ^ 1, 2, 3, 4, 5, 6, 7, 8, 9, 10 Робертус Виталий Владимирович. Московский авиационный институт (МАИ). Пӑхнӑ кун: 2024 ҫулхи пушӑн 15-мӗшӗ.
  2. ^ Умер вице-президент ЛУКОЙЛа и чемпион по авиамодельному спорту Робертус. Тӗрӗсленӗ: 2024 ҫулхи пушӑн 15-мӗшӗ.
  3. ^ Скончался вице-президент «Лукойла» Виталий Робертус. Татар-информ (13 пушӑн 2024). Пӑхнӑ кун: 2024 ҫулхи пушӑн 15-мӗшӗ.
  4. ^ 1, 2, 3, 4, 5, 6, 7, 8, 9, 10 Быстрее и выше: как выпускник МАИ развивает реактивный авиамоделизм в России. Московский авиационный институт (МАИ) (3 ҫурлан 2021). Пӑхнӑ кун: 2024 ҫулхи пушӑн 15-мӗшӗ.
  5. ^ 1, 2, 3, 4 Достижения номинанта конкурса «Лучшие имена немцев России – 2018» Виталия Робертуса. Ассоциация общественных объединений «Международный союз немецкой культуры» (10 ҫурлан 2018). Пӑхнӑ кун: 2024 ҫулхи пушӑн 15-мӗшӗ.
  6. ^ 1, 2, 3, 4 Ушёл в вечный полёт Робертус Виталий Владимирович. Федерация авиамодельного спорта России (14 пушӑн 2024). Пӑхнӑ кун: 2024 ҫулхи пушӑн 15-мӗшӗ.
  7. ^ 1, 2 Нинель Загребская. Виталий Робертус. 24СМИ. Пӑхнӑ кун: 2024 ҫулхи пушӑн 15-мӗшӗ.
  8. ^ Сообщение ПАО «ЛУКОЙЛ». Лукойл (официальный сайт) (13 пушӑн 2024). Пӑхнӑ кун: 2024 ҫулхи пушӑн 15-мӗшӗ.

Вуламалли

Каҫӑсем

Категорисем