Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Рожанский Ермей Иванович

Рожанский Ермей Иванович (1741, Кӑрмӑш — 1813, Кӑрмӑш, Чӗмпӗр кӗпӗрни) — миссионер, куҫаруҫӑ, очерксем ҫыракан. Ермей Иванович кивӗ чӑваш ҫырулӑхне йӗркелекенсенчен пӗри[1].

Пурнӑҫӗ

1741 ҫулта Кӑрмӑш хулинче ҫуралнӑ[2]. Ашшӗ — Иван Герасимов[3].

Чулхулари ӑс-хакӑл семинарийӗнче пӗлӳ илнӗ. Вӗренсе тухсан Чулхулари Спасс чиркӗвӗнче дьячок тата диакон пулса ӗҫленӗ[4].

1765 ҫулта Кӑрмӑшпа Етӗрне уесӗсенчи чӑвашсем ыйтнипе чӑваш прихучӗсенче православи миссионерӗ пулса ӗҫленӗ.

Хӑйӗн ашшӗн Иван Герасимовӑн ӗҫне малалла тӑснӑ май В. Г. Пуцек-Григоровичпа пӗрле Уралпа Атӑл тӑрӑхӗнчи халӑхсене христиан тӗнне вӗрентес енӗпе ӗҫленӗ. Вӗсем пӗрле «Сочинения, принадлежащие к грамматике чувашского языка» ӗҫе хатӗрленӗ, Ермей Рожанский унта грамматика пайне ҫырса панӑ[5]. Кӗнекере ҫавӑн пекех умсӑмах, чӑваш чӗлхинчи морфологийӗн кӗске ӑнлантарӑвӗ, чӑвашла-вырӑсла словарь пулнӑ.

1780-мӗш ҫулсенче Чулхулара ӑс-хакӑл литературине Атӑлҫи тӑрӑхӗнчи халӑхсен чӗлхи ҫине куҫарас енӗпе ӗҫлекен пӗрремӗш шкул йӗркеленнӗ. Чӑвашсемпе тата тутарсемпе ӗҫлекен ушкӑна Ермей Рожанский ертсе пыма пуҫланӑ. Ӑна унӑн ывӑлӗ Г. Е. Рожанский тата И. Татинскийпе Н. Русановский семинаристсем пулӑшнӑ.

1784 ҫулта Дамаскин (Д. С. Руднев) ертсе пынипе «Словарь языков разных народов» хатӗрлеме пуҫланӑ. Унта кӗртнӗ «О чувашах» очерка Ермей Иванович хатӗрленӗ пулнӑ[3]. Ку ӗҫре вӑл чӑвашсен йӑли-йӗркисене ҫутатса панӑ. Ҫавӑн пекех чӑваш турӑ ячӗсене те асӑнса тухнӑ: мӗншӗн яваплӑ, чӑвашсем хӑҫан вӗсене кӗл тӑваҫҫӗ тата ытти те.

Вӑл вырӑсларан чӑвашла «Краткий катехизис» букварь евӗр ӗҫе куҫарнӑ, 1800 ҫулта ӑна Санкт-Петербургра уйрӑм кӗнекен пичетлесе кӑларнӑ.

Ермей Рожанские ҫавӑн пекех 1797 ҫулта Чулхулана I Павел пырса кайни чухне ӑна кӗтсе илме ҫырнӑ чаплӑ сӑмахсен авторӗ тесе палӑртаҫҫӗ[3].

Пурнӑҫран 1813 ҫулта уйрӑлнӑ.

Ермей Рожанский ӗҫӗсем

undefined

Ермей Иванович ҫак ӗҫсене пурнӑҫланӑ (е вӗсене ҫырма пулӑшнӑ):

  • «Краткий катехизис, переведенный на чувашский язык с соблюдением российскаго и чувашскаго просторечия, ради удобнейшаго онаго познания воспринявших святое крещение 1788 года»;
  • Словарь языков разных народов в Нижегородской епархии обитающих, именно: россиан, татар, чувашей, мордвы и черемис...»;
  • «О чувашах, живущих в Нижегородской епархии», 1785;
  • «Сочинения, принадлежащих к грамматике чувашского языка» (СПб., 1769);
  • «Краткий катехизис, переведенный на чувашский язык с наблюдением российского и чувашского просторечия для оудобнейшего познания онаго восприявшым святое крещение». 1800. Санкт-Петербург;
  • «Речи для переводу на чувашский язык», 1773;
  • «Перевод по-чувашски». 1773;
  • Действие Нижегородской духовной семинарии... при окончании годичного учения... 1788 года, 30 дня[6];
  • Всерадостное торжество, которым благочестивейшего ... императора Павла , по священном миропомазании и короновании на всероссийский престол, совершившемся в 5 день апреля 1797 года всемилостиво посещающего Нижний Новгород благоговейнейше приветствует Нижегородская семинария мая... дня 1797 года.

Ермей Рожанский ӗҫӗн хаклавӗ

Рожанскийпе унӑн вӗренекенӗсен ӗҫӗ христиан тӗнне вӗрентнинчен самай анлӑрах пулнӑ. Вӗсем тӑрӑшнипе чӑваш литература чӗлхи аталанма пуҫланӑ, куҫару ӑсталӑхӗ лайӑхланса пынӑ[3].

Хальхи чӑваш историографийӗнче Ермей Рожанский чӑваш литература чӗлхине пуҫарса яраканӗ пек палӑртаҫҫӗ. Унӑн ӗҫӗсем Иван Яковлев пек ҫутта кӑларакансем хыҫҫӑнхи ӗҫӗ-хӗлӗ валли никӗс пулса тӑнӑ. Тӗпчевҫӗсем палӑртнӑ тӑрӑх, шӑпах Рожанский халӑхӑн чӗрӗ пуплевӗ ҫине таянса ҫыру чӗлхин нормисене йӗркелес енӗпе чи малтан тӗплӗ ӗҫе пуҫланӑ[7].

Чӑваш халӑхне ҫутта кӑларакан йышӗнчи паллах мар священниксен йышӗнчен Ермей Рожанские чи малтан Николай Васильевич Никольский палӑртнӑ. Унӑш шухӑшӗпе Ермей Иванович епархире ку тӗлӗшпе пысӑк вырӑн йышӑннӑ[8].

В. Г. Родионов тӗпчевҫӗ палӑртнӑ тӑрӑх Ермей Рожанский пӗрремӗш чӑваш грамматики авторӗ шутланмалла: Пуцек-Григорович ытларах енӗпе ӗҫе ертсе пынӑ, чӑваш чӗлхине вара лайӑх пӗлмен[9].

Астӑвӑм

Ермей Рожанский ӗҫне халалласа ҫулсерен Чӑваш чӗлхин пӗрлехи кунне ирттереҫҫӗ. Ку официаллӑ мар уява Чӑваш Республикин наци вулавӑшӗ Чӑваш кӗнеке издательстви, Чӑваш патшалӑх гуманитари ӑслӑлӑхӗсен институчӗ, Чӑваш Республикин профессиллӗ ҫыравҫисен пӗрлӗхӗ пулӑшнипе ирттерет. Уява пӗрремӗш хут 2021 ҫулта ирттернӗ[10][11].

Рожанские халалласа сӑвӑсем ҫыраҫҫӗ.

Ӑнлантарусем

  1. ^ Авалхи чӑваш ҫырулӑхӗ. «Чӑваш Енӗн эткерӗ». Чӑваш эткерлӗхӗн цифрӑллӑ библиотеки. Пӑхнӑ кун: 2025 ҫулхи раштавӑн 23-мӗшӗ.
  2. ^ Халӗ Чулхула облаҫӗнчи Пильна районне кӗрекен сала.
  3. ^ 1, 2, 3, 4 В.Г. Родионов. Рожанский Ермей Иванович (выр.). Чувашская энциклопедия. Пӑхнӑ кун: 2025 ҫулхи раштавӑн 23-мӗшӗ.
  4. ^ Исследователи чувашского языка : Рожанский Ермей Иванович (выр.). Культурное наследие Чувашии. Пӑхнӑ кун: 2025 ҫулхи раштавӑн 23-мӗшӗ.
  5. ^ Рожанский, Ермей Иванович (языковед; 1741-1813) (выр.). «Наследие Чувашии». Цифровая библиотека чувашского наследия. Пӑхнӑ кун: 2025 ҫулхи раштавӑн 23-мӗшӗ.
  6. ^ ЦГА (Чулхула облаçĕ), ф.2013, оп.602, д.1450, лл.7-8.
  7. ^ В. Г. Родионов. Чувашский этнос. Исследования по этнологии и мифопоэтике. — Чебоксары: ЧГИГН, 2017. — 324 с. — ISBN 978–5–87677–216–9.
  8. ^ Ермей Рожанский. Новое о деятельности чувашского миссионера ХIХ в. | Православная библиотека(паллӑ мар). hnir.cerkov.ru. Пӑхнӑ кун: 2026 ҫулхи кӑрлачӑн 14-мӗшӗ.
  9. ^ Научная библиотека Чувашского государственного университета. library.chuvsu.ru. Пӑхнӑ кун: 2026 ҫулхи кӑрлачӑн 14-мӗшӗ.
  10. ^ Единый день чувашской книги (выр.). Союз чувашских краеведов (6 ҫӗртмен 2025). Пӑхнӑ кун: 2025 ҫулхи раштавӑн 23-мӗшӗ.
  11. ^ Таисия Ташней. Чӑваш кӗнеки кунӗ иртнӗ. Чӑваш халӑх сайчӗ (21 ҫӗртмен 2024). Пӑхнӑ кун: 2025 ҫулхи раштавӑн 23-мӗшӗ.

Вуламалли

Чӑвашла

  • Родионов, В. Г. Ермей Рожанский : жизнь и творчество : [ст. и архив. материалы] / В. Г. Родионов. — Чебоксары : ЧГИГН, 2012. — 148 с.
  • Алексеев, А. Эпӗ чӑваш йӑхӗнчен / А. Алексеев // Тантӑш. — 1991. — 4 дек.
  • Иванов, И. Eрмей Рожанские чысласа / И. Иванов // Хыпар. — 1991. — 19 нояб.
  • Петров, Н. П. Eрмей Рожанский XVIII ӗмӗрти чӑваш писателӗ. Пӗрремӗш грамматика авторӗ. Куҫаруҫӑ тата словарҫӑ / Н. П. Петров // Чӑваш филологийӗпе культури : ӑслӑлӑх конф. материалӗсем. — Шупашкар, 1992. — С. 41-43.
  • Родионов, В. Малтанхи чӑвашла кӗнеке / В. Родионов // Коммунизм ялавӗ. — 1989. — 6 янв.
  • Ялкир, П. Чӑваш ҫырулӑхне йӗркелеме тӑрӑшса // Ялкир, П. Хӗрлӗ Чутай ҫыравҫисем / П. Ялкир. — Хӗрлӗ Чутай, 1994. — С. 2-4.
  • Яруткина, С. В. Ермей Рожанский / С. В. Яруткина // Чутай ен ҫыравҫисен антологийӗ / С. В. Яруткина. — Шупашкар, 2015. — С. 8-9.

Вырӑсла

  • Проблемы письменности и культуры : материалы конф., посвящ. 250-летию со дня рождения ученого и просветителя Eрмея Рожанского. — Чебоксары, 1992. — 120 с.
  • Алексеев, А. Я природою из чуваш / А. Алексеев // Советская Чувашия. — 1991. — 14 нояб.
  • Данилов, И. Eрмей Рожанский или Герасим Иванов? / И. Данилов // Советская Чувашия. — 1994. — 15 февр.
  • Eгоров, Д. E. Рожанский Eрмей Иванович // Eгоров, Д. E. Ученые-педагоги Чувашии и их вклад в развитие просвещения и педагогической науки / Д. E. Eгоров. — Чебоксары, 1997. — С. 16-17.
  • Ермилова, Е. В. Роль христианской культуры в становлениии жанров чувашской литературы / Е. В. Ермилова // Фольклорное и литературное отражение художественно-эстетической памяти народа : [сб. ст.] / Чуваш. гос. ин-т гуманит. наук. — Чебоксары, 2006. — С. 8-44.
  • Капитонова, И. У истоков образования / И. Капитонова // Вперед (Шумерлин. р-н). — 2010. — 23 апр. — С. 2.
  • Переводы на старописьменный чувашский язык православных книг: историко-лингвистический экскурс / О. Р. Студенцов, В. П. Павлов, Г. В. Хораськина, Л. А. Васильева // Вестник Чувашского государственного педагогического университета им. И. Я. Яковлева. — 2015. — № 2 (86). — С. 114-120. — Библиогр.: с. 120 (13 назв.).
  • Петров, Н. П. Ермей Рожанский — автор первой печатной грамматики чувашского языка, писатель, словарист, переводчик-просветитель / Н. П. Петров // История старочувашской письменности. — Чебоксары, 2009. — С. 55-76.
  • Петров, Н. П. О личности переводчика «Сокращенного катехизиса», изданного в 1804 г. на чувашском и русском языках / Н. П. Петров // Изв. НАНИ ЧР. — 1997. — № 1. — С. 96-103.
  • Родионов, В. Г. Новое о деятельности Eрмея Рожанского / В. Г. Родионов // Актуальные проблемы чувашской литературы. — Чебоксары, 1983. — С. 157-178.

Каҫӑсем

Категорисем