Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Рябчиков Владимир Иванович

Рябчиков Владимир Иванович (1934 ҫулхи раштавӑн 4-мӗшӗ, Çĕнĕ Кинчер, Чăваш Автономиллĕ Социализмлă Совет Республики — 2002 ҫулхи кӑрлачӑн 11-мӗшӗ, Шупашкар) — СССР Приборсем, автоматизаци хатӗрӗсем тата управлени тытӑмӗсем тӑвас ӗҫӗн министерствин Шупашкарти «Промприбор» производство пӗрлешӗвӗн токарӗ. Социализмла Ӗҫ Паттӑрӗ (1981)[1].

Пурнӑҫӗпе ӗҫӗ-хӗлӗ

1934 ҫулхи раштавӑн 4-мӗшӗнче Чӑваш АССРӗн Вӑрмар районӗнчи Ҫӗнӗ Кинчер ялӗнче хресчен ҫемйинче ҫуралнӑ. Чӑваш[2].

Ялти пуҫламӑш шкултан вӗренсе тухсан 1948 ҫулта вырӑнти Чапаев ячӗллӗ колхозра ӗҫлеме пуҫланӑ, 1952 ҫултан — уй-хир бригадине ертсе пынă. 1954—1957 ҫулсенче Совет Ҫарӗнче хӗсметре тӑнӑ, демобилизаци хыҫҫӑн тӑван яла таврӑнса колхозра ӗҫленӗ.

1960 ҫулта Шупашкарти электроникăпа механика заводĕнче токарь пулса ĕçлеме пуҫланӑ (1976 ҫулхи ҫӗртме уйӑхӗнчен пуҫласа — «Промприбор» производство пӗрлешӗвӗ)[3]. Ӗҫленӗ хушӑрах мастерсен шкулне тата ватам шкул программине вӗренсе пӗтернӗ, пысӑк квалификациллӗ токарь пулса тӑнӑ.

1971 ҫулта кашни хӑйӗн ӗҫ вырӑнӗнче ӗҫ тухӑҫлӑхне ӳстерес тӗллевпе харпӑр пилӗкҫуллӑх планне йышӑнас пуҫарупа тухнӑ. Хӑйӗн харпӑр планне туса ӑна 2 ҫул та 10 уйӑхра пурнӑҫланӑ, заводра чи малтисенчен пӗри тӑвакан детальсем ҫине харпӑр тӑмха лартма тивӗҫ пулнӑ. Заводра ку пуҫарӑва ырласа 235 ҫын ун пек ӗҫлеме пуҫланӑ.

1973 ҫулта «СССР Приборсем, автоматизаци хатӗрӗсем тата управлени тытӑмӗсем тӑвас ӗҫӗн министерствин профессипе чи лайӑх ӗҫчен» хисеплӗ ята, 1974 ҫулта Ленин орденне тивӗҫнӗ[4].

1980 ҫулсен пуҫламӑшӗнче Шупашкарти «Промприбор» производство пӗрлешӗвӗ СССР Приборсем, автоматизаци хатӗрӗсем тата управлени тытӑмӗсем тӑвас ӗҫӗн министерствин чи пӗлтерӗшлӗ предприятийӗ пулса тӑнӑ[5].

СССР Аслӑ Канашӗн Президиумӗн 1981 ҫулхи пуш уйӑхӗн 31-мӗшӗнчи Хушӑвӗпе вуннӑмӗш пилӗкҫуллӑх планӗсен тата социализмла обязательствӑсен производство кӑтартӑвӗсене ӳстерсе пурнӑҫланӑшӑн тата ӗҫри хастарлӑхшӑн Владимир Иванович Рябчикова Ленин орденӗпе тата «Ҫурлапа Мӑлатук» ылтӑн медальпе чысласа Социализмла Ӗҫ Паттӑрӗн ятне панӑ[2].

1975 ҫулта Владимир Иванович Рябчиков ятне Чӑваш АССРӗн Ӗҫ Мухтавӗпе Паттӑрлӑхӑн Кӗнекине ҫырса хунӑ[6]. 1980 ҫулта «РСФСР тава тивӗҫлӗ машиностроителӗ» хисеплӗ ята тивӗҫнӗ[7].

Хӑйӗн ӑсталӑхне ыттисене, уйрӑмах ҫамрӑксене парас тесе нумай тӑрӑшнӑ, 1979 ҫулта ВЦСПС тата ВЛКСМ Тӗп Комитечӗн «Ҫамрӑксен вӗрентекенӗ» паллӑна тивӗҫнӗ.

Шупашкарта пурӑннӑ. 2002 ҫулхи кӑрлачӑн 11-мӗшӗнче вилнӗ[1].

Обществӑлла ӗҫ

Чӑваш АССР Аслӑ Канашӗн 9-мӗш суйлаври (1975—1980) депутачӗ, Шупашкар хулин ӗҫҫынни депутатсен Канашӗн депутачӗ, КПСС Чӑваш обкомӗн пайташӗ, Пӗтӗм Союзри профсоюзсен XVII делегачӗ (1982) пулнӑ.

Чӑваш АССР Аслӑ Канашӗн председателӗн ҫумӗ пулнӑ[8].

Хисепӗсем

  • Социализмла Ӗҫ Паттӑрӗ (31.03.1981),
  • икӗ Ленин орденӗ (28.02.1974, 31.03.1981 № 459007),
  • «Ҫурлапа Мӑлатук» ылтӑн медаль (31.03.1981 № 19833),
  • Ӗçлӗх Хӗрлӗ Ялав орденӗ (20.04.1971),
  • Чӑваш АССРӗн Ӗҫ Мухтавӗпе Паттӑрлӑхӑн Кӗнекине ҫырса хунӑ (1975),
  • РСФСР тава тивӗҫлӗ машиностроителӗ (23.06.1980),
  • «Соцӑмӑрту ҫӗнтерӳҫи» паллӑ (1973, 1974, 1975, 1976),
  • ВЦСПС тата ВЛКСМ Тӗп Комитечӗн «Ҫамрӑксен вӗрентекенӗ» паллӑ (1979),
  • «Ӗҫри хастарлӑхшӑн» медаль (02.07.1966),
  • «Ӗҫри хастарлӑхшӑн. В. И. Ленин ҫуралнӑранпа 100 ҫул ҫитнине асӑнса» медаль (1970).

Ӑнлантарусем

  1. ^ 1, 2 Рябчиков Владимир Иванович. Чувашская энциклопедия. Пӑхнӑ кун: 2026 ҫулхи ҫурлан 12-мӗшӗ.
  2. ^ 1, 2 Рябчиков Владимир Иванович. warheroes.ru. Пӑхнӑ кун: 2026 ҫулхи ҫурлан 12-мӗшӗ.
  3. ^ Чебоксарский завод электроники и механики. Чувашская энциклопедия. Пӑхнӑ кун: 2026 ҫулхи ҫурлан 12-мӗшӗ.
  4. ^ Рябчиков Владимир Иванович. Люди труда — гордость Чувашии. Пӑхнӑ кун: 2026 ҫулхи ҫурлан 12-мӗшӗ.
  5. ^ Министерство приборостроения, средств автоматизации и систем управления СССР (Минприбор СССР). Путеводители по российским архивам. Пӑхнӑ кун: 2026 ҫулхи ҫурлан 12-мӗшӗ.
  6. ^ Постановление бюро Чувашского обкома КПСС, Президиума Верховного Совета и Совета Министров Чувашской АССР о занесении В.И. Рябчикова в Почетную Книгу Трудовой Славы и Героизма Чувашской АССР. (выр.). Люди труда - гордость Чувашии. ГИА ЧР. Ф.Р-203. Оп. 21. Д. 1650. Л. 119. (17 ҫӗртмен 1975).
  7. ^ Указ Президиума Верховного Совета РСФСР О присвоении почетного звания «Заслуженный машиностроитель РСФСР» работникам машиностроительных предприятий Чувашкой АССР (выр.) (1980 ҫулхи ҫӗртме уйӑхӗн 23-мӗшӗ).
  8. ^ Постановление Верховного Совета Чувашской АССР/ Об избрания заместителей председателя Верховного Совета Чувашской АССР (выр.) (1985 ҫулхи пуш уйӑхӗн 21-мӗшӗ).

Вуламалли

  • Об избрания заместителей председателя Верховного Совета Чувашской АССР : постановление Верховного Совета Чувашской АССР от 21 марта 1985 г. / Верховный Совет Чувашской АССР // Советская Чувашия. — 1985. — 22 марта (№ 68). — С. 1.
  • О присвоении почетного звания «Заслуженный машиностроитель РСФСР» работникам машиностроительных предприятий Чувашской АССР : указ Президиума Верховного Совета РСФСР от 23.06.1980 / Президиум Верховного Совета РСФСР // Советская Чувашия. — 1980. — 25 июня (№ 145). — С. 3.
  • Маяксем, Л. Чыс / Л. Маяксем // Тӑван Атӑл. — 1983. — № 5. — С. 44-48.
  • Святсков, А. Ӗҫ паттӑрӗ : [В. И. Рябчиков ҫинчен] / А. Святсков // Пионер сасси. — 1983. — 11 янв.
  • Данюшевский, Б. По праву рабочего / Б. Данюшевский // Советская Чувашия. — 1982. — 19 окт. ; Труд. — 1982. — 16 окт.
  • Иванова, В. А. Слово и дело Владимира Рябчикова / В. А. Иванова // И скажут люди спасибо / В. А. Иванова. — Чебоксары, 1981. — С. 30-33.
  • Иванова, В. Слово и дело Владимира Рябчикова / В. Иванова // Советская Чувашия. — 1981. — 11 апр. : фот.
  • Мадебейкин, И. Н. Рябчиков Владимир Иванович / И. Н. Мадебейкин // Краткая чувашская энциклопедия. — Чебоксары, 2001. — С. 357.
  • Мадебейкин, И. Н. Рябчиков Владимир Иванович / И. Н. Мадебейкин // Чувашская энциклопедия. — Чебоксары, 2009. — Т. 3 : М-Се. — С. 602-603.
  • Рябчиков Владимир Иванович // Ими гордится Чувашия : их имена занесены в Почетную Книгу Трудовой Славы и Героизма ЧАССР / сост.: М. В. Демидов, – Чебоксары, 1987. – С. 168-169 : фот.
  • Рябчиков, В. И. Наши рабочие руки : [о рабочей чести и гордости, профессии рабочего] / В. И. Рябчиков // Совет. Чувашия. – 1982. – 16 марта.

Каҫӑсем

Категорисем