Семёнов Валерий Семёнович (хирург)
Семёнов Валерий Семёнович (1924 ҫулхи ҫӗртмен 9-мӗшӗ, Шӑмӑш, Шупашкар районӗ — 1996 ҫулхи акан 3-мӗшӗ, Шупашкар) — хирург, медицина ӑслӑлӑхӗсен докторӗ, профессор (1970)[1].
Пурнӑҫӗпе кун-ҫулӗ
Ашшӗ — Семён Аркадьевич, амӑшӗ — Пелагея Павловна.
Тӑван Ҫӗршывӑн Аслӑ вӑрҫине хутшӑннӑскер, хӗсмете 1942 ҫулхи ҫӗртмен 23-мӗшӗнче чӗнсе илнӗ. Вӑрҫӑра стрелок пулнӑ, стрелоксен 48-мӗш полкӗн тата Ленинград фрончӗн 68-мӗш стрелоксен дивизийӗн 169-мӗш стрелоксен полкӗн санинструкторӗ тивӗҫне пурнӑҫланӑ. Кайран 61-мӗш стрелоксен дивизийӗн стрелоксен 221-мӗш полкӗн миномёт взвочӗн командирӗ пулнӑ[2][1].
Икӗ хутччен аманнӑ пулнӑ, вӑрҫӑран 1946 ҫулта таврӑннӑ[2][3].
1954 ҫулта Минскри медицина институтӗнчен (халӗ Беларуҫ медицина патшалӑх университечӗ) вӗренсе тухнӑ. 1954–1965 ҫулсенче Минск облаҫӗн районти сывлӑх сыхлав пайӗн Борисов хула пульницин заведующийӗ, 1954-1956 ҫулта ҫав вӑхӑтрах Борисов хула пульницинче хирург пулса ӗҫленӗ[2].
1969–1990 ҫулсенче И.Н. Ульянов ячӗллӗ Чӑваш патшалӑх университечӗн медицина факультетӗнче пӗтӗмӗшле хирурги кафедрин заведующийӗ пулнӑ.
1960 ҫулта медицина ӑслӑлӑхӗсен кандидат диссертацине хӳтӗленӗ, 1968 ҫулта — доктор диссертацине[1][4]).
Валерий Семёнович 120 ытла ӑслӑлӑх ӗҫ авторӗ[1].
Ӑслӑлӑх ӗҫӗпе аппаланнисӗр пуҫне общество ӗҫне те тунӑ: Шупашкар хула Канашӗн депутатне суйланнӑ, 1970–1989 ҫулсенче Чӑваш Республикин хирургсен медицина пӗрлӗхне ертсе пынӑ, Хусанти медицина журналӗн Редакци канашӗн членӗ пулнӑ[5].
Ывӑлӗсем — Александрпа Юрий — ашшӗ ҫулӗпе кайнӑ, Шупашкарта ӗҫлеҫҫӗ[5].
Хисепӗсем
- Чӑваш Республикин тава тивӗҫлӗ тухтӑрӗ (1990)[2];
- II степеньлӗ Тӑван Ҫӗршыв вӑрҫи орденӗ[2];
- Хӗрлӗ Ҫӑлтӑр орденӗ[1];
- «Тӑван Ҫӗршывӑн 1941–1945 ҫҫ. Аслӑ вӑрҫинче Германие ҫӗнтернӗшӗн» медаль[2].
Ӑнлантарусем
- ^ 1, 2, 3, 4, 5 Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 349–350. — 505 с.
- ^ 1, 2, 3, 4, 5, 6 https://энциклопедии.наследиечувашии.рф/a/article/3044.html
- ^ Фотовыставка к 95-летию со дня рождения Семенова Валерия Семеновича — «Золотые руки хирурга». Пӑхнӑ кун: 2021 ҫулхи утӑн 17-мӗшӗ. Архивланӑ 2021 ҫулхи утӑн 17-мӗшӗ.
- ^ Автореферат диссертации на соискание ученой степени доктора медицинских наук. Пӑхнӑ кун: 2021 ҫулхи утӑн 17-мӗшӗ. Архивланӑ 2021 ҫулхи утӑн 17-мӗшӗ.
- ^ 1, 2 Григорьев Н. Г. «Со скальпелем в руке в борьбе за жизнь». Очерки. Чебоксары. 2002. Пӑхнӑ кун: 2021 ҫулхи утӑн 17-мӗшӗ. Архивланӑ 2021 ҫулхи утӑн 17-мӗшӗ.
Вуламалли
- Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 349–350. — 505 с.