Соловьёва Галина Павловна

1964 ҫулхи утӑ уйӑхӗн 1-мӗшӗнче Чӑваш АССРӗнчи Тӑвай районӗнчи Чутей ялӗнче ҫуралнӑ. Чулхула облаҫӗнчи культпросветучилищӗрен (халӗ – Чулхула облаҫӗн культура колледжӗ), Хусан патшалӑх культурӑпа ӳнер институтӗнчен (халӗ — университет) вӗренсе тухнӑ. 1986 ҫултанпа Чӑваш Республикин Наци библиотекинче вӑй хурать:

• библиотекарь,
• аслӑ библиотекарь,
• пай заведующийӗ,
• «Чӑваш кӗнеки» Информаципе культура центрӗн заведующийӗ^[1].

Чӑваш таврапӗлӳҫисен пӗрлӗхӗн председателӗн ҫумӗ^[2].

Республикӑри библиотека ӗҫне аталантарас ӗҫе пысӑк тӳпе хывнӑ. Вӑл ертсе пынипе

• Чӑваш Республикинчи библиотекӑсен периодика кӑларӑмӗсене анализ тӑвассипе ҫыхӑннӑ ӗҫӗн корпоративлӑ сетьне йӗркеленӗ тата аталантараҫҫӗ,
• Чӑваш Республикин Наци библиотекин электронлӑ вулавӑшӗ ҫӗнӗлет,
• «Чӑваш Ен культура еткерӗ» портал, чӑваш еткерлӗхӗн «Чӑваш Ен еткерӗ», «Чӑваш Ен литература картти» цифрӑланӑ библиотекӑсем тулса пыраҫҫӗ,
• таврапӗлӳ енӗпе ӑслӑлӑхпа тӗпчев ӗҫӗ-хӗлӗ пурнӑҫланать,
• Чӑваш Республикинчи тата Раҫҫей Федерацийӗнчи чӑвашсем йышлӑ пурӑнакан регионсенчи библиотекӑсене методика тата практика пулӑшӑвӗ парасси куллен пулса пырать,
• Чӑваш халӑхӗн документлӑ еткерне упраса хӑварас енӗпе Федерацин тӗллевлӗ «Раҫҫей культури», Чӑваш Республикин тӗллевлӗ «Чӑваш Ен культури» программисен шайӗнче проектсем пурнӑҫланаҫҫӗ,
• «Чӑваш кӗнеки: 1961—2000 ҫҫ.» пӗрлештернӗ каталогсем йӗркелеҫҫӗ,
• «Чувашика», «Локаллӑ вӑрҫӑсенче пуҫ хунӑ ҫар ҫыннисен астӑвӑм кӗнеки», «Чӑваш Енри ҫар ҫыннисен вилтӑприйӗсем тата палӑкӗсем» электронлӑ ресурссем тулса пыраҫҫӗ.

Раҫҫей Федерацийӗнчи наци библиографине аталантарас программӑна пурнӑҫлакансенчен пӗри, ҫак программӑпа килӗшӳллӗн Чӑваш Республикинче «Чӑваш кӗнеки: 1917—2000 ҫҫ.» пӗтӗмлетӳллӗ репертуар-каталог йӗркеленет. Федерацин тӗллевлӗ «Раҫҫей культури» программи шайӗнче библиотека фончӗсене упрас тата аталантарас тӗлӗшпе 16 проект пурнӑҫа кӗртнӗ.

Соловьева Г. П. Чӑваш Республикин паллӑ та асра юлмалли датӑсене ҫулсерен «Ҫулталӑк кӗнеки — Календарь года» календарь ҫӗнетнӗ форматпа туса кӑларас ӗҫе пуҫарса янӑ. Ҫавӑн пекех библиографи пособийӗсемпе электронлӑ кӑларӑмсен, библиографи справочникӗсен, мультимедиа кӑларӑмӗсен авторӗсенчен пӗри шутланать:

ӑслӑлӑх-пулӑшу кӑтартӑвӗсем:

• «Геннадий Айги» (2 томлӑ, 2004),
• «Петӗр Петрович Хусанкай» (2007),
• «Чӑваш литературоведенийӗ тата критика: 1990—2010 гг.» (2014),
• «Пӗлтермен вӑрҫӑ паттӑрӗсем: тӑнӑҫ пурнӑҫра ҫар тивӗҫне пурнӑҫласа вилнисем (1946—2015 ҫҫ.)» (2017),
• «Чӑваш Енри Ӗҫ паттӑрӗсем» (2017),
• «Чӑваш патшалӑх академи драма театрӗ» (2017),
• «Чӑваш Республикин социаллӑ пурнӑҫӗпе экономика аталанӑвӗ: 1994—2010 ҫҫ.» (2021),
• «Чӑваш кӗнеки: 1918—2000 ҫҫ.» (2015—2023);

библиографи справочникӗсем:

• «Чӑваш чӗлхин тӗпчевҫисем» (2006);

библиографи кӑтартмӑшӗсем:

• «Чӑваш чӗлхипе литератури: учебниксемпе пособисем» (2012),
• «Чӑваш Республики: 1970—2020» (2020),
• «Артемьев Юрий Михайлович» (2021),
• «Теветкел Николай Александрович» (2022),
• «Юхма Михаил Николаевич» (2022);

мультимедиа кӑларӑмӗсем:

• «Геннадий Айхи: Поэзи шӑплӑхӗ» (2001),
• «Андриян Николаевӑн ҫӑлтӑр ҫулӗ» (2006),
• «Петӗр Хусанкай. Ҫунтӑр манӑн ҫӑлтӑрӑм» (2007),
• «Манӑн сасӑ — янӑравлӑ хурҫӑ», Митта Ваҫлейӗ чӑваш поэчӗ 100 ҫул тултарнӑ тӗле (2008),
• «Чӑваш диаспори» (2008),
• «Чунра шӑранать йӗрке …», Ю. Сементер Чӑваш халах поэчӗ 70 ҫул тултарнӑ тӗле (2012);
• «Чӑваш Ен ячӗсем Раҫҫей историйӗнче».

«Чӑваш Ен ячӗсем Раҫҫей историйӗнче» мультимедиа кӑларӑмӗсен пуххи Чӑваш Республикинче ҫуралнӑ паллӑ ентешсемпе паллаштарать, коллекцири темиҫе кӑларӑм «Тӑван тӑрӑх DVD форматра» Пӗтӗм Раҫҫейри конкурсра дипломсене тивӗҫнӗ.

• Раҫҫей Федерацийӗн тава тивӗҫлӗ культура ӗҫченӗ^[3] (2020);

• Чӑваш Республикин тава тивӗҫлӗ культура ӗҫченӗ^{[4] [5] [6]}(2008);
• Чӑваш Республикин Хисеп грамоти (2001);
• С. М. Яндуш ячӗллӗ «Тӑван тавралӑха тӗпчес ӗҫри ҫитӗнӳсемшӗн» медаль (2012);
• Н. Я. Бичурин ячӗллӗ орден (2016);
• Раҫҫей Федерацийӗн Культура тата массӑллӑ коммуникацисен министерствин Тав сӑмахӗ (2006);
• Чӑваш Республикин Культура, национальноҫсен ӗҫӗсен, информатика политикин тата архив ӗҫӗн министерствин Хисеп грамоти;
• Чӑваш Республикинчи культура ӗҫченӗсен профсоюзӗн рескомӗн Хисеп грамоти;
• Чӑваш таврапӗлӳҫисен пӗрлӗхӗн председателӗн Тав сӑмахӗ;
• «Чӑваш автономи облаҫне никӗсленӗренпе 100 ҫул» юбилей медалӗ (2020).