Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Тихонов Василий Фёдорович

РУВИКИ-ре ҫак хушаматлӑ ытти ҫынсем пирки те статьясем пур: Тихонов; Тихонов Василий.

Тихонов Василий Фёдорович (1913 ҫулхи раштавӑн 27-мӗшӗ, Кӑрмӑш (Шупашкар районӗ), Чăваш Автономиллĕ Социализмлă Совет Республики — 1995 ҫулхи утӑн 17-мӗшӗ, Ишлей, Чӑваш Республики — Чӑваш Ен) — производство йӗркелекен[1].

Пурнӑҫӗпе ӗҫӗ-хӗлӗ

Кӑшавӑшри ҫичӗ ҫур вӗренмелли шкулта пӗлӳ илнӗ, кайран Ҫӗрпӳри ял хуҫалӑх техникумӗнче, Етӗрнери техникумра вӗреннӗ[2].

Тӑван ялӗнчи колхозра тӑрмашнӑ, кайран Ишлей районӗн ҫӗр ыйтӑвӗсен пайӗнче ӗҫленӗ[1].

1939 ҫулта ӑна Хӗрлӗ Ҫара хӗсмете илнӗ. 1939–1940 ҫулсенче Советсемпе финнсем хушшинчи вӑрҫа хутшӑннӑ. 1941–1945 ҫулсенче Тӑван Ҫӗршывӑн Аслӑ вӑрҫинче ҫапӑҫнӑ, 1945 ҫулхи юпа уйӑхӗнче капитан ҫар званийӗпе саппаса тухнӑ[2].

Василий Фёдорович Тӑван Ҫӗршывӑн Аслӑ вӑрҫинче Мускав хӳтӗлекен ҫапӑҫусене, Курск ҫапӑҫӑвне, Висла ҫинчи ҫапӑҫусене хутшӑннӑ[3].

Тӑван тӑрӑхне таврӑнсан Шупашкар район канашӗн ӗҫ тӑвакан комитетӗнче 1955 ҫулччен ял хуҫалӑх пайӗн заведующийӗ пулса ӗҫленӗ, кайран 1985 ҫулччен Шупашкар районӗнчи «Коммунизмшӑн» колхозӑн тӗп агрономӗ пулнӑ[1].

Хисепӗсем

Василий Фёдорович ҫак орденсемпе медальсене тата хисеплӗ ятсене тивӗҫнӗ[1]:

  • Чӑваш АССРӗн тава тивӗҫлӗ аргономӗ (1967);
  • РСФСР тава тивӗҫлӗ агрономӗ (1970);
  • Ленин орденӗ;
  • Хӗрлӗ Ҫӑлтӑр орденӗ;
  • «Хисеп палли» орденӗ;
  • Тӑван Ҫӗршыв вӑрҫин I тата II степеньлӗ орденӗсем;
  • «Хастарлӑхшӑн» медаль (1943)[4];
  • ытти медальсем.

Ӑнлантарусем

  1. ^ 1, 2, 3, 4 http://энциклопедии.наследиечувашии.рф/a/article/3265.html
  2. ^ 1, 2 Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 390. — 505 с.
  3. ^ http://www.%D0%BF%D0%BE%D0%B1%D0%B5%D0%B4%D0%B8%D1%82%D0%B5%D0%BB%D0%B821.%D1%80%D1%84/frontovye-pobedy/item/2659-tikhonov-vasilij-fedorovich.html
  4. ^ https://pamyat-naroda.ru/heroes/podvig-chelovek_nagrazhdenie150289730/

Вуламалли

  • Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 390. — 505 с.

Каҫӑсем

Категорисем