Том Хэнкс

Том Хэнкс 1956 ҫулхи ҫурла уйӑхӗн 9-мӗшӗнче Конкордра ҫуралнӑ — АПШ ҫурҫӗр-хӗвелтухӑҫӗнчи хула, Калифорни штачӗ^[8]. Амӑшӗ — Джанет Мэрилин Фрейджер (1932–2016)^[9], пульницӑра ӗҫленӗ. Ашшӗ — Амос Меффорд Хэнкс (1924–1992), шеф-повар. Ашшӗ-амӑшӗ Том 5 ҫулта пулнӑ чухне уйрӑлнӑ. Ывӑл ашшӗпе пӗрле ӳснӗ^[10].

Театр ӳнерӗ Хэнкса шкул вӑхӑтӗнчех кӑсӑклантарнӑ. Шкултан вӗренсе тухнӑ хыҫҫӑн 1974 ҫулта Том Хэнкс Хейвардри (Калифорни штачӗ) Шабо колледжне вӗренме кӗнӗ. Актёр ӗҫӗпе профессионал евӗр палӑрма 1976–1977 ҫулсенче вӑл Калифорни патшалӑх университечӗн драма ӳнерӗн факультечӗнче Сакраментӑра вӗреннӗ. Анчах вӗҫлеймен, мӗншӗн тесен Огайо штатӗнчи Кливлендӑн хула театрӗн труппине кӗме йыхрав илнӗ. 1979 ҫулта Нью-Йорка куҫнӑ^[7].

Кино актёр ӗҫӗнче Том Хэнкс валли пӗрремӗш кинофильм 1980 ҫулхи «Он знает, что вы одни» слэшер пулнӑ, унта Хэнкс студент-психологӑн эпизодлӑ рольне вылянӑ. 1984 ҫулта проката тухнӑ «Всплеск» кинофильм хыҫҫӑн актёра аван паллама пуҫланӑ^[11]. 1980-мӗш ҫулсен вӗҫӗнче вӑл ҫак картинӑсенче ӳкерӗннӗ: «Мальчишник» (1984), «Волонтёры» (1985), «Человек в одном красном ботинке» (1985), «Тёрнер и Хуч» (1989). 1989 ҫулта ҫемьепе пӑхмалли «Большой» (1988) фэнтези-камит Хэнкса пӗрремӗш премие — чи лайӑх арҫын ролӗн номинацире вӑл «Золотой глобус» премине тивӗҫнӗ.

1990-мӗш ҫулсенче Том Хэнкс камитсенче ӳкерӗнме пӑрахса «Оскара» тивӗҫнӗ «Филадельфия» (1993) тата «Форрест Гамп» (1994) фильмсенче выоянӑ^[12]. Гамп рольӗ ӑна пысӑ ӑнӑҫу кӳнӗ^[13]. 1990-мӗш ҫулсен иккӗмӗш пайӗнче тӗпрен илсен вӑл хутшӑннӑ кашни картина прокатра хӑйсене лайӑх кӑтартнӑ. Вӗсен хушшинче Стивен Спилбергӑн «Спасти рядового Райана» (1998) кинофильмӗ, «Вам письмо» (1999) мелодрама, «Зелёная миля» (1999) мистика драма. 2001 ҫулта Хэнкс тепӗр «Золотой глобус» премине тивӗҫнӗ, ку хутӗнче «Изгой» приключениллӗ драмӑра Робинзон Крузо рольне вылянӑшӑн илнӗ.

2000-мӗш ҫулсенче актёр ҫак фильмсенче вылянӑ: «Поймай меня, если сможешь» (2002), «Терминал» (2004), «Код да Винчи» (2006) тата унӑн тӑсӑмӗ «Ангелы и демоны» (2009). 2012 ҫулта проката Том Тыкверӑн тата Вачовски йӑхӗсен «Облачный атлас» фантастика кинофильм-альманах тухнӑ — вӑл уйрӑм историсенчен тӑрать, кунта тӗрлӗ йышши ҫынсене тата вселеннӑйри этемсене сӑнарланӑ. Том Хэнкс унта улта персонажа вылянӑ. Клинт Иствудӑн «Чудо на Гудзоне» (2016) биографиллӗ фильма халӑх хапӑл йышӑннӑ, ку картинӑра ӗҫлемен двигательлӗ самолёта тытса пыракан пилотсем ҫинчен каласа кӑтартать. Ҫак ҫулах Хэнкс Дэн Браунӑн романӗсен экранизацийӗн малалли пайӗнче — «Инферно» ятлинче — вылянӑ^[14].

Актёрӑн ӗҫӗсен хушшинче — «Грейхаунд» (2020) ҫар драминчи флот пуҫлӑхӗн ролӗ тата «Новости со всех концов света» (2020) вестернӗнчи капитан ролӗ. Ҫакӑн пекех вӑл Уэс Андерсонӑн «Город астероидов» (2023) картинӑнче вылянӑ^[15]. 2024 ҫулта Роберт Земекисӑн «Здесь» драма тухнӑ, Хэнкс унта тӗп роле — Ричард Янга — вылянӑ^[16]. 2025 ҫулта актёр Уэс Андерсонӑн «Финикийская схема» фильмӗнче курӑннӑ^[17]. 2026 ҫулхи кӑрлапч уйӑхӗнче «Грейхаунд» кинофильмӗн малалли пайне ӳкерме пуҫланӑ, Хэнкс унта тепӗр хут сценарист тата тӗп роле вылякан пулӗ^[18].

2026 ҫулхи кӑрлач уйӑхӗ тӗлне Том Хэнкс 417 ӗҫ пурнӑҫланӑ^[19].

• Пӗрремӗш арӑмӗ (1978—1987) — Саманта Льюис (1952–2002)^[20]
  • Ывӑлӗ — Колин Хэнкс (1977 ҫулхи чӳкӗн 24-мӗшӗнче ҫур.), актёр, режиссёр, продюсер^[21]
  • Хӗрӗ — Элизабет Энн Хэнкс (1982 ҫулхи ҫу уйӑхӗн 17-мӗшӗнче ҫур.), актриса, продюсер^[22]
• Иккӗмӗш арӑмӗ (1988 — хальхи вӑхӑт)^[7][11] — Рита Уилсон (1956 ҫулхи юпа уйӑхӗн 26-мӗшӗнче ҫур.), актриса, продюсер, режиссёр^[23]
  • Ывӑлӗ — Честер Марлон (Чет) Хэнкс (1990 ҫулхи ҫурла уйӑхӗн 4-мӗшӗнче ҫур.), актёр^[24]
  • Ывӑлӗ — Труман Теодор Хэнкс (1995 ҫулхи раштав уйӑхӗн 26-мӗшӗнче ҫур.), актёр, оператор^[25]

1. 1984 — Мальчишник
2. 1994 — Форрест Гамп
3. 1995 — История игрушек
4. 1998 — Спасти рядового Райана
5. 1998 — История игрушек 2
6. 1999 — Симĕс миля
7. 2004 — Терминал
8. 2006 — Тачки
9. 2010 — История игрушек: Большой побег
10. 2019 — История игрушек 4