Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Трофимов Станислав Олегович

РУВИКИ-ре ҫак хушаматлӑ ытти ҫынсем пирки те статьясем пур: Трофимов.

Трофимов Станислав Олегович (ҫур. 1992 ҫулхи раштавӑн 1-мӗшӗ, Красноармейски, Чӑваш Республики — Чӑваш Ен) — Раҫҫей регион шайӗнчи хуҫалӑх тата патшалӑх ӗҫченӗ. 2025 ҫулхи раштав уйӑхӗн 12-мӗшӗнчен пуҫласа — Шупашкар хулин пуҫлӑхӗ (2025 ҫулхи авӑнӑн 20-мӗшӗнчен хула пуҫлӑхӗн тивӗҫӗсене пурнӑҫланӑ).

Пурнӑҫӗпе ӗҫӗ-хӗлӗ

1992 ҫулхи раштавӑн 1-мӗшӗнче Чӑваш Республикин Красноармейски районӗнчи Красноармейски ялӗнче ҫуралнӑ Красноармейски 2-мӗш вӑтам шкулне вӗренсе пӗтернӗ (2010).

Вӗренӳ

2015 ҫулта Раҫҫей патшалӑх социаллӑ университетне («Юриспруденци» специальноҫ), 2024 ҫулта Мускав политехника университетне («Менеджмент» специальноҫ) вӗренсе пӗтернӗ.

И. Н. Ульянов ячӗллӗ Чӑваш патшалӑх университетӗнче («Муниципаллӑ йӗркеленӳ управленийӗн актуаллӑ ыйтӑвӗсем») тата Раҫҫей Федерацийӗн Президенчӗ ҫумӗнчи Раҫҫей халах хуҫалӑхӗпе патшалӑх службин академийӗнче («Патшалӑх управленийӗ — пуҫлӑхсем валли»») професси пӗлӗвне ӳстернӗ[1].

Карьера

2017 ҫулта — Шупашкар хулинчи вулавӑшсен пӗрлешӗвӗн директорӗн ҫумӗ.

2017—2022-ҫулсенче — Шупашкар хула администрацийӗн информаци, общество ҫыхӑнӑвӗсен тата ҫамрӑксен политикин управленийӗн ҫамрӑксен тата общество аталанӑвӗн пайӗн пуҫлӑхӗ.

2022—2025 ҫулсенче — Чӑваш Республикин Етӗрне муниципаллӑ округӗн пуҫлӑхӗ[2].

2025 ҫулхи ҫурла уйӑхӗн 18-мӗшӗнчен — Шупашкар хула администрацийӗн пуҫлӑхӗн ЖКХ ыйтӑвӗсемпе ӗҫлекен ҫумӗ – ЖКХ, энергетика, транспорт тата ҫыхӑну управленийӗн пуҫлӑхӗ[3].

2025 ҫулхи авӑнӑн 20-мӗшӗнчен — Шупашкар хулин пуҫлӑхӗн тивӗҫӗсене пурнӑҫлакан.

2025 ҫулхи раштав уйӑхӗн 12-мӗшӗнчен пуҫласа — Шупашкар хулин пуҫлӑхӗ[4].

2026 ҫулхи ҫу уйӑхӗнчи «Пӗрлӗхлӗ Раҫҫейӗн» Чӑваш Республикин Патшалӑх Канашне суйланма кандидата тӑратма тивӗҫлисене палӑртмалли умсасӑлавра 5-мӗш суйлав округӗпе 1-мӗш вырӑн йышӑннӑ[5].

Обществӑлла ӗҫ

  • Студент чухне, 2011 ҫултанпа, Шупашкарти 53 № шкулта «Юридици клубӗ» проект шайӗнче кружок занятийӗсем ирттернӗ, Шупашкар хулинчи Калинин районӗн Ҫамрӑксен Правительствин пайташӗ шутланнӑ;
  • Красноармейски районӗнче ҫамрӑксен проекчӗсене хастар пурнӑҫласа Красноармейски районӗн Ҫамрӑксен Правительствине йӗркелеме пуҫаруҫӑ пулнӑ;
  • Красноармейски районӗнчи «Пӗрлӗхлӗ Раҫҫей» партин «Ҫамрӑк Гварди» канашӗн председателӗ, район депутачӗсен Пухӑвӗ ҫумӗнчи ҫамрӑксен палатин председателӗ пулнӑ;
  • «Пӗрлӗхлӗ Раҫҫей» партин «Ҫамрӑк Гварди» регион штабне ертсе пынӑ;
  • Республикӑри ҫамрӑксен волонтёр юхӑмӗн ертӳҫи пулнӑ;
  • «Пӗрлӗхлӗ Раҫҫей» парти пайташӗ;
  • Етӗрне муниципаллӑ округӗн пуҫлӑхӗ чухне Етӗрне округӗнчи «Пӗрлӗхлӗ Раҫҫей» партин уйрӑмне ертсе пынӑ[6].

Ӑнлантарусем

  1. ^ Трофимов Станислав Олегович - Глава города Чебоксары (выр.). официальный портал органов власти Чувашской Республики. Пӑхнӑ кун: 2025 ҫулхи раштавӑн 25-мӗшӗ.
  2. ^ Ядринский округ возглавил волонтер Станислав Трофимов из «Единой России» и библиотеки (выр.). Правда ПФО (15 чӳкӗн 2022). Пӑхнӑ кун: 2025 ҫулхи раштавӑн 25-мӗшӗ.
  3. ^ Алексей Голицын. В Чебоксарах назначен новый заместитель главы города по ЖКХ (выр.). МК в Чебоксарах (18 ҫурлан 2025). Пӑхнӑ кун: 2025 ҫулхи раштавӑн 25-мӗшӗ.
  4. ^ Степан Мельчаков. Мэром Чебоксар избрали экс-главу округа Станислава Трофимова (выр.). Коммерсант (12 раштавӑн 2025). Пӑхнӑ кун: 2025 ҫулхи раштавӑн 25-мӗшӗ.
  5. ^ Н. Владимирова. Подведены итоги предварительного голосования «Единой России» (выр.). Автономное учреждение Чувашской Республики «Редакция Шумерлинской газеты “Вперёд”» Министерства цифрового развития, информационной политики и массовых коммуникаций Чувашской Республики. Пӑхнӑ кун: 2026 ҫулхи утӑн 23-мӗшӗ.
  6. ^ Трофимов Станислав Олегович (выр.). Единая Россия. Пӑхнӑ кун: 2025 ҫулхи раштавӑн 25-мӗшӗ.

Каҫӑсем

Категорисем