Тумаланов Николай Демьянович
Тумаланов Николай Демьянович (1943 ҫулхи кӑрлачӑн 6-мӗшӗ, Аслӑ Чурачӑк, Комсомольски районӗ, Чӑваш АССР) — Раҫҫей Федерацийӗн тава тивӗҫлӗ вӑрманҫи, Чӑваш АССРӗн тава тивӗҫлӗ вӑрманҫи.
Пурнӑҫӗпе ӗҫӗ-хӗлӗ
1943 ҫулхи кӑрлач уйӑхӗн 6-мӗшӗнче Чӑваш АССРӗнчи Комсомольски районӗнчи Аслӑ Чурачӑк ялӗнче ҫуралнӑ. Йошкар-Олари Атӑлҫи вӑрман институтне (1965) вӗренсе пӗтернӗ. Красноярск хулинче хими предприятийӗсене тунӑ ҫӗрте (1959—1960), Киров облаҫӗнчи Котельники вӑрман хуҫалӑхӗнче лесничи (1965—1969), Вӑрнар вӑрман хуҫалӑхӗнче лесничи тата директор (1969—2005) пулса ӗҫленӗ. Вӑл пуҫарнипе тата ертсе пынипе 30 га лаптӑк ҫинче тӗслӗхлӗ вӑрман питомникӗ никӗсленӗ, 5 пин га ҫинче ҫӗнӗрен вӑрман ӗрчетнӗ, йывӑҫа тирпейлемелли тата тӗрлӗ тавар тумалли механизациленӗ цехсем, вӑрман хуҫалӑхӗнче ӗҫлекенсем валли ҫуртсем тата ытти те тунӑ.
Хисепӗсем
- Чӑваш АССРӗн тава тивӗҫлӗ вӑрманҫи (1981);
- Раҫҫей Федерацийӗн тава тивӗҫлӗ вӑрманҫи (1998).
Вуламалли
- Григорьев, В. Я. Тумаланов Николай Демьянович / В. Я. Григорьев, Г. Н. Ксенофонтов // Энциклопедия Комсомольского района. — Чебоксары, 2009. — С. 608.
- Жизнь посвятил вурнарским лесам // Çӗнтерӳ çулӗ (Вӑрнар районӗ). — 2023. — 17 ҫӗртме/июнь (№ 44). — С. 7 : фот.
- Тихонов, П. Т. Тумаланов Николай Демьянович / П. Т. Тихонов // Чувашская энциклопедия. — Чебоксары, 2011. — Т. 4 : Си-Я. — С. 277.
- Тихонов, П. Т. Н. Д. Тумаланов / П. Т. Тихонов // Лесоводы Чувашии. XX век : [биогр. справ.] / П. Т. Тихонов. — Чебоксары, 2007. — Кн. 2 / П. Т. Тихонов, Д. А. Николаев. — С. 52-53 : портр.
- Юнусов Д.Р., Петрова Т.Г., Николаев В. Д. По труду и честь. — Новое время, 2023. — С. 79. — 168 с.